Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପ୍ରଥମେ ନିଶା ଦେଉଥିଲେ, ପରେ ଯୁବତୀଙ୍କୁ ଦେହ ବ୍ୟବସାୟରେ ଲଗାଉଥିଲେ : ୨ ଜଣଙ୍କୁ ଗିରଫ କଲା ଏନସିବି
  • ||
  • ଜନସେବା କେନ୍ଦ୍ର ସିଲ୍, ଗରିବ ଲୋକଙ୍କୁ ନକଲି ପ୍ରମାଣପତ୍ର ଦେଇ ଠକୁଥିଲେ ଯୁବକ
  • ||
  • କମିଲା ସଂକ୍ରମଣ : ୨୪ ଘଣ୍ଟାରେ ରାଜ୍ୟରେ ବାହାରିଲେ ୧୫୫୮ କରୋନା ପଜିଟିଭ୍
  • ||
  • ଗାଁକୁ ଆସିପାରିଲାନି ଆମ୍ବୁଲାନ୍ସ : କାଦୁଅ ରାସ୍ତାରେ ପ୍ରସବ କଲେ ମହିଳା
  • ||
  • ବାଘମାରୀ ବଜାରରେ ଗୁଳିମାଡ, ବ୍ୟବସାୟୀଙ୍କଠୁ ଲୁଟିଲେ ୫୦ ହଜାର ଟଙ୍କା
  • ||
  • ମାଟ୍ରିକ୍ ଅଫଲାଇନ୍ ପରୀକ୍ଷା, ୫୦୪ ସେଣ୍ଟରରେ ପରୀକ୍ଷା ଦେବେ ୧୫ହଜାରରୁ ଅଧିକ ଛାତ୍ରଛାତ୍ରୀ
  • ||

କେରଳ ମୁନ୍ନାରରେ ବଡ଼ ଭୂ-ସ୍ଖଳନ, ୧୩ ମୃତ, ଫଶି ରହିଛନ୍ତି ୭୦ରୁ ଅଧିକ ଲୋକେ

7/08/2020 at 3:11 PM

ଇଡୁକ୍କୀ ୭।୮:  କେରଳ ଇଡୁକ୍କୀ ଜିଲ୍ଲାରେ ବିତ୍ପାତ ରଚିଛି ବର୍ଷା।  ଶୁକ୍ରବାର ବର୍ଷା ଯୋଗୁ ଭୂ-ସ୍ଖଳନରେ ଅନୁନ୍ୟ ୧୩ ଜଣଙ୍କର ମୃତ୍ୟୁ ହୋଇଥିବା ବେଳେ ଉଦ୍ଧାରକାରୀ ୧୦ ଜଣଙ୍କୁ ବାହାର କରିଆଣିଛନ୍ତି। ତେବେ ଯୋଗାଯୋଗ ନଥିବାରୁ ଆହୁରି ୭୦ରୁ ଅଧିକ ଲୋକେ ଫଶି ରହିଥିବାର ଆଶଙ୍କା କରାଯାଉଛି। ଭୂ-ସ୍ଖଳନ ଇଡୁକ୍କୀ ଜିଲ୍ଲା ମୁନ୍ନାର ଠାରୁ ୨୫ କିଲୋମିଟର ଦୂର ଚାବଗିଚା ଅଞ୍ଚଳରେ ହୋଇଛି।

ଯେଉଁ ସ୍ଥାନରେ ଭୂ-ସ୍ଖଳନ ହୋଇଛି ସେଠାରେ ଚା ବଗିଚାରେ କାମ କରୁଥିବା ଶ୍ରମିକଙ୍କ ବସ୍ତି ଥିଲା। ଏଥିରେ ପ୍ରାୟ ୨୦ଟି ଘର ମାଟି ତଳେ ପୋତି ହୋଇଯାଇଥିବା ଜଣାପଡିଛି। ଗତ ୪ ଦିନ ହେଲା କେରଳରେ ବର୍ଷା ଲାଗି ରହିଛି। ଗୁରୁବାର ଭୀଷଣ ବର୍ଷାରେ ରାଜମାଲା ଅଞ୍ଚଳକୁ ସଂଯୁକ୍ତ କରୁଥିବା ପୋଲଟି ଭାସି ଯାଇଛି। ଫଳରେ ପ୍ରଭାବିତ ଅ଼ଞ୍ଚଳକୁ ପହଞ୍ଚିବାରେ ଗୁରୁତର ବାଧା ଉପୁଜିଛି।

ମୁଖ୍ୟମନ୍ତ୍ରୀ ପି.ବିଜୟନ ପ୍ରାକୃତିକ ଦୁର୍ବିପାକ ଯୋଗୁ ଉପୁଜିଥିବା ପରିସ୍ଥିତିରେ ଦୁଃଖ ବ୍ୟକ୍ତ କରିଛନ୍ତି। କେରଳ ରାଜସ୍ୱମନ୍ତ୍ରୀ ଚନ୍ଦ୍ର ଶେଖରନଙ୍କ ଅନୁସାରେ ଭୂ-ସ୍ଖଳନ ହୋଇଥିବା ସ୍ଥାନରେ ଚା ବଗିଚାରେ କାମ କରୁଥିବା ଶ୍ରମିକଙ୍କର ୪ଟି କଲୋନୀ ଥିଲା। ଏଥିରେ ପ୍ରାୟ ୮୦ରୁ ଅଧିକ ଲୋକେ ରହୁଥିଲେ। ତେବେ ଭୂ-ସ୍ଖଳନ ବେଳେ ସେଠାରେ କେତେ ଲୋକ ଥିଲେ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇପାରିନାହିଁ। ପାଗ ଖରାପ କାରଣରୁ ସେଠାରେ ଅଟକି ରହିଥିବା ଲୋକଙ୍କୁ ଏୟାର ଲିଫ୍ଟ ମଧ୍ୟ କରାଯାଇ ପାରୁନଥିବା ମନ୍ତ୍ରୀ କହିଛନ୍ତି।  

   Related Posts