ନୂଆଦିଲ୍ଲୀ : ଶାହୀନ ବାଗ୍ରୁ ପ୍ରଧାନମନ୍ତ୍ରୀ ମୋଦିଙ୍କୁ ନିମନ୍ତ୍ରଣ ପତ୍ର। ଦିଲ୍ଲୀର ଶାହୀନ ବାଗ୍ରେ ନାଗରିକତା ସଂଶୋଧନ ଆଇନ (CAA) ବିରୋଧରେ ବିକ୍ଷୋଭ କରୁଥିବା ଲୋକେ ମୋଦିଙ୍କୁ ଦେଇଛନ୍ତି ଭାଲେଣ୍ଟାଇନ୍ ଲେଟର । ପ୍ରଧାନମନ୍ତ୍ରୀଙ୍କୁ କରିଛନ୍ତି ଅନୁରୋଧ । ଲେଖିଛନ୍ତି , କେବେ ଆସିବେ ଆପଣ ?
ସୂଚନା ମୁତାବକ , ଶାହୀନ ବାଗ୍ରେ ବିକ୍ଷୋଭ ପ୍ରଦର୍ଶନକାରୀମାନେ ୧୩ ଫେବ୍ରୁୟାରୀ ସନ୍ଧ୍ୟା ୫ଟାରେ ଭାଲେଣ୍ଟାଇନ୍ ପାଳିବାକୁ ସ୍ଥିର କରିଛନ୍ତି । ମୋଦିଙ୍କୁ ନିମନ୍ତ୍ରଣ କରିଛନ୍ତି । ଆଉ ନିମନ୍ତ୍ରଣ କାର୍ଡରେ ଲେଖାଯାଇଛି, ଏଥର ଭାଲେଣ୍ଟାଇନ୍ରେ ଲୋକେ ପ୍ରଧାନମନ୍ତ୍ରୀଙ୍କୁ ନିମନ୍ତ୍ରଣ କରୁଛନ୍ତି । ଏଣୁ ମୋଦିଜୀ ଆସନ୍ତୁ , ଏବଂ ହସଖୁସିରେ ମିଶି ଆମ ସହ ଉତ୍ସବ ପାଳନ୍ତୁ ।
ଏହି ନିମନ୍ତ୍ରଣ ପତ୍ରରେ ଲେଖା ଯାଇଛି , ଆମେ ସମସ୍ତେ ପ୍ରଧାନମନ୍ତ୍ରୀଙ୍କ ପାଇଁ ଏକ ଲଭ୍ ସଙ୍ଗ୍ ଜାରି କରିବୁ ଏବଂ ମୋଦିଜୀଙ୍କୁ ଭାଲେଣ୍ଟାଇନ୍ ଡେ’ର ସପ୍ରାଇଜ୍ ଗିଫ୍ଟ ଦେବୁ । ଦୟାକରି ମୋଦିଜୀ ଆପଣ ଆସନ୍ତୁ , ଏବଂ ଆପଣଙ୍କର ଉପହାର ନେଇ ଯାଆନ୍ତୁ । ଏହାସହ ଆମ ସହ ଖୁସି ଖୁସିରେ କଥାବାର୍ତ୍ତା ହୁଅନ୍ତୁ ।