Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିଶ୍ୱର ସର୍ବ ବୃହତ୍ତ ତୈଳ କମ୍ପାନୀ ‘ଅରାମକୋ’ ଉପରେ ଡ୍ରୋନ ଆକ୍ରମଣ, ଜଳୁଛି ୨ଟି ଫାସେଲିଟି

ଅବକୈକ୍ : ବିଶ୍ୱର ଧନୀ ତୈଳକମ୍ପାନୀଙ୍କ ମଧ୍ୟରେ ଅନ୍ୟତମ ସାଉଦୀ ଆରବର ‘ଅରାମକୋ’ ତୈଳକମ୍ପାନୀର ୨ଟି ଫ୍ୟାସେଲିଟି ସେଣ୍ଟର ଉପରେ ଶନିବାର ଆକ୍ରମଣ ହୋଇଛି। ଫଳରେ ୨ଟି ଜାକ ଫାସେଲିଟିରେ ଭିଷଣ ଅଗ୍ନୀକାଣ୍ଡ ଘଟିଥିବା ସାଉଦୀଆରବ ଗୃହମନ୍ତ୍ରୀ ସୂଚନା ଦେଇଛନ୍ତି।  ଡ୍ରୋନ ଆକ୍ରମଣ ଯୋଗୁ ଆବକୈକ୍ ଓ ଖୁରାଇସ୍ ଫ୍ୟାସେଲିଟିରେ ଅଗ୍ନିକାଣ୍ଡ ଘଟିଛି ବୋଲି ଗୃହମନ୍ତ୍ରୀ କହିଛନ୍ତି।

ଶନିବାର ଭୋର ପ୍ରାୟ ୪ଟା ବେଳେ ଗୁଳି ଶବ୍ଦ ଶୁଣାଯାଇଥିଲା। ଔଦ୍ୟୋଗିକ ସୁରକ୍ଷା ବଳ ଏହାର ଜବାବ ଦେଇଥିଲେ। ତେବେ ହାଉତୀ ବିଦ୍ରୋହୀମାନେ ଡ୍ରୋନ ଯୋଗେ ଆକ୍ରମଣ କରିବାରୁ ଫ୍ୟାସେଲିଟିରେ ଅଗ୍ନିକାଣ୍ଡ ଘଟିଥିବା ପ୍ରତ୍ୟକ୍ଷଦର୍ଶୀ କହିଛନ୍ତି। ଏହା ପୂର୍ବରୁ ଅରାମକୋର ନ୍ୟାଚୁରାଲ ଗ୍ୟାସ୍ ଫ୍ୟାସେଲିଟି ସେଣ୍ଟର ଉପରେ ମଧ୍ୟ ଡ୍ରୋନ ଆକ୍ରମଣ ହୋଇଥିଲା। ତେବେ ଗତମାସରେ ହୋଇଥିବା ଏହି ଆକ୍ରମଣରେ ଧନଜୀବନ ହାନୀ ହୋଇନଥିଲା।

ଗତ କିଛିମାସ ହେଲା ହାଉତୀ ବିଦ୍ରୋହୀମାନେ କ୍ରସ-ବର୍ଡର ମିସାଇଲ ଦ୍ୱାରା ସାଉଦୀ ଆରବର ବିମାନଘାଟିକୁ ଟାର୍ଗେଟ୍ କରୁଛନ୍ତି। ତେବେ ଶନିବାର ସକାଳେ ହୋଇଥିବା ଆକ୍ରମଣ ନେଇ କୌଣସି ସଙ୍ଗଠନ ଏପର୍ଯ୍ୟନ୍ତ ନିଜକୁ ଦାୟି କରିନାହାନ୍ତି। ଗତ ମଇ ମାସରୁ ଉପସାଗରୀୟ ଅଞ୍ଚଳରେ ଉତ୍ତେଜନା ଦେଖଦେଇଛି। ଏଥିଯୋଗୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ଫ ଗତ ଜୁନମାସରେ ଇରାନ ଉପରେ ବିମାନ ଆକ୍ରମଣ ଲାଗି ଧମକ ମଧ୍ୟ ଦେଇଥିଲେ।

319 Views

   ସମ୍ବନ୍ଧିତ ଖବର