ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆତ୍ମ ସମର୍ପଣ କଲେନି ସିଦ୍ଧୁ, ସ୍ୱାସ୍ଥ୍ୟଗତ ସମସ୍ୟା ଦର୍ଶାଇ ମାଗିଲେ ସମୟ
  • ||
  • ସନ୍ଧ୍ୟାରେ ରୟାଲ୍ସ ବନାମ କିଙ୍ଗସ, ଜିତିଲେ ପ୍ଲେ-ଅଫରେ ଏଣ୍ଟ୍ରି କରିବ ରାଜସ୍ଥାନ
  • ||
  • ଲାଲୁ ପରିବାରକୁ ଗୁଡ୍ ମର୍ଣ୍ଣିଂ କଲା ସିବିଆଇ : ସକାଳୁ ସକାଳୁ ୧୭ ଜାଗାରେ ଚଢଉ
  • ||
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୧୦ ପଜିଟିଭ୍
  • ||
  • ଶନିବାରଠୁ ବଢିବ ତାତି, ଆସନ୍ତା ସପ୍ତାହରେ ଲଘୁଚାପ
  • ||
  • ୨୭ ମାସ ପରେ ମୁକୁଳିଲେ ଆଜମ ଖାନ, ସ୍ୱାଗତ ପାଇଁ ପହଁଚିଲେ ଶିବପାଲ ଯାଦବ
  • ||
  • ରାଜଧାନୀରେ ବୋମାମାଡ, ସହିଦନଗର ଥାନା ପୋଲିସର ତଦନ୍ତ ଜାରି
  • ||
  • ମଧ୍ୟାହ୍ନରେ ଆତ୍ମସମର୍ପଣ କରିବେ ସିଦ୍ଧୁ, ବର୍ଷେ ପାଇଁ ଯିବେ ଜେଲ୍ !
  • ||
  • ଆଜି ଜେଲରୁ ମୁକୁଳି ପାରନ୍ତି ଆଜମ ଖାନ, ଜେଲରେ ପହଁଚିଲା ଜାମିନ ଆଦେଶ
  • ||

ଏକକ ନିର୍ବାଚନ ପ୍ରସଂଗରେ ପୁଣି ଆରମ୍ଭ ହେଲା ବିତର୍କ: ଲ କମିଶନ ଦେଲେ ତିନିଟି ଫର୍ମୁଲା

31/08/2018 at 7:01 AM

ଦେଶରେ ଏକକ ନିର୍ବାଚନ ସପକ୍ଷରେ ଲ-କମିଶନ । କିନ୍ତୁ ଏହାକୁ କିଭଳି ଲାଗୁ କରାଯାଇ ପାରିବ ଏବଂ ଏଥିପାଇଁ କଣ ଫର୍ମୂଲା ରହିବ, ତା ଉପରେ ଲୋକଙ୍କ ମତାମତ ଲୋଡ଼ିଛନ୍ତି କମିଶନ । କମିଶନଙ୍କ ଏଭଳି ଡ୍ରାଫ୍ ସର୍ବସମ୍ମତ ହେବା ପରେ ଏହାକୁ ନେଇ ଆରମ୍ଭ ହୋଇଛି ବିତର୍କ । ଯେହେତୁ ନିର୍ବାଚନ କମିଶନଙ୍କ ପକ୍ଷରୁ ନିର୍ବାଚନ ପାଇଁ ବିଭିନ୍ନ କାର୍ଯ୍ୟକ୍ରମ ଆଗୁଆ ଚାଲିଛି, ସେଥିପାଇଁ କାଳେ ଆଗୁଆ ନିର୍ବାଚନ ହେବ, ସେନେଇ ଚର୍ଚ୍ଚା ମଧ୍ୟ ଜୋର୍ ଧରିଛି । ଏଭଳି କ୍ଷେତ୍ରରେ ଲୋକସଭା ନିର୍ବାଚନର ପୂର୍ବ ଓ ପର ୭-୮ ମାସ ଭିତରେ ହେବାକୁ ଥିବା ରାଜ୍ୟ ନିର୍ବାଚନକୁ କିଭଳି ଆଡଜଷ୍ଟ କରି ଆଗୁଆ ନିର୍ବାଚନ କରିହେବ ତାର ଏକ ବ୍ଲୁପ୍ରିଣ୍ଟ ଦେଇଛନ୍ତି ଲ-କମିଶନ ।

ଫଳରେ ଏକକ ନିର୍ବାଚନ ପ୍ରସଙ୍ଗରେ ପୁଣି ଜୋର ଧରିଲା ବିତର୍କ । ଭାରତ ଭଳି ଏକ ବିଶାଳ ଦେଶରେ ଏକକ ନିର୍ବାଚନ ଜୁରୁରୀ କି ? ଯଦି ହଁ, ତାହାଲେ ଏହା ସମ୍ଭବ କି ? ଯଦି ହଁ, ତା ହେଲେ ଏହାକୁ କିଭଳି କାର୍ଯ୍ୟକ୍ଷମ କରାଯିବ ? ଲ-କମିଶନଙ୍କ ଏଭଳି ଏକ ଡ୍ରାଫ୍ଟ ରିପୋର୍ଟ ଉପରେ ଲୋକଙ୍କ ମତାମତା ଲୋଡ଼ା ଯାଇଥିବା ବେଳେ ଜୋର୍ ଧରିଛି ଚର୍ଚ୍ଚା । ଏକକ ନିର୍ବାଚନ ହେଲେ ସମ୍ବିଧାନର ମୌଳିକତା କ୍ଷୁର୍ଣ୍ଣ ହେବ କି ନାହିଁ, ସେନେଇ ବିତର୍କର ଆବଶ୍ୟକତା ରହିଛି । ପୁଣି ଯଦି ନିର୍ବାଚନ ପରେ କାହାକୁ ସ୍ପଷ୍ଟ ବହୁମତ ନମିଳେ, ତା ହେଲେ ସର୍ବସମ୍ମତ କ୍ରମେ ବାଚସ୍ପତି ଚୟନ ହେବା ଭଳି ମୁଖ୍ୟମନ୍ତ୍ରୀ ବା ପ୍ରଧାନମନ୍ତ୍ରୀ ଚୟନ ହୋଇ ପାରିବେ କି ? ଏଭଳି କ୍ଷେତ୍ରରେ ସମ୍ବିଧାନର ଦଶମ ଅନୁଚ୍ଛେଦର ସଂଶୋଧନ କିଭଳି ଓ କେତେ ପରିମାଣରେ ହେବ ତାହା ମଧ୍ୟ ଆଉ ଏକ ବିତର୍କର ବିଷୟ । ବିଜେଡି, ବିଜେପି କିନ୍ତୁ କହୁଛନ୍ତି ଏକକ ନିର୍ବାଚନ ହେଲେ ଦେଶ ପାଇଁ ଭଲ ।  ଭାରତରେ ଏକକ ନିର୍ବାଚନ ଜରୁରୀ ବୋଲି ଡ୍ରାଫ୍ଟରେ ସ୍ପଷ୍ଟ ଭାବେ ଲେଖିଛନ୍ତି ଲ-କମିଶନ । ସେଥିପାଇଁ ଏକ ଓାର୍କିଙ୍ଗ ଫର୍ମୂଲା ବି ବାହାର କରିଛନ୍ତି କମିଶନ । ପ୍ରଥମ ଫର୍ମୂଲା ଅନୁଯାୟୀ,  ଆନ୍ଧ୍ରପ୍ରଦେଶ, ଅରୁଣାଚଳ ପ୍ରଦେଶ, ଓଡ଼ିଶା, ସିକିମ୍ ଓ ତେଲେଙ୍ଗାନା ଲୋକସଭା ନିର୍ବାଚନ ସହ ଯାଉଛନ୍ତି ହରିୟାଣା, ଝାଡ଼ଖଣ୍ଡ, ମହାରାଷ୍ଟ୍ର ଦିଲ୍ଲୀ ଆଦି ରାଜ୍ୟରେ ସାଧାରଣ ନିର୍ବାଚନ ୭-୮ ମାସ ପରେ ବିଧାନସଭା ନିର୍ବାଚନ ହେଉଛି । ତେଣୁ ଏସବୁ ରାଜ୍ୟକୁ ସାଧାରଣ ନିର୍ବାଚନ ସହ ଯୋଡି ଦେଇହେବ । ସେହିଭଳି ସାଧାରଣ ନିର୍ବାଚନର ୪-୫ ମାସ ପୂର୍ବରୁ ହେଉଥିବା ମଧ୍ୟପ୍ରଦେଶ, ଛତିଶଗଡ଼, ରାଜସ୍ଥାନ ମିଜୋରାମ ବିଧାନସଭାକୁ ମାସ ବଢାଇବାକୁ ପଡ଼ିବ । ତେବେ ଏମିତି କରିବାକୁ ହେଲେ ସମ୍ବିଧାନର ଧାରା ୧୭୨ରେ ସଂଶୋଧନ ଦରକାର । ଯାହାକି ବର୍ତମାନ ସବୁଠୁ ବଡ଼ ଅସୁବିଧା ହୋଇ ଠିଆହୋଇଛି । କଂଗ୍ରେସ ଭଳି ଅନେକ ଦଳ, ସମ୍ବିଧାନ ସଂଶୋଧନକୁ ବିରୋଧ କରୁଛନ୍ତି ।

ସମ୍ବିଧାନ ସଂଶୋଧନ ହେଲେ, ସାଧାରଣ ନିର୍ବାଚନ ସହ ଦିଲ୍ଲୀ ସମେତ ୧୩ ରାଜ୍ୟରେ ଏକା ସମୟରେ ନିର୍ବାଚନ ହୋଇପାରିବ ନହେଲେ ଲୋକସଭା ନିର୍ବାଚନ ପରେ ଯେଉଁ ରାଜ୍ୟର ନିର୍ବାଚନ ବର୍ଷେ ଭିତରେ ପଡୁଛି ସେମାନଙ୍କୁ ଲୋକସଭା ସହ ଆଗୁଆ ନିର୍ବାଚନ କରାଇବାକୁ ମଧ୍ୟ କୁହାଯାଇପାରେ ବୋଲି ଚର୍ଚ୍ଚା ହେଉଛି । ଏମିତି କରି ବାକି ରାଜ୍ୟର ସବୁ ନିର୍ବାଚନ ୨୦୨୧ ସୁଦ୍ଧା ରାଇ ପାରିଲେ ବର୍ଷରେ ଅତି ବେଶୀରେ ଥର ନିର୍ବାଚନ ସମ୍ମୁଖୀନ ହେବ ଦେଶ । ଯାହା କମିଶନଙ୍କ ଦ୍ୱିତୀୟ ଫର୍ମୂଲା । ତୃତୀୟ ର୍ମୂଲା ଅନୁଯାୟୀ, ସାଧାରଣ ନିର୍ବାଚନ ବାଦ୍ ପ୍ରତିବର୍ଷ ଯେଉଁ -୬ଟି ରାଜ୍ୟର ନିର୍ବାଚନ ହେଉଛି, ସେସବୁ ରାଜ୍ୟର ଗୋଟିଏ ସମୟରେ ନିର୍ବାଚନ କରିଦେଲେ ବି ଅନେକ ଅର୍ଥ ସମୟ ବଞ୍ଚାଇ ହେବ

   Related Posts