Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||

ରାଷ୍ଟ୍ରପତି ରାମନାଥ କୋବିନ୍ଦଙ୍କ ସୁରକ୍ଷା ପାଇଁ ମୁତୟନ ହୋଇଥିଲା ଲଙ୍ଗୁର, ଜାଣନ୍ତୁ କାହିଁକି

30/11/2019 at 12:29 PM

ମଥୁରା ୩୦।୧୧: ରାଷ୍ଟ୍ରପତି ରାମନାଥ କୋବିନ୍ଦଙ୍କ ମଥୁରା ଗସ୍ତ ସମୟରେ ସୁରକ୍ଷା ବ୍ୟବସ୍ଥାରେ ମୁତୟନ ହୋଇଥିଲେ ଲଙ୍ଗୁର (ହନୁ ମାଙ୍କଡ) । ରାଷ୍ଟ୍ରପତି ମଥୁରାର ବାଙ୍କେ ବିହାରୀ ମନ୍ଦିରକୁ ଦର୍ଶନ କରିବା ପାଇଁ ଯାଇଥିଲେ । ଗସ୍ତ ସମୟରେ ରାଷ୍ଟ୍ରପତିଙ୍କୁ ସୁରକ୍ଷା ପ୍ରଦାନ କରିବା ପ୍ରଶାସନ ପାଇଁ ଚିନ୍ତାର କାରଣ ହୋଇଥିଲା । କାରଣ ବାଙ୍କେ ବିହାରୀ ମନ୍ଦିରରେ ବହୁଳ ଭାବେ ମାଙ୍କଡ ରହିଛନ୍ତି । ଏହି ମନ୍ଦିରକୁ ଦର୍ଶନ କରିବାକୁ ଆସୁଥିବା ଶ୍ରଦ୍ଧାଳୁଙ୍କୁ ମାଙ୍କଡମାନେ ବହୁତ ହଇରାଣ ହରକତ କରିଥାନ୍ତି । ମାଙ୍କଡମାନେ ଶ୍ରଦ୍ଧାଳୁଙ୍କ ଚଷମା ଟାଣି ନେବା ସହ ସେମାନଙ୍କ ହାତରେ ଥିବା ଖାଦ୍ୟ ସାମଗ୍ରୀ ଛଡାଇନେଇଥାନ୍ତି । ମାଙ୍କଡଙ୍କ ଏଭଳି ପ୍ରାଦୁର୍ଭାବ ପୋଲିସ ପାଇଁ ଚିନ୍ତାର କାରଣ ହୋଇଥିଲା ।

ଗତ ୨୮ତାରିଖ ଦିନ ମଥୁରା ଗସ୍ତରେ ଯାଇ ରାମକୃଷ୍ଣ ମିଶନରୁ ଭିଆଇପି ପାର୍କିଂ ପର୍ଯ୍ୟନ୍ତ ଗାଡିରେ ପହଞ୍ଚିଥିଲେ ରାଷ୍ଟ୍ରପତି । ସେଠାରୁ ବାଙ୍କେ ବିହାରୀ ମନ୍ଦିର ପର୍ଯ୍ୟନ୍ତ ପ୍ରାୟ ୨୫୦ରୁ ୩୦୦ ମିଟର ପର୍ଯ୍ୟନ୍ତ ଗଳି ବାଟ ଦେଇ ଚାଲି ଚାଲି ଯିବାର ଥିଲା । ସେଠାରେ ପ୍ରତ୍ୟେକ ଘରର ଛାତ ଉପରେ ମାଙ୍କଡ ରହୁଥିଲେ । ତେଣୁ ସବୁ ଘରର ଛାତ ଉପରେ ଠେଙ୍ଗା ଧରି ପୋଲିସ କର୍ମଚାରୀ ଜଗିରହିଥିଲେ । କେବଳ ଏତିକି ନୁହେଁ ରାଷ୍ଟ୍ରପତିଙ୍କ ସୁରକ୍ଷା ପାଇଁ ଗୋଟିଏ ଲଙ୍ଗୁରକୁ ମଧ୍ୟ ମୁତୟନ କରାଯାଇଥିଲା ।

ଭିଆଇପି ଅତିଥିଙ୍କ ସୁରକ୍ଷା ଲାଗି ପ୍ରଥମ ଥର ପାଇଁ ଲଙ୍ଗୁର ମୁତୟନ ହୋଇନାହିଁ । ପୂର୍ବରୁ ମଧ୍ୟ ଅନେକ ଥର ସୁରକ୍ଷା ପାଇଁ ଲଙ୍ଗୁରକୁ ମୁତୟନ କରାଯାଇଛି । ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ଗସ୍ତ ସମୟରେ ମଧ୍ୟ ମାଙ୍କଡମାନଙ୍କ ପ୍ରାଦୁର୍ଭାବ କାରଣରୁ ଲଙ୍ଗୁର ମୁତୟନ କରାଯାଇଥିଲା ।

ଲଙ୍ଗୁର ମୁତୟନର କାରଣ ହେଉଛି ମାଙ୍କଡମାନେ ଲଙ୍ଗୁରକୁ ଭୟ କରିଥାନ୍ତି । ଯେଉଁଠାରେ ଲଙ୍ଗୁରମାନେ ଥାଆନ୍ତି ସେଠାରେ ମାଙ୍କଡମାନେ ରୁହନ୍ତି ନାହିଁ । ସେହି ସ୍ଥାନ ଛାଡି ଦୂରକୁ ପଳାଇ ଯାଇଥାନ୍ତି । ଏଥିପାଇଁ କେବେ କେବେ ସୁରକ୍ଷା ବ୍ୟବସ୍ଥାରେ ଲଙ୍ଗୁରମାନଙ୍କୁ ମୁତୟନ କରାଯାଇଥାଏ ।

   Related Posts