Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||
  • ନିଆଳି : ଭାରସାମ୍ୟ ହରାଇ ନାଳକୁ ଖସିପଡିଲା ଟ୍ରକ୍ : ଜଣେ ମୃତ, ଦୁଇ ଗୁରୁତର
  • ||
  • ମୁନିଗୁଡା : ଅପରେସନ୍ ଗ୍ରୀନ୍ କ୍ଲିନ୍, ୫ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଢେଙ୍କାନାଳ : ଚାଷୀଙ୍କୁ କଚାଡି ମାରିଲା ଦନ୍ତା, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ଅବରୋଧ
  • ||
  • ହରିୟାଣାର ସ୍ୱାସ୍ଥ୍ୟ ମନ୍ତ୍ରୀ କୋରୋନା ପଜିଟିଭ୍‌ ଚିହ୍ନଟ, ‘କୋଭାକ୍ସିନ୍‌’ର ପରୀକ୍ଷାମୂଳକ ଟିକା ନେଇଥିଲେ ଅନିଲ ଭିଜ୍‌
  • ||

ବାତିଲ ହେବ ପାକ୍-ଶ୍ରୀଲଙ୍କା କ୍ରିକେଟ୍ ସିରିଜ, ସୁରକ୍ଷାଗତ କାରଣ ଲାଗି ପାକିସ୍ତାନ ଯିବାକୁ ଡରୁଛନ୍ତି ଶ୍ରୀଲଙ୍କା ଖେଳାଳି

9/09/2019 at 9:55 PM

କଲମ୍ବୋ: ପାକିସ୍ତାନରେ ପୁଣିଥରେ ଅନ୍ତର୍ଜାତୀୟ କ୍ରିକେଟ ଯୁଗ ଆରମ୍ଭ କରିବା ଲାଗି ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ସ୍ୱପ୍ନକୁ  ଝଟକା ଲାଗିଛି । ପାକ୍ ଟିମ୍ କୁ ଶ୍ରୀଲଙ୍କା ସହ ଖେଳାଇ ଦେଶରେ ଅନ୍ତର୍ଜାତୀୟ କ୍ରିକେଟର ପର୍ଯ୍ୟାୟ ଆରମ୍ଭ କରିବା ଲାଗି ପାକିସ୍ତାନ କ୍ରିକେଟ କଣ୍ଟ୍ରୋଲ ବୋର୍ଡ (ପିସିବି)ର ଉଦ୍ୟମ ବିଫଳ ହୋଇଛି। ସୁରକ୍ଷାଗତ କାରଣ ଦର୍ଶାଇ ଶ୍ରୀଲଙ୍କା କ୍ରିକେଟରମାନେ ପାକ୍ ଗସ୍ତ କାର୍ଯ୍ୟକ୍ରମରୁ ଓହରି ଯାଇଛନ୍ତି। ଫଳରେ ପାକିସ୍ତାନରେ ଅନୁଷ୍ଠିତ ହେବାକୁ ଥିବା ସିରିଜରୁ ଶ୍ରୀଲଙ୍କା ଓହରି ଯାଇଛି।

ସୋମବାର ଶ୍ରୀଲଙ୍କା କ୍ରିକେଟ୍ ଖେଳାଳିମାନଙ୍କ ସହ ଏକ ବୈଠକ ଡକାଇଥିଲା। ଏଥିରେ ଟି-୨୦ ସ୍କିପର ଲସିଥ ମଲିଙ୍ଗା, ଡି. କରୁଣା ରତ୍ନେ ଓ ଆଞ୍ଜେଲୋ ମାଥ୍ୟୁସ୍ ପାକିସ୍ତାନରେ ଖେଳିବା ସୁରକ୍ଷିତ ନୁହେଁ କହି ଓହରିଯାଇଥିଲେ। ତାଙ୍କ ସହ ଆଉ ୧୦ ଜଣ ଖେଳାଳି ବି ପାକ୍ ଟୁରରେ ଯିବାକୁ ମନା କରିଦେଇଛନ୍ତି। ଫଳରେ  ସେପ୍ଚେମ୍ବର ୨୭ରୁ ଆରମ୍ଭ ହେବାକୁ ଯାଉଥିବା ପାକ୍-ଶ୍ରୀଲଙ୍କା ଦ୍ୱିପାକ୍ଷୀକ ସିରିଜ୍ ରୁ ଓହରି ଯାଇଥିବା ଶ୍ରୀଲଙ୍କା କ୍ରିକେଟ ଘୋଷଣା କରିଛି।

ଅକ୍ଟୋବର ୯ ତାରିଖ ପର୍ଯ୍ୟନ୍ତ ଖେଳାଯିବାକୁ ଥିବା ଏହି ସିରିଜରେ ୩ଟି ଅନ୍ତର୍ଜାତୀୟ ଏକଦିବସୀୟ ସାଙ୍ଗକୁ ସମ ସଂଖ୍ୟକ ଟି-୨୦ ସିରିଜ୍ ଖେଳିଥାନ୍ତା। ହେଲେ ଖେଳାଳିମାନେ ପାକିସ୍ତାନ ଯିବାକୁ ରାଜି ହେଉନଥିବାରୁ ଶ୍ରୀଲଙ୍କ କ୍ରିକେଟ ସିରିଜରୁ ଓହରି ଯିବାକୁ ବାଧ୍ୟ ହୋଇଛି। ୨୦୦୯ ମସିହାରେ ଶ୍ରୀଲଙ୍କ ଟିମ୍ କ୍ରିକେଟ ଖେଳିବାକୁ ପାକିସ୍ତାନ ଯାଇଥିଲା। ତେବେ ଲାହୋରରେ କ୍ରିକେଟରଙ୍କ ବସ୍ ଉପରକୁ ଆତଙ୍କବାଦୀଙ୍କ ଆଖିବୁଜା ଗୁଳିମାଡରେ କେତେକ ଖେଳାଳି ଆହତ ହୋଇଥିଲେ। ସେବେଠାରୁ ପାକିସ୍ତାନରେ ଅନ୍ତର୍ଜାତୀୟ କ୍ରିକେଟ ବନ୍ଦ ହୋଇଯାଇଛି।

କେବଳ ଆତଙ୍କବାଦ ନୁହେଁ ପାକ୍ କ୍ରିକେଟରେ ଖେଳୁଥିବା ଖେଳାଳିଙ୍କୁ ନେଇ ଶ୍ରୀଲଙ୍କା କ୍ରିକେଟରଙ୍କ ପରିବାର ଅସହଜ ଅନୁଭବ କରୁଛନ୍ତି। ତେବେ ଶ୍ରୀଲଙ୍କା ବୋର୍ଡ ଯାହା ନିଷ୍ପତ୍ତି କରିବେ ତାକୁ ଆମେ ଗ୍ରହଣ କରିବୁ ବୋଲି ଗଣମାଧ୍ୟମକୁ କହିଛି ପିସିବି। ଶ୍ରୀଲଙ୍କା ବୋର୍ଡର ଏହା ଆଭ୍ୟନ୍ତରିଣ ମାମଲା । ଏଣୁ ଏ ସମ୍ପର୍କରେ କୌଣସି ମତାମତ ଦେବା ସମିଚିନ ନୁହେଁ ବୋଲି ପିସିବି କହିଛି। ତେବେ ସେପ୍ଟେମ୍ବର ୨୫ ତାରିଖରୁ ଏହି ଗସ୍ତକାର୍ଯ୍ୟକ୍ରମ ଆରମ୍ଭ ହେବ। ଶ୍ରୀଲଙ୍କା ବୋର୍ଡର ନିଷ୍ପତ୍ତି ଜାଣିବା ପରେ ଏନେଇ ପ୍ରସ୍ତତି କରାଯିବ ବୋଲି ପିସିବି କହିଥିବା ବେଳେ ଶ୍ରୀଲଙ୍କାର ପାକିସ୍ତାନ ଟୁରକୁ କ୍ରିକେଟ ବୋର୍ଡ ଖେଳାଳିଙ୍କ ନିଷ୍ପତି ଉପରେ ଛାଡି ଦେଇଛି।

୨୦୦୯ ମସିହା ଲାହୋର ଆତଙ୍କାବାଦୀ ଆକ୍ରମଣ ପରଠାରୁ ପାକିସ୍ତାନ ପୂର୍ବ ଭଳି ଆଉ ଅନ୍ତର୍ଜାତୀୟ କ୍ରିକେଟର ଆୟୋଜନ କରିପାରୁନାହିଁ। ଗତ ୨ ବର୍ଷ ହେଲା ଆଇସିସି ୱାର୍ଲଡ ଇଲେଭେନ ଓ ୱେଷ୍ଟଇଣ୍ଡିଜ୍ ପାକିସ୍ତାନରେ କେବଳ ଟି-୨୦ ମ୍ୟାଚ୍ ଖେଳିଆସୁଛନ୍ତି। ଏଥିରେ ୨୦୧୭ ମସିହାରେ ଶ୍ରୀଲଙ୍କା ଗୋଟିଏ ଟି-୨୦ ମ୍ୟାଚ୍ ଖେଳିବାକୁ ପାକିସ୍ତାନ ଗସ୍ତ କରିଥିଲା।

   Related Posts