Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଚାୟତ ନିର୍ବାଚନ: ପ୍ରଥମ ଦିନରେ ନାମାଙ୍କନପତ୍ର ଦାଖଲ କଲେ ୮୭୭୨ ଜଣ ପ୍ରାର୍ଥୀ
  • ||
  • ପୁଣି ନିରାଶ ହେଲେ ସୁମିତ୍, ଆବେଦନ ଖାରଜ କଲେ ଏସଡିଜେଏମ କୋର୍ଟ
  • ||
  • ପଞ୍ଚାୟତ ନିର୍ବାଚନ ପୂର୍ବରୁ ହିଂସା ! ସମିତି ସଭ୍ୟାଙ୍କ ଗାଡି ଜାଳିଦେଲେ ଦୁର୍ବୃତ୍ତ
  • ||
  • ମହିଳାଙ୍କ ଦେହରେ ନିଆଁ ଲଗାଇ ଦେଲେ ଧରମ ଭାଇ ! ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ବିଲଡର୍ ସଂସ୍ଥାର ଘର ଉପରେ ବୋମାମାଡ, ୩ ଶ୍ରମିକ ଆହତ
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||
  • ଖୋଲିଲା ଶିମିଳିପାଳ, ପର୍ଯ୍ୟଟକଙ୍କ ପାଇଁ ଖୁସି ଖବର
  • ||
  • ଆଉ ନାହାଁନ୍ତି ପଦ୍ମଶ୍ରୀ ଶାନ୍ତିଦେବୀ, ୮୮ ବର୍ଷ ବୟସରେ ପରଲୋକ
  • ||

ଜୟପୁରରେ ଧୁମଧାମ୍‌ରେ ପାଳିତ ହୋଇଛି ଲାଠିଯାତ୍ରା

7/10/2019 at 5:41 PM

କୋରାପୁଟ ୭/୧୦: ଶାରଦୀୟ ଦୁର୍ଗାପୂଜାରେ ଜୟପୁରରେ ଖୁବ୍‌ ଧୁମଧାମ୍‌ରେ ପାଳିତ ହୋଇଛି ଲାଠିଯାତ୍ରା । କୋରାପୁଟରେ ଆଦିବାସୀଙ୍କ ଏହି ନିଆରା ପରମ୍ପରା ଲାଠିପୂଜା, ଶୋଭାଯାତ୍ରା କାହିଁ କେତେ କାଳରୁ ରଜା ରାଜୁଡ଼ା ଅମଳରୁ ହୋଇଆସୁଛି । ଯାହା ଅନ୍ୟ କେଉଁଠି ଦେଖିବାକୁ ମିଳିନଥାଏ ।

ବାଜୁଛି ଯୋଡ଼ି ନାଗରା, ତୁରୀ । ପୂଜାର୍ଚ୍ଚନାରେ ବ୍ୟସ୍ତ ପୂଜକ । ଏପଟେ ଲାଠି, ବାଉଁଶରେ ନାଲି କପଡ଼ା, କଉଡ଼ି ବାନ୍ଧି ଶୋଭାଯାତ୍ରାରେ ସହରକୁ ଆସୁଛନ୍ତି  ଶହ ଶହ ଲୋକ । ଶାରଦୀୟ ଦୁର୍ଗାପୂଜାରେ, ଯେତେବେଳେ ସବୁଠି ମା’ ଦୁର୍ଗାଙ୍କ ମୂର୍ତ୍ତିକୁ ପୂଜା କରିବାର ପରମ୍ପରା ରହିଛି, ସେଠି ଜୟପୁରରେ ଏଭଳି ଲାଠିପୂଜାର ପରମ୍ପରା ଦେଖି ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିବ ନିଶ୍ଚୟ । ସମୟ ସିନା ବଦଳିଛି, ହେଲେ ବଦଳିନି ପରମ୍ପରା । ଦଶହରା ଅବସରରେ କୋରାପୁଟରେ ଆଦିବାସୀମାନେ ପାଳନ କରୁଥିବା ଏହି ନିଆରା ପରମ୍ପରା କାହିଁ କେତେ କାଳରୁ, ରଜା ରାଜୁଡ଼ା ଅମଳର ଚାଲି ଆସୁଛି । ଦୁର୍ଗା ପୂଜାରେ ଜୟପୁରରେ ପାଳିତ ହେଉଥିବା ଏହି ଲାଠିଯାତ୍ରାର ପରମ୍ପରା ଆଉ କେଉଁଠି ଦେଖିବାକୁ ମିଳିନଥାଏ ।

ଶତାଧିକ ଗାଁରୁ ଲୋକମାନେ ପ୍ରତିବର୍ଷ ଏମିତି ଲାଠି ଧରି ପାହାଡ଼ ପର୍ବତ ଅତିକ୍ରମ କରି ପୂଜା ପାଇଁ ଜୟପୁରରେ ପହଞ୍ଚିଥାନ୍ତି । ଲାଠି ଧାରଣ ସମୟରେ ଏମାନେ କାହାଦ୍ବାରା ପ୍ରସ୍ତୁତ ଖାଦ୍ୟ ଗ୍ରହଣ କରନ୍ତି ନାହିଁ । ଲାଠି ପୂଜା ବେଳେ ନଡ଼ିଆ କଦଳୀ ବଳି ଦିଆଯାଇଥାଏ । କୁହାଯାଏ,  ଦଶହରା ବେଳେ ଜୟପୁର ରାଜା ମା‘ କନକ ଦୁର୍ଗାଙ୍କ ପୂଜା କରୁଥିଲେ । ଆଉ ପ୍ରଜାମାନେ ନିଜ ଇଷ୍ଟଦେବଙ୍କୁ ସାଥିରେ ନେଇ ରାଜାଙ୍କ ଦର୍ଶନ ପାଇଁ ଆସୁଥିଲେ । ଏହାକୁ ମନେ ପକାଇବା ପାଇଁ ପ୍ରତିବର୍ଷ କୋରାପୁଟ ଜିଲ୍ଲା ତଥା ଜିଲ୍ଲା ବାହାରୁ ଲୋକମାନେ ଲାଠି ଶୋଭାଯାତ୍ରା କରି ଜୟପୁର ଆସୁଛନ୍ତି । ଏଠି ଲାଠି ରୂପରେ ବିଭିନ୍ନ ଦେବାଦେବୀଙ୍କୁ ପୂଜା କରାଯାଉଛି ।

ଜିଲ୍ଲାପ୍ରଶାସନ ପକ୍ଷରୁ ଶହ ଶହ ସଂଖ୍ୟାରେ ଜୟପୁର ଆସୁଥିବା ଏହି ଲାଠିଧାରୀଙ୍କ ପାଇଁ ଖାଇବା ସହ ରହିବା ବ୍ୟବସ୍ଥା କରିବା କଥା । ହେଲେ କେବଳ ଚାଉଳ, ଡାଲି ଦେଇ ପ୍ରଶାସନ ନିଜ ଦାୟିତ୍ବ ସାରିଦେଇଥିବା ବେଳେ ଲାଠିଧାରୀମାନେ ରହିବା ପାଇଁ ବହୁତ ହଇରାଣ ହୋଇଥିଲେ । ଯାହାକୁ ନେଇ ସେମାନଙ୍କ ଭିତରେ  ଅସନ୍ତୋଷ ମଧ୍ୟ ଦେଖିବାକୁ ମିଳିଥିଲା ।

   Related Posts