Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କରୋନା ପାଇଁ ଆଇନଜୀବୀଙ୍କ ଡ୍ରେସ୍ କୋଡ୍ ‌ବଦଳିଲା:‌ ବିସିଆଇ ନିର୍ଦ୍ଦେଶରେ କୋର୍ଟ- ଗାଉନ୍ ପିନ୍ଧିବେନି ଆଇନ୍‌ଜୀବୀ

15/05/2020 at 12:45 PM

କଟକ୧୫/୫: କରୋନା ସଂକ୍ରମଣକୁ ରୋକିବା ପାଇଁ ଆଇନ୍‌ଜୀବୀମାନେ ବର୍ତ୍ତମାନ ପରିପ୍ରେକ୍ଷୀରେ ଗାଉନ୍‌ ଏବଂ କୋଟ୍‌ ପିନ୍ଧିବେନି । କୋର୍ଟକୁ ଆସିବା ବେଳେ ଆଇନ ଜୀବୀମାନେ କେବଳ ଧଳା ସାର୍ଟ, ଧଳା ପ୍ୟାଣ୍ଟ, ମହିଳା ଆଇନଜୀବୀମାନେ ଧଳା ଶାଢୀ ଏବଂ ନେକ୍‌ ଟାଇ ପିନ୍ଧି ଆସିବାକୁ ଭାରତୀୟ ଆଇନଜୀବୀ ପରିଷଦ (ବିସିଆଇ) ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି । ସ୍ୱାସ୍ଥ୍ୟ ବିଶେଷଜ୍ଞଙ୍କ ପରାମର୍ଶ ଏବଂ ସୁପ୍ରିମ୍‌କୋର୍ଟଙ୍କ ପକ୍ଷରୁ ଜାରି ଗାଇଡ୍‌ଲାଇନ୍‌ ଆଧାରରେ ଏହି ନିଷ୍ପତ୍ତି ନିଆଯାଇଛି ।

ହାଇକୋର୍ଟ, ନିମ୍ନ ଅଦାଲତ ଏବଂ ଅନ୍ୟାନ୍ୟ ଟ୍ରିବ୍ୟୁନାଲରେ ମାମଲା ପରିଚାଳନା ବେଳେ ଉପସ୍ଥିତ ରହୁଥିବା ଆଇନଜୀବୀମାନେ ଉପରୋକ୍ତ ଡ୍ରେସ୍‌ କୋଡ୍‌ରେ ଆସିବେ ବୋଲି ବିସିଆଇ ପକ୍ଷରୁ ସ୍ପଷ୍ଟ କରାଯାଇଛି । ଗାଉନ୍‌ ଏବଂ କୋଟ୍‌ ଜରିଆରେ କରୋନା ସଂକ୍ରମଣର ଆଶଙ୍କା ଅଧିକ ରହିଛି । ଏହି ପରିପ୍ରେକ୍ଷୀରେ ଏଭଳି ନିଷ୍ପତ୍ତି ନିଆଯାଇ ପରବର୍ତ୍ତୀ ଆଦେଶ ପର୍ଯ୍ୟନ୍ତ ଦେଶର ସମସ୍ତ ଆଇନଜୀବୀ ଏହି ଡ୍ରେସ୍‌ କୋଡ୍‌ରେ ଆସିବାକୁ ବିସିଆଇ ପକ୍ଷରୁ କୁହାଯାଇଛି।

   Related Posts