Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ପତି ପାଇଁ ନୁହେଁ, ଦୈତାରୀଙ୍କଠୁ ପୁ୍ଅ ଲାଗି ପିତୃତ୍ବ ପରିଚୟ ଦାବୀ କଲେ ଲତା

6/11/2018 at 4:28 PM

ଭଦ୍ରକ ୬ |୧୧: ଯାତ୍ରା ଜଗତର ଟାଇଗର ଦୈତାରୀ ପଣ୍ଡା ଏବେ ଅଡୁଆରେ । ଯାତ୍ରା ଦୁନିଆର ନାଁ କରା ଅଭିନେତ୍ରୀ ଏବେ ତାଙ୍କ ପରକୀୟା ପ୍ରିତିର ଗୁମର ଖୋଲିଛନ୍ତି । ୨୮ ବର୍ଷ ତଳେ ଦୈତାରୀ ପଣ୍ଡା ବିବାହିତ ଥିଲେ ବି ତାଙ୍କୁ ପ୍ରମ କରିଥିଲେ ଓ ତାପରେ ଗାନ୍ଧର୍ବ ମତରେ ବିବାହ କରିଥିଲେ ବୋଲି  ନ୍ୟୁଜ୍ 7କ୍ୟାମରା ଆଗରେ କହିଥିଲେ ଲତା ।  ହେଲେ ଏହି କଥା କହିବା ପରେ ତାଙ୍କୁ େବେ ବେନାମୀ ଧମକ ମିଳୁଛି ବୋଲି କହିଛନ୍ତି । ଗାଡି ଚଢେଇ ମାରିଦେବାକୁ ଧମକ ମିଳୁଛି ବୋଲି ସେ କହିଛନ୍ତି ।

ନିଜ ପୁ୍ଅର ପିତୃପରିଚୟ ପାଇଁ  ଭଦ୍ରକ ଜିଲ୍ଲା ଜଜ୍ କୋର୍ଟ ପରିସରରେ ପହଂଚି ଓକିଲଙ୍କ ପାଖରେ ସବୁ ତଥ୍ୟ ପ୍ରମାଣ ରଖିଛନ୍ତି ଲତା ମଣ୍ଡଳ। ଯାତ୍ରା ଅଭିନେତା  ଦୈତାରୀ ପଣ୍ଡା, ତାଙ୍କ ସ୍ବାମୀ ଓ ତାଙ୍କଠାରୁ ପୁଅ ସୋମନାଥର ଜନ୍ମ ବୋଲି ଲତା ମଣ୍ଡଳ କହିଛନ୍ତି। ଗାଡି ଧକ୍କା ଦେଇ ତାକୁ ଜୀବନରୁ ମାରିଦବେ , ଏଭଲି ଧମକ ପୂର୍ଣ କଲ୍ ଲତାଙ୍କ ମୋବାଇଲକୁ ଆସୁଥିବା ନେଇ ସେ କହିଛନ୍ତି ।  

ଲତା ମଣ୍ଡଳ ହେଉଛନ୍ତି ସେହି ଚର୍ଚ୍ଚିତ ଅଭିନେତ୍ରୀ ଯିଏ 28 ବର୍ଷ ତଳେ  ତାରିଣୀ ଗଣନାଟ୍ୟର ନାଟକ- ‘ଜୀଅନ୍ତା ଶବ’ରେ ନାୟିକା ହେଉଥିଲେ । ଆଉ ସେହି ନାଟକ ଦର୍ଶକମାନଙ୍କ  ନିକଟରେ ତାଙ୍କର ଏକ ଭିନ୍ନ ପରିଚୟ ସୃଷ୍ଟି କରିଥିଲା ।  ଦୈତାରୀ ପଣ୍ଡାଙ୍କୁ ସେହି ନାଟକ ମଧ୍ୟ ପରିଚୟ ଦେଇଥିଲା । ସେଇଠୁ ଦୁହିଁଙ୍କ ମଧ୍ୟରେ ପ୍ରେମ , ଆଉ  ତାପରେ ବିବାହ । ଦୁଇଟି ପିଲାର ମାଆ ବି ହଲେ ଲତା ମଣ୍ଡଳ । ବଡ ପୁଅ ମରି ଯାଇଛି । ଆଉ ସାନ ପୁଅ ସୋମନାଥକୁ ଏବେ ୨୩ ବର୍ଷ । ତବେ ପତି ପାଇଁ ନୁହେଁ, ପିତୃତ୍ବର ପରିଚୟ ପାଇଁ ସେ ଆଇନର ଆଶ୍ରୟ ନେଇଥିବା କହିଛନ୍ତି ଲତା । 

ଲତାଙ୍କ ପୁଅ ସୋମନାଥ ପଣ୍ଡା , ତାଙ୍କର ଏକା’ ଜିଦ୍ ତାଙ୍କ ବାପା ଦୈତାରୀ ପଣ୍ଡା ତାଙ୍କୁ ପୁଅ ବୋଲି ସାମାଜିକ ସ୍ବୀକାର ଦିଅନ୍ତୁ । ବାଲ୍ୟକାଳରେ ବାପାର ସ୍ନେହ ତ ପାଇ ନାହିଁ କିନ୍ତୁ ସାମାଜିକ ପରିଚୟ ପାଇବା ପାଇଁ ସେ ଲଢେଇ ଜାରି ରଖିବେ ବୋଲି ଗଣମାଧ୍ୟମକୁ କହିଛନ୍ତି ସୋମନାଥ ।

ସେହିପରି ଲତାଙ୍କ ପାଖରେ ଥିବା ପରିଚୟ ପତ୍ର, ଜମି ପଟା, 23 ବର୍ଷ ତଳର ଏଲଆଇସି ବଣ୍ଡ ଓ ପୁଅ ସୋମନାଥର ଜନ୍ମ ସାର୍ଟିଫିକେଟ, ମ୍ୟାଟ୍ରିକ ସାର୍ଟିଫିକେଟ ଭଳି କାଗଜ ପତ୍ର କୋର୍ଟରେ ରଖାଯିବ ବୋଲି ତାଙ୍କ ଓକିଲ କହିଛନ୍ତି ।  ବରିଷ୍ଠ ଆଇନଜୀବୀ ଗଦାଧର ବଳ ଅଦାଲତରେ ଲତାଙ୍କ ତରଫରୁ ମାମଲା ପରିଚାଳନା କରିବେ ।

   Related Posts