Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • IPL 2020: ବୁମରା ଓ ବୋଲ୍ଟଙ୍କ ଶାଣିତ ବୋଲିଂ ପରେ ଇଶାନଙ୍କ ଅର୍ଦ୍ଧଶତକ, ୯ ଓ୍ଵିକେଟ୍‌ରେ ଜିତିଲା ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀର କ୍ରମାଗତ ଚତୁର୍ଥ ପରାଜୟ
  • ||
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||
  • ସାଲେପୁର : ଟ୍ରକକୁ ଧକ୍କାଦେଲା ଆଉ ଏକ ଟ୍ରକ, ଜଣେ ମୃତ
  • ||

ସ୍ପେସ୍ ଏକ୍ସ ମହାକାଶ ଯାନ ଉତକ୍ଷେପଣରେ ଖରାପ ପାଗ ସାଜିଲା ବାଧକ, ଉଡାଣର କିଛି ମିନିଟ୍ ପୂର୍ବରୁ ମିଶନ୍ ସ୍ଥଗିତ

28/05/2020 at 11:12 AM

ଓ୍ବାଶିଂଟନ୍ ୨୮।୫: ଆମେରିକାର ସ୍ପେସ୍ ଏକ୍ସ ମାନବ ମହାକାଶ ମିଶନରେ ଖରାପ ପାଗ ସାଜିଲା ବାଧକ । ଉତକ୍ଷେପଣର କିଛି ମିନିଟ୍ ପୂର୍ବରୁ ମାନବ ମହାକାଶ ମିଶନକୁ ବନ୍ଦ କରିବାକୁ ପଡିଲା । ବାସ୍ତବରେ ସ୍ପେସ୍ ଏକ୍ସର ଏକ ରକେଟ୍ ନାସା ପାଇଲଟ୍ ଡଗ୍ ହର୍ଲି ଏବଂ ବବ୍ ବେନକେନ୍‌ଙ୍କ ସହ ଡ୍ରାଗନ୍ କ୍ୟାପସୁଲ୍ କୁ ନେଇ ଆଜି ସକାଳେ କେନେଡି ଆନ୍ତର୍ଜାତୀୟ ସ୍ପେସ୍ ଷ୍ଟେସନରୁ ଉଡାଣ ଭରିବାର କାର୍ଯ୍ୟକ୍ରମ ଥିଲା । କିନ୍ତୁ ଖରାପ ପାଗ ଯୋଗୁଁ ତାହା ହୋଇପାରିଲାନାହିଁ ।

ଅନ୍ତର୍ଜାତୀୟ ସ୍ପେସ୍ ଷ୍ଟେସନରେ ପୂର୍ବ ନିର୍ଦ୍ଧାରିତ ସମୟ ଅପରାହ୍ନ ୪ଟା ୩୦ମିନିଟ୍ ରେ ଏହାର ଉତକ୍ଷେପଣ ହେବାର ଥିଲା । କିନ୍ତୁ ବର୍ଷା ଓ ଝଡ ଯୋଗୁଁ ଏହା ହୋଇପାରିଲା ନାହିଁ । ଏହାକୁ ବର୍ତ୍ତମାନ ଶନିବାର ପର୍ଯ୍ୟନ୍ତ ସ୍ଥଗିତ ରଖାଯାଇଛି ଏବଂ ଶନିବାର ସକାଳେ ପୁନର୍ବାର ଉତକ୍ଷେପଣ ପାଇଁ ପ୍ରୟାସ କରାଯିବ । ଗତ ଦଶନ୍ଧିରେ ପ୍ରଥମ ଥର ପାଇଁ ଫ୍ଲୋରିଡାରୁ ମହାକାଶଚାରୀମାନେ ଉଡାଣ ଭରିବେ ।

ଯଦି ଆଜି ଏହାର ସଫଳ ଉତକ୍ଷେପଣ ହୋଇଥାନ୍ତା, ସ୍ପେସ୍ ଏକ୍ସ ମହାକାଶଚାରୀଙ୍କୁ ମହାକାଶକୁ ପଠାଇଥିବା ପ୍ରଥମ ଘରୋଇ କମ୍ପାନୀ ହୋଇଥାନ୍ତା । ଏହା କେବଳ ଋଷ, ଆମେରିକା ଏବଂ ଚୀନ୍ ଏପର୍ଯ୍ୟନ୍ତ କରିପାରିଛନ୍ତି । ତେବେ ଶନିବାର ଦିନ ଦ୍ବିତୀୟ ଥର ପୁଣି ଉତକ୍ଷେପଣ ଉଦ୍ୟମ କରାଯିବ ।

ଏହା ପ୍ରଥମ ଘରୋଇ କମ୍ପାନୀ ଯିଏ ସରକାରଙ୍କ ବଦଳରେ ମହାକାଶଚାରୀଙ୍କୁ ମହାକାଶକୁ ପଠାଇବ । କେନେଡି ସ୍ପେସ୍ ସେଣ୍ଟରକୁ ନାସା ପ୍ରଶାସକ ଜିମ ବ୍ରିଡେନଷ୍ଟାଇନ କହିଛନ୍ତି ଯେ, ମହାକାଶ ଏଜେନ୍ସି ଏବଂ ସ୍ପେସ୍ ଏକ୍ସ ଏହି ଉଦକ୍ଷେପଣ ସହ ଜଡିତ ସମସ୍ତଙ୍କୁ କହିଛନ୍ତି ଯେତେବେଳେ ବି କୌଣସି ଚିନ୍ତା କିମ୍ବା ସମସ୍ୟା ଦେଖାଦିଏ ସେମାନେ ସେହି ସମୟରେ କାଉଣ୍ଟଡାଉନ୍ ବନ୍ଦ କରିପାରିବେ ।

ବ୍ରିଡେନଷ୍ଟାଇନ୍ କହିଛନ୍ତି ଯେ, ମହାକାଶଚାରୀଙ୍କ ସୁରକ୍ଷା ସର୍ବାଧିକ ।ବ୍ରିଡେନଷ୍ଟାଇନ୍ କହିଛନ୍ତି ଯେ, ସେ ସୋମବାର ଉଭୟ ମହାକାଶଚାରୀଙ୍କୁ ଏକ ବାର୍ତ୍ତା ପଠାଇଛନ୍ତି ଏବଂ ପଚାରିଛନ୍ତି, “ଯଦି ଆପଣ ଚାହାଁନ୍ତି ଯେ ମୁଁ କୌଣସି କାରଣରୁ ଏହାକୁ ବନ୍ଦ କରିଦେବି, ତେବେ ଆପଣ କୁହନ୍ତୁ । ମୁଁ ଏହାକୁ ଏକ ମୁହୂର୍ତ୍ତରେ ବନ୍ଦ କରିଦେବି ।”

ମହାକାଶଚାରୀମାନେ କହିଛନ୍ତି ଯେ, ଆମେ ଏହି ଯାତ୍ରା ପାଇଁ ପ୍ରସ୍ତୁତ । ସୂଚନାଯୋଗ୍ୟ ଯେ, ସ୍ଥାନୀୟ ସମୟ ମଙ୍ଗଳବାର ଦିନ ପାଗରେ ୬୦ ପ୍ରତିଶତ ଉନ୍ନତି ଘଟିଥିଲା ​​କିନ୍ତୁ ସେତେବେଳେ ମଧ୍ୟ ଏହା ଅନୁକୂଳ ନଥିଲା । ସ୍ପେସ୍ ଏକ୍ସକୁ ଆମେରିକା, କାନାଡା ଏବଂ ଉତ୍ତର ଆଟଲାଣ୍ଟିକ୍ ଠାରୁ ଆୟର୍ଲାଣ୍ଡ ପର୍ଯ୍ୟନ୍ତ ସମୁଦ୍ରରେ ଶାନ୍ତ ତରଙ୍ଗ ଏବଂ ଶାନ୍ତ ବାୟୁ ଆବଶ୍ୟକ କରେ ଯଦି ଜରୁରୀକାଳୀନ ପରିସ୍ଥିତି ଅବତରଣ କରିବାକୁ ପଡେ ତେବେ କରାଯାଇପାରିବ ।

   Related Posts