ବଲାଙ୍ଗୀର,୨୯/୦୬: ବଲାଙ୍ଗୀର ଜିଲ୍ଲା ସାଇଁତଳା ଥାନା ଅନ୍ତର୍ଗତ କଅଁସର ଗାଁରୁ ଗୋଟିଏ କଲରାପତରିଆ ବାଘ ଛାଲ ଜବତ କରିଛି ବନ ବିଭାଗ। କଅଁସର ଗାଁର ବିଶ୍ଵାମିତ୍ର ରଣାଙ୍କ ଘରୁ ବାଘଛାଲ ଜବତ କରାଯାଇଛି।
ତେବେ ଏ ଘଟଣାରେ ଜଣଙ୍କୁ ଅଟକ ରଖିଛି ବନବିଭାଗ। ବିଳମ୍ବିତ ରାତିରେ କଅଁସର ଗାଁର ବିଶ୍ଵମିତ୍ରଙ୍କ ଘରକୁ ଯାଇ ଚଢ଼ଉ କରିବା ସହ ପଚରାଉଚୁରା କରିଥିଲା ବନବିଭାଗ। ହେଲେ କିଛି ନ ପାଇବାରୁ ଫେରିଆସିଥିଲା। ପରେ ପୁଣି ସାଦା ପୋଷାକରେ ଯାଇ ତାଙ୍କ ଘରୁ ବାଘଛାଲ ଜବତ କରିବା ସହ ଜଣକୁ ଧରିବାରେ ସଫଳ ହୋଅଥିଲା। ତେବେ ଏ ବାଘଛାଲ କେଉଁ ଠାରୁ ଆସିଲା ବିଶ୍ଵାମିତ୍ରଙ୍କ ପାଖକୁ ଓ କଣ ପାଇଁ ରଖିଥିଲେ ସେନେଇ ତଦନ୍ତ ଚାଲିଛି । ଏହାକୁ ବ୍ୟବସାୟ ପାଇଁ ରଖାଯାଇଥିଲା ନା ନାହିଁ ସେଦିଗରୁ ମଧ୍ୟ ବିଭାଗ ତଦନ୍ତ କରୁଛି ।