Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||
  • ଅଭିନେତା ଆଶିଷ ରାୟଙ୍କ ପରଲୋକ
  • ||
  • ବାତ୍ୟା ‘ନିଭାର୍’ ପ୍ରଭାବରେ ଚେନ୍ନାଇରେ ବର୍ଷା
  • ||
  • ନବରଙ୍ଗପୁର : ଭାରସାମ୍ୟ ହରାଇ ଗଛରେ ପିଟିହେଲା ବାଇକ୍, ୨ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୭୧ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୬୪୨ କରୋନା ସଂକ୍ରମିତ, ୩୧୫୨୭୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||

ସୁପ୍ରିମକୋର୍ଟରେ ପହଞ୍ଚିଲା ହାଇଦ୍ରାବାଦ ଏନକାଉଣ୍ଟର ମାମଲା, ପୋଲିସ ବିରୋଧରେ ଓକିଲଙ୍କ ପିଟିସନ

7/12/2019 at 1:09 PM

ନୂଆଦିଲ୍ଲୀ ୭।୧୨: ଶାଦନଗର ଗଣ ଦୁଷ୍କର୍ମ ଓ ଯୁବତୀଙ୍କୁ ପୋଡି ହତ୍ୟା ମାମଲାରେ ଗିରଫ ୪ ଅଭିଯୁକ୍ତଙ୍କୁ ତେଲେଙ୍ଗାନା ପୋଲିସ ଶୁକ୍ରବାର ଏନକାଉଣ୍ଟର କରିଛି। ମାମଲାରେ ଶନିବାର ବରିଷ୍ଠ ଆଇନଜୀବି ଜି.ଏସ୍.ମଣୀ ଓ ପ୍ରଦୀପ କୁମାର ଯାଦବ ଶିର୍ଷ ନ୍ୟାୟାଳୟଙ୍କ ଦ୍ୱାରସ୍ଥ ହୋଇଛନ୍ତି। ଏନେଇ ସୁପ୍ରିମକୋର୍ଟଙ୍କ ୨୦୧୪ ଗାଇଡଲାଇନକୁ ପୋଲିସ ଉଲ୍ଲଂଘନ କରିଥିବା ଉଭୟ ଆଇନଜୀବି ଅଭିଯୋଗ କରିଥିବା ବେଳେ ଏନକାଉଣ୍ଟରରେ ସମ୍ପୃକ୍ତ ସମସ୍ତ ପୋଲିସ ଅଧିକାରୀ ଓ କର୍ମଚାରୀଙ୍କ ବିରୋଧରେ ଏତଲା, ତଦନ୍ତ ଓ କାର୍ଯ୍ୟାନୁଷ୍ଠାନ ଦାବି କରିଛନ୍ତି।

ଏହା ଛଡା ପୋଲିସ ଏନକାଉଣ୍ଟରକୁ ନେଇ କୋର୍ଟରେ ଅନ୍ୟ ଏକ ପିଟିସନ ମଧ୍ୟ ଦାଖଲ ହୋଇଛି। ବରିଷ୍ଠ ଆଇନଜୀବି ଏମ.ଏଲ. ଶର୍ମା ରୁଜୁ କରିଥିବା ନିବେଦନରେ ନ୍ୟାୟାଳୟଙ୍କ ତତ୍ୱାବଧାନରେ ଏକ ପୃଥକ ଏସଆଇଟି ଗଠନ ଲାଗି ଦାବି କରିଛନ୍ତି। ଏହା ଛଡା ସାଂସଦ ଜୟା ବଚ୍ଚନ ଓ ଦିଲ୍ଲୀ ମହିଳା ଆୟୋଗ ଅଧ୍ୟକ୍ଷା ଶ୍ୱାତୀ ମଲିୱାଲ ପୋଲିସ ଏନକାଉଣ୍ଟରକୁ ସମର୍ଥନ କରିଥିବାରୁ ସେମାନଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଦାବି କରିଛନ୍ତି।

ସୂଚନା ଯୋଗ୍ୟ ଯେ ସାଇବରାବାଦ ପୋଲିସ ଏନକାଉଣ୍ଟରରେ ଦୁଷ୍କର୍ମର ୪ ଅଭିଯୁକ୍ତଙ୍କୁ ହତ୍ୟା କରିଥିଲା। କ୍ରାଇମ ସିନ ରିକ୍ରିଏସନ ଲାଗି ସେମାନଙ୍କୁ ନେଇ ପୋଲିସ ଘଟଣାସ୍ଥଳକୁ ଯାଇଥିବା ବେଳେ ଅଭିଯୁକ୍ତମାନେ ପୋଲିସ ଠାରୁ ଅସ୍ତ୍ର ଛଡାଇ ଖସି ପଳାଉଥିବା ବେଳେ ସେମାନଙ୍କର ଏନକାଉଣ୍ଟର କରାଯାଇଥିବା ପୋଲିସ କହିଥିଲା।

   Related Posts