Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଯାଜପୁର କଣ୍ଟେନମେଣ୍ଟ ଅଞ୍ଚଳ‌ରେ ମୋବାଇଲ୍ ଏଟିଏମ୍ ବ୍ୟବସ୍ଥା, ଘର ପାଖରେ ଟଙ୍କା ଉଠାଇବେ ଲୋକେ

9/05/2020 at 2:08 PM

ଯାଜପୁର ୦୯।୦୫: ଯାଜପୁର ଜିଲ୍ଲାରେ କରୋନା ପାଇଁ ବିଭିନ୍ନ ଅଞ୍ଚଳକୁ କଣ୍ଟେନମେଣ୍ଟ ଅଞ୍ଚଳ ଭାବେ ଘୋଷଣା କରାଯାଇଛି। ଜିଲ୍ଲାରେ ବାହାରୁ ଥିବା ପଜିଟିଭ୍‌ ସଂଖ୍ୟାକୁ ଆଖିଆଗରେ ରଖି ୧୯ଗୋଟି  କଣ୍ଟେନମେଣ୍ଟ ଅଞ୍ଚଳ ଭାବେ ଘୋଷଣା କରାଯାଇଛି ।  ସେଥିମଧ୍ୟରୁ ବ୍ରହ୍ମବରଦା ଏବଂ ସାନତ୍ରିଲୋଚନ ଅଞ୍ଚଳରୁ କଣ୍ଟେନମେଣ୍ଟ ଉଠାଇ ଦିଆଯାଇଛି। ତେବେ ଅନ୍ୟ ୧୭ଟି ଅଞ୍ଚଳରେ ସଂକ୍ରମଣକୁ ରୋକିବା ପାଇଁ କଣ୍ଟେନମେଣ୍ଟକୁ ବଳବତ୍ତର ରଖାଇଯାଇଛି।

ତେବେ ଏହି  ସବୁ ଅଞ୍ଚଳର ଲୋକମାନଙ୍କୁ ବ୍ୟାଙ୍କିଂ ସୁବିଧା ଯୋଗାଇଦେବା ଉଦ୍ଦେଶ୍ୟରେ ଆକ୍ସିସ ବ୍ୟାଙ୍କ ପକ୍ଷରୁ ଏକ ମୋବାଇଲି ଏଟିଏମ୍ ଭ୍ୟାନ ସମସ୍ତ ଅଞ୍ଚଳକୁ ପଠାଯାଇଛି । ଜିଲ୍ଲାପାଳଙ୍କ ଆବାସିକ କାର୍ଯ୍ୟଳୟ ଠାରେ ଜିଲ୍ଳାପାଳ ରଞ୍ଜନ କୁମାର ଦାସ ଏହି ମୋବାଇଲି ଏଟିଏମ୍ ଭ୍ୟାନକୁ ଜନସାଧାରଣଙ୍କ ଉଦ୍ଦେଶ୍ୟରେ ପଠାଇଛନ୍ତି। ଏହି ଏଟିଏମ୍ ମାଧ୍ୟରେ  ଲୋକମାନେ ଘରପାଖରେ ଟଙ୍କା ଉଠେଇପାରିବେ । ଏହି ଉଦ୍‌ଘାଟନୀ କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ଅକ୍ଷୟ କୁମାର ମଲ୍ଲିକ, ମିହିର ପ୍ରସାଦ ମହାନ୍ତି, ଉପ ଜିଲ୍ଲାପାଳ ନାରାୟଣ ଚନ୍ଦ୍ର ଧଳ , ସେଲ୍ସ ମ୍ୟାନେଜର ସୁଶାନ୍ତ ସାମଲ ଓ ଆକ୍ସିସ ବ୍ୟାଙ୍କର କର୍ମଚାରୀ ମାନେ ଉପସ୍ଥିତ ଥିଲେ। ଏହା ସହ ପ୍ରବାସୀ ଓଡ଼ିଆ ଜିଲ୍ଳାକୁ ବର୍ତ୍ତମାନ ସୁଦ୍ଧା ୭୯୭ ଜଣ ଆସି ପହଞ୍ଚି ଥିବାର ସୂଚନା ଦେଲା ଜିଲ୍ଲା ପ୍ରଶାସନ ।

   Related Posts