Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭୁବନେଶ୍ବରରେ ପହଞ୍ଚିଲା ଆଉ ୧ ଲକ୍ଷ ୪୯ ହଜାର ୭୬୦ ଡୋଜ୍ କୋଭାକ୍ସିନ୍ ଟିକା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୧୫୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ପାରାଦୀପ : ନକଲି ସାର୍ଟିଫିକେଟ୍ ରାକେଟ୍‌ର ପର୍ଦ୍ଦାଫାଶ : ମେଡିକାଲ୍ ସାର୍ଟିଫିକେଟ୍ ତିଆରି ଅଭିଯୋଗରେ ଯୁବକ ଗିରଫ
  • ||
  • କେନ୍ଦ୍ରାପଡ଼ା : ରାମଚଣ୍ଡୀ ମନ୍ଦିରରୁ ଚୋରି, ତାଲା ଭାଙ୍ଗି ସୁନା ଅଳଙ୍କାର ଲୁଟ୍
  • ||

ଦୀର୍ଘ ୨ ମାସର ଅଚଳାବସ୍ଥା ପରେ ଆସନ୍ତାକାଲି କାର୍ଯ୍ୟରେ ଯୋଗ ଦେବେ ୩୦ ହଜାର ଓକିଲ; କାଲିଠାରୁ ଜେଲରେ କ୍ୟାମ୍ପ କୋର୍ଟ ପାଇଁ ହାଇକୋର୍ଟଙ୍କ ନିର୍ଦେଶ

28/10/2018 at 5:57 PM

ଭୁବନେଶ୍ୱର ୨୮/୧୦ : ରାଜ୍ୟରେ ୨ ମାସର ଧରି ଏକ ପ୍ରକାରର ନ୍ୟାୟିକ ଅଚଳାବସ୍ଥା ଦେଖାଦେଇଥିବା ବେଳେ ଆସନ୍ତାକାଲି ଦେଖାଦେଇଛି କିଛି ଆଶାର ଝଲକ । କାଲିଠାରୁ କୋର୍ଟ କାର୍ଯ୍ୟ ଆରମ୍ଭ ହୋଇପାରେ । ଆଇନଜୀବୀମାନଙ୍କର ଗୋଟିଏ ବଡ଼ ଗୋଷ୍ଠୀ ଆସନ୍ତାକାଲିଠାରୁ କାର୍ଯ୍ୟରେ ଯୋଗ ଦେବା ଲାଗି ଘୋଷଣା କରିଥିବା ବେଳେ ସେପଟେ କିନ୍ତୁ ଅନ୍ୟଗୋଷ୍ଠୀ ଆନ୍ଦୋଳନ ଜାରି ରହିଥିବା କହିଛି । ଏହା ଭିତରେ ଭିତିରିଆ ରାଜନୀତିଟା କଣ ତା ଧିରେ ଧିରେ ସାମ୍ନାକୁ ଆସିଲାଣି। ….
୩୦ ହଜାର ଓକିଲ କାଲି କାର୍ଯ୍ୟରେ ଯୋଗ ଦେବେ । ରାଜ୍ୟ ସାରା ଓକିଲଙ୍କ ଆନ୍ଦୋଳନ ୨ ମାସ ଧରି ଚାଲିଥିବା ବେଳେ ଏଥିରେ ଆସିଛି ନୂଆ ଟ୍ବିଷ୍ଟ । ବିଜେଡି ଲିଗାଲ ଫ୍ରଣ୍ଟର ସଦସ୍ୟ ଥିବା ପ୍ରାୟ ୩୦ ହଜାର ଓକିଲ କାଲି ଆନ୍ଦୋଳନ ବନ୍ଦ କରି କାର୍ଯ୍ୟରେ ଯୋଗ ଦେବା ଲାଗି ଏଲାନ କରିଛି । ଓକିଲଙ୍କ ଆନ୍ଦୋଳନ ଯୋଗୁ ଜୁନିୟର ଓକିଲମାନଙ୍କର ପ୍ରଭୂତ କ୍ଷତି ହେଉଛି । ଓକିଲଙ୍କ ଆନ୍ଦୋଳନ ଭିତରେ ରାଜନୀତିର ଗୋଟି ଚାଲୁଥିବା କହିଛି ବିଜେଡି ଲିଗାଲ ଫ୍ରଣ୍ଟ ଫ୍ରଣ୍ଟ । ତେଣୁ ଆସନ୍ତାକାଲିଠାରୁ ବିଜେଡି ଲିଗାଲ ଫ୍ରଣ୍ଟ କାର୍ଯ୍ୟରେ ଯୋଗ ଦେବ । ତେବେ ଆନ୍ଦୋଳନ ଜାରି ରଖିବା ଲାଗି ନିଷ୍ପତ୍ତି ନେଇଥିବା ଅନ୍ୟ ଗୋଷ୍ଠୀ କିନ୍ତୁ ଏହାକୁ ଜାରି ରଖିବା ସପକ୍ଷରେ ରହିଛି । ରାଜ୍ୟର ୧୨୦ଟି ବାର ଆସେ।ସିଏସନ ଏହି ଆନ୍ଦେ।ଳନ ସହ ନିରବଚ୍ଛିନ ଭାବରେ ରହି ଆସିଛନ୍ତି ବୋଲି ଏହାର ସଂପାଦକ କହିଛନ୍ତି।

ସେପଟେ କାଲିଠାରୁ ଜେଲ ଗୁଡ଼ିକରେ କୋର୍ଟ କାର୍ଯ୍ୟ ଚାଲିବ । ଜେଲରେ କ୍ୟାମ୍ପ କୋର୍ଟ ପାଇଁ ହାଇକୋର୍ଟଙ୍କ ନିର୍ଦେଶ ଦେଇଛନ୍ତି । ଜେଲରେ କଏଦୀଙ୍କ ସଂଖ୍ୟା ବଢ଼ୁଥିବାରୁ ସବୁ ଜେଲରେ କ୍ୟାମ୍ପକୋର୍ଟ ଖୋଲିବାକୁ ଜିଲ୍ଲା ଜଜ୍ ମାନଙ୍କୁ ନିର୍ଦେଶ ଦେଇଛନ୍ତି ଉଚ୍ଚ ନ୍ୟାୟାଳୟ । କ୍ୟାମ୍ପ୍ କୋର୍ଟରେ କେବଳ ଜାମିନ ଆବେଦନର ଶୁଣାଣି ହେବ । ଜାମିନ ଆବେଦନ ଉପରେ ଆଇନ ଅନୁଯାୟୀ ପଦକ୍ଷେପ ନିଆଯିବ ।
ତେବେ ଏହା କଣ ସତ ଯେ ରାଜନୈତିକ କାରଣ ପାଇଁ ରାଜ୍ୟରେ ନ୍ୟାୟିକ ଅଚଳାବସ୍ଥା ସୃଷ୍ଟି ହୋଇଛି। ଓକିଲମାନେ ଚଳାଇଥିବା ଆନ୍ଦୋଳନ ପଛରେ ରାଜନୈତିକ ଗୋଟି ଚାଳନା କାମ କରୁଛି। ଏନେଇ ପରସ୍ପର ଉପରେ ଆକ୍ଷେପ ଜୋର ଧରିଲାଣି। ଗୋଟିଏ ପଟେ ବିଜେଡି ବିଜେପିକୁ ଦାୟୀ କରୁଛି ତ ଅନ୍ୟପଟେ ବିଜେପି ଦାୟୀ କରୁଛି ବିଜେଡିକୁ।

ଏହା ଭିତରେ ନିଜ ପଦରୁ ଇସ୍ତଫା ଦେଇସାରିଛନ୍ତି ହାଇକେ।ର୍ଟ ବାରର ଉପସଭାପତି । ରାଜ୍ୟରେ ଦେଖାଦେଇଥିବା ଅଚଳାବସ୍ଥା ଦୂର ହେବା ନେଇ ସମସ୍ତେ କହୁଛନ୍ତି କିନ୍ତୁ କେହି ଏଯାଏଁ ଏନେଇ ସକାରାତ୍ମକ ପଦକ୍ଷେପ ନେଇନଥିବାରୁ କୋର୍ଟ କାର୍ଯ୍ୟ ଆରମ୍ଭ ହୋଇପାରିନି।

   Related Posts