Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୫୦ ନେତାଙ୍କୁ ପ୍ରିୟଙ୍କା ଗାନ୍ଧୀଙ୍କ ଫୋନ୍ : ‘ଆପଣଙ୍କ ଟିକେଟ୍ କନଫର୍ମ୍, ନିର୍ବାଚନ ପାଇଁ ପ୍ରସ୍ତୁତ ହୁଅ’
  • ||
  • ଆଜିଠୁ ବଢିବ ବର୍ଷା, ୧୧ ଜିଲ୍ଲାରେ ପ୍ରବଳ ଛେଚିବ
  • ||
  • ୨୮୬ ବସ୍ତା ପିଡିଏସ ଚାଉଳ ଜବତ, ଚୋରାରେ ବିକ୍ରି ପାଇଁ ଯାଉଥିବା ବେଳେ ଧରିଲେ ଲୋକେ
  • ||
  • ଭୟ ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୩ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୦୩୧ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଜାମ୍ମୁ କାଶ୍ମୀର ସପୋରରେ ଏନକାଉଣ୍ଟର: ଲସ୍କର କମାଣ୍ଡର ସମେତ ୩ ଆତଙ୍କୀ ନିହତ
  • ||
  • ଆମେରିକା-ମେକ୍ସିକୋ ସୀମାରେ ହିଂସାକାଣ୍ଡ, ଦୁର୍ବୃତ୍ତଙ୍କ ଆଖିବୁଜା ଗୁଳିମାଡରେ ୧୮ ମୃତ
  • ||
  • ଆଜି ଅନ୍ତର୍ଜାତୀୟ ଯୋଗ ଦିବସ, ଏବର୍ଷର ଥିମ୍ ‘ୟୋଗା ଫର ୱେଲନେସ୍’
  • ||
  • ଆଜିଠୁ କ୍ୟାମ୍ପେନ୍ ମୋଡ୍‌ରେ ଟିକାକରଣ, ରାଜ୍ୟରେ ଦୈନିକ ୩ ଲକ୍ଷ ଭାକସିନେସନ୍ ଟାର୍ଗେଟ୍
  • ||

ଅଦାଲତରେ ଅପରାଧୀଙ୍କ ଦଣ୍ଡବିଧାନ ହାର ବଢାଇବା ପାଇଁ ନିଆଗଲା ପଦକ୍ଷେପ: ୧୫ଟି ଜିଲ୍ଲାରେ ପୋଲିସ ପାଇଁ ନିଯୁକ୍ତ ହେଲେ ଲିଗାଲ ଆଡଭାଇଜର

12/01/2019 at 7:26 PM

କଟକ୧୨|୧: ଅନ୍ୟ ରାଜ୍ୟ ତୁଳନାରେ ଆମ ରାଜ୍ୟ ଓଡିଶା ଦଣ୍ଡ ବିଧାନ କ୍ଷେତ୍ରରେ ଉନ୍ନତି କରିଛି । ତେବେ ଦଣ୍ଡବିଧାନ ହାରକୁ ଅଧିକ ବଢାଇବା ପାଇଁ ନୂଆ ପଦକ୍ଷେପ ଗ୍ରହଣ କରିଛି ଓଡିଶା ପୋଲିସ  । ସବୁ ଜିଲ୍ଲା  ପୁଲିସର ଅଧୀନରେ ଜଣେ ଲେଖାଏଁ ଲିଗାଲ୍ ଆଡ୍‌ଭାଇଜର ନିଯୁକ୍ତି କରାଇଛି । ସେଥିପାଇଁ ପ୍ରଥମ ପର୍ଯ୍ୟାୟରେ ୧୫ ଟି ଜିଲ୍ଲାରେ ଲିଗାଲ୍ ଆଡ୍‌ଭାଇଜରଙ୍କୁ ନିଯୁକ୍ତି ଦିଆଯାଇଛି । ଏଥି ସହ ଖାଲି ପଡିଥିବା ସହକାରୀ ଓକିଲ ପଦବୀ ମଧ୍ୟ ପୂରଣ କରାଯାଉଛି ।

ତେବେ ଘଟୁଥିବା ଅପରାଧ ଓ ଏତଲାକୁ ନେଇ କିଭଳି ସଠିକ୍ ତଥ୍ୟ ଅଦାଲତରେ ପ୍ରଦାନ କରାଯାଇପାରିବ ସେନେଇ ଲିଗାଲ୍ ଆଡ୍‌ଭାଇଜରଙ୍କ ପରାମର୍ଶ ନେବ ଜିଲ୍ଲା ପୁଲିସ । ଏହାଦ୍ବାରା ଅଭିଯୁକ୍ତ ଅଦାଲତରେ ଦଣ୍ଡିତ ହୋଇପାରିବେ ।

ସେପଟେ ବରିଷ୍ଠ ଆଇନଜୀବୀଙ୍କ କହିବା କଥା କେବଳ ଲିଗାଲ୍ ଆଡ୍‌ଭାଇଜର ଓ ସରକାରୀ ଓକିଲ ନିଯୁକ୍ତି ଦେଇଦେଲେ ଅଭିଯୁକ୍ତ ଦୋଷୀ ସାବ୍ୟସ୍ତ ହୋଇପାରିବ ନାହିଁ। ଅପରାଧ ଘଟଣାର ତଦନ୍ତ କରୁଥିବା ତଦନ୍ତକାରୀ ଅଧିକାରୀ ବା ଆଇଓ ସଠିକ୍ ରୂପେ ତଦନ୍ତ କରି ଚାର୍ଜସିଟ୍‌ ଅଦାଲତରେ ଦାଖଲ କରିବା ଦୋଷୀକୁ ଦଣ୍ଡ ଦେବାରେ ମୁଖ୍ୟ ଭୂମିକା ଗ୍ରହଣ କରେ । ତା ସହ ପୁଲିସ ସଠିକ୍ ସାକ୍ଷୀକୁ ଅଦାଲତରେ ପେଶ୍ କରିବା ଆବଶ୍ୟକ ।ଅଧିକାଂଶ ସମୟରେ ଅପରାଧରେ ସଠିକ୍ ସାକ୍ଷୀ ପୁଲିସ କୋର୍ଟ ସମ୍ମୁଖରେ ଠିଆ କରେଇ ପାରୁନଥିବାରୁ ବହୁ ଅଭିଯୁକ୍ତମାନେ ମଧ୍ୟ ନିର୍ଦ୍ଦୋଷରେ ଖଲାସ ହେଉଛନ୍ତି।

   Related Posts