Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭୁବନେଶ୍ବରରେ ପହଞ୍ଚିଲା ଆଉ ୧ ଲକ୍ଷ ୪୯ ହଜାର ୭୬୦ ଡୋଜ୍ କୋଭାକ୍ସିନ୍ ଟିକା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୧୫୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ପାରାଦୀପ : ନକଲି ସାର୍ଟିଫିକେଟ୍ ରାକେଟ୍‌ର ପର୍ଦ୍ଦାଫାଶ : ମେଡିକାଲ୍ ସାର୍ଟିଫିକେଟ୍ ତିଆରି ଅଭିଯୋଗରେ ଯୁବକ ଗିରଫ
  • ||

ପୁଣି ସାମ୍ନାକୁ ଆସିଲା ଇସ୍କନର ମନମାନୀ : ଇସ୍କନ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ପାଇଁ ଦାବି

5/03/2020 at 5:25 PM

ପୁରୀ ୫/୩: ପୁଣି ସାମ୍ନାକୁ ଆସିଛି ଇସ୍କନର ମନମାନି । ମାର୍ଚ୍ଚ ୧୮ରେ ମଥୁରାରେ ଜଗନ୍ନାଥଙ୍କ ରଥଯାତ୍ରା ଆୟୋଜନ ନେଇ ସୋସିଆଲ ମିଡିଆରେ ପ୍ରଚାର ହେବା ପରେ ଏହାକୁ ନେଇ ପ୍ରକାଶ ପାଇଛି ତୀବ୍ର ପ୍ରତିକ୍ରିୟା । ବାରମ୍ବାର ଇସ୍କନର ଏଭଳି ହୀନ ଉଦ୍ୟମକୁ ତୀବ୍ର ବିରୋଧ କରିଛନ୍ତି ଶ୍ରୀଜଗନ୍ନାଥ ସଂସ୍କୃତି ପ୍ରେମୀ ଓ ବିଭିନ୍ନ ସଂଗଠନ । ଏମିତିକି ଶ୍ରୀମନ୍ଦିର ପ୍ରଶାସନର ନିୟମ ଓ ନିର୍ଦେଶକୁ ଇସ୍କନ ବେଖାତିର କରୁଥିବା ଅଭିଯୋଗ ହୋଇଛି ।

ବାରମ୍ବାର ବିବାଦ ପରେ ବି ବାଟକୁ ଆସୁନି ଇସ୍କନ୍‌ । ମାର୍ଚ୍ଚ ୧୮ରେ ମଥୁରାରେ ଜଗନ୍ନାଥଙ୍କ ରଥଯାତ୍ରା ଆୟୋଜନ ନେଇ ସୋସିଆଲ ମିଡିଆରେ ପ୍ରଚାର ପରେ ଏହାକୁ ନେଇ ପ୍ରକାଶ ପାଇଛି ତୀବ୍ର ପ୍ରତିକ୍ରିୟା । ବାରମ୍ବାର ଇସ୍କନର ଏଭଳି ହୀନ ଉଦ୍ୟମକୁ ତୀବ୍ର ବିରୋଧ କରିଛନ୍ତି ଶ୍ରୀଜଗନ୍ନାଥ ସଂସ୍କୃତି ପ୍ରେମୀ ଓ ବିଭିନ୍ନ ସଂଗଠନ । ଏମିତିକି ଶ୍ରୀମନ୍ଦିର ପ୍ରଶାସନର ନିୟମ ଓ ନିର୍ଦେଶକୁ ଇସ୍କନ ବେଖାତିର କରୁଥିବାରୁ ଇସ୍କନ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ପାଇଁ ଦାବି ଜୋର୍‌ ଧରିଛି । ମୁମ୍ବାଇ ପରେ ପୁଣି ଥରେ ମଥୁରାରେ ଇସ୍କନର ଅଦିନିଆ ରଥଯାତ୍ରା ପାଇଁ ପ୍ରଚାର ପ୍ରସାରକୁ ତୀବ୍ର ବିରୋଧ କରିଛନ୍ତି ଶ୍ରୀମନ୍ଦିର ଦଇତାପତି ଏବଂ  ଶ୍ରୀଜଗନ୍ନାଥ ସେନା ।

ଇସ୍କନର ଅଦିନିଆ ରଥଯାତ୍ରା ବିବାଦରେ ପୂର୍ଣ୍ଣଛେଦ ଟାଣିବାକୁ କିଛି ଦିନ ତଳେ ପ୍ରୟାସ କରିଥିଲା ଶ୍ରୀମନ୍ଦିର ପ୍ରଶାସନ । ଗଲା ଫେବ୍ରୁଆରୀ ୧୭ରେ ଅନୁଷ୍ଠିତ ବୈଠକରେ ମହାପ୍ରଭୁଙ୍କ ଯାନିଯାତ୍ରାର ବିଧିବ୍ୟବସ୍ଥା ସମ୍ପର୍କରେ ଆଲୋଚନା କରାଯିବା ସହ ଆଷାଢ଼ ଶୁକ୍ଳ ଦ୍ବିତୀୟା ବ୍ୟତୀତ ସାରା ବିଶ୍ବରେ କୌଣସି ଯାଗାରେ ମହାପ୍ରଭୁ ଶ୍ରୀଜଗନ୍ନାଥଙ୍କ ଅଦିନରେ ରଥଯାତ୍ରା ହୋଇପାରିବ ନାହିଁ ବୋଲି ନିଷ୍ପତି ନିଆଯାଇଥିଲା । କେହି ଏଭଳି କଲେ ସଂପୃକ୍ତ ସଂସ୍ଥା ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବୈଠକରେ ପ୍ରସ୍ତାବ ଦିଆଯାଇଥିଲା ।

ଶ୍ରୀମନ୍ଦିର ପ୍ରଶାସନର ନିଷ୍ପତ୍ତି ଏବଂ କୋଟି କୋଟି ଜଗନ୍ନାଥପ୍ରେମୀଙ୍କ ଅସନ୍ତୋଷ ଜାହିର୍‌ ପରେ ମଧ୍ୟ ଇସ୍କନ୍‌ କିଭଳି ପୁଣି ଥରେ ମଥୁରାରେ ଅଦିନରେ ରଥଯାତ୍ରା ପାଇଁ ପ୍ରଚାର କରୁଛି ତାକୁ ନେଇ ଉଠିଛି ପ୍ରଶ୍ନ । ପୂର୍ବରୁ ପଞ୍ଜାବ ଲୁଧିଆନାରେ ଇସ୍କନର ଅଦିନିଆ ରଥଯାତ୍ରା ଆୟୋଜନକୁ ନେଇ ନ୍ୟୁଜ୍‌ 7 ସ୍ବର ଉଠାଇବା ପରେ ତାହାକୁ ବନ୍ଦ କରିଦେଇଥିଲେ ଇସ୍କନ କର୍ତ୍ତୃପକ୍ଷ । ତା ପରେ ମଧ୍ୟ ମୁମ୍ବାଇରେ ରଥଯାତ୍ରାର କରିଥିଲା ଇସ୍କନ୍‌ । ଏବେ ପୁଣି ମଥୁରା ରଥଯାତ୍ରାକୁ ନେଇ ଉଠିଲାଣି ପ୍ରଶ୍ନ । ଏମିତିରେ ଇସ୍କନ ବିରୋଧରେ ରାଜ୍ୟ ସରକାର ଦୃଢ଼ କାର୍ଯ୍ୟାନୁଷ୍ଠାନ ନେବା ଜରୁରୀ ହୋଇପଡ଼ିଛି । କାହିଁକି ନା ଇସ୍କନର ଏଭଳି ମନମାନି, ଏଭଳି ଖୁଲମ୍‌ ଖୁଲା ଚାଲେଂଜକୁ କେବେ ବି ବରଦାସ୍ତ କରାଯାଇପାରିବ ନାହିଁ ।

   Related Posts