Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଲେଶ୍ବର : ୧୬ନଂ ଜାତୀୟ ରାଜପଥ କୁରୁଡା ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା, ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଆଠମଲ୍ଲିକ : ଦେଉଳଝରି ନିକଟରେ ଓଲଟିଲା କୋଇଲା ବୋଝେଇ ଟ୍ରକ୍
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଗୁରୁତର
  • ||
  • ସମ୍ବଲପୁର : ଅପରେସନ ବେଳେ ଖାଦ୍ୟନଳୀ କାଟିଦେଲେ ଡାକ୍ତର, ଗୁରୁତର ଅବସ୍ଥାରେ ମହିଳା ବୁର୍ଲାରେ ଭର୍ତ୍ତି
  • ||
  • ସମ୍ବଲପୁର : ଡାକ୍ତରଖାନାରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଯୁବକ ଅଟକ
  • ||
  • ସୋନପୁର : ଘର ଭାଙ୍ଗି ଶୋଇଥିବା ବୃଦ୍ଧଙ୍କୁ ଦଳିଦେଲା ଦନ୍ତା
  • ||
  • ସୋର : ଟଙ୍କା ପାଇଁ ଯୁବକଙ୍କୁ ଅପହରଣ ଘଟଣା, କୋଲକାତାରୁ ଅପହୃତ ତାପସ ଉଦ୍ଧାର
  • ||
  • ସୁନ୍ଦରଗଡ଼ : ନଦୀ ପଠାରେ ପଡିଛି ଶରୀରର ବିଭିନ୍ନ କଟା ଅଂଶ, ହତ୍ୟା ପରେ ଫିଙ୍ଗାଯାଇଛି !
  • ||
  • ମାର୍ଚ୍ଚ ୫ରେ ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ
  • ||

ବୀରମହାରାଜପୁର ତହସିଲ ଅଫିସ ଦୁର୍ନୀତିର ଫିଟୁଛି ଗୁମର

23/06/2019 at 2:03 PM

ସୁବର୍ଣ୍ଣପୁର ୨୩/୬: ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ତହସିଲ ଅଫିସରେ ଚାଲିଥିବା ଦୁର୍ନୀତିର ଗୁମର ଫିଟୁଛି । ରେକର୍ଡ ଜାଲିଆତି କରି ଜମି ବିକ୍ରି କରା ଯାଇଥିବା ରାଜସ୍ବ ବିଭାଗ ନଥି ପ୍ରମାଣିତ କରୁଛି। ହେଲେ ରେକର୍ଡ ଜାଲିଆତି କରିଥିବା ସରକାରୀ କର୍ମଚାରୀଙ୍କ ଉପରେ କୌଣସି କାର୍ଯ୍ୟାନୁଷ୍ଠାନ ହେଉନି । ଏଣେ ଜମି ହରାଇଥିବା ଓ ଜମିକୁ ଦଖଲ କରି ପାରୁ ନଥିବା ବ୍ୟକ୍ତି ତହସିଲ ଅଫିସରେ ଚକ୍କର କାଟୁଛନ୍ତି ।
ସୁବର୍ଣ୍ଣପୁର ବୀରମହାରାଜପୁର ମଧୂପୁରର ରବିନ୍ଦ୍ର ମହାରଣା, ଜୀବନର ପୁଞ୍ଜି ଲଗାଇ ଜମି କିଣିଥିଲେ, ହେଲେ ଏବେ ଫସିଛନ୍ତି। ବାସନ୍ତୀ ଦାସଙ୍କଠାରୁ ଜମି କିଣିଥିଲେ, କିନ୍ତୁ ଦଖଲକୁ ନେବା ଆଗରୁ ଜାଣିବାକୁ ପାଇଥିଲେ ତାହା ସୌଦାମିନୀଙ୍କ ନାଁରେ ରହିଛି ।ଅସଲରେ ନାଁକୁ ଟାମ୍ପରିଙ୍ଗ କରି ଜମିକୁ ବାରମ୍ବାର ବିକ୍ରି କରାଯାଇଛି ।
ବୀରମହାରାଜପୁର ତହସିଲ ଅଫିସରେ ଦୁର୍ନୀତିର ତାଲିକା ଲମ୍ବା । ଏଥିରେ କେମିତି ତହସିଲ ଅଧିକାରୀଙ୍କ ହାତ ରହିଛି ତାହା ସ୍ପଷ୍ଟ ହେବାରେ ଲିଗିଛି । ଉଦାହରଣ ଭାବରେ, ଟିଠିପାଲି ମୌଜାର ଭାଗିରଥୀ ପ୍ରଧାନ ଜାଲ କାଗଜ ପତ୍ର କରି ଅନ୍ୟ ଜଣଙ୍କ ଜମିକୁ ନିଜ ନାଁରେ ପଟ୍ଟା କରି ନେଇଛନ୍ତି । ସବୁଠୁ ଆଶ୍ଚର୍ଯ୍ୟଜନକ, ଏହି ପଟ୍ଟାରେ ୨୦୧୦ମସିହାରେ ଦସ୍ତଖତ ଦେଇଛନ୍ତି ତତକାଳୀନ ତହସିଲଦାର, ହେଲେ ଏହା ସରକାରୀ ପ୍ରେସରେ ୨୦୧୨ ମସିହାରେ ଛପା ହୋଇଛି । ପ୍ରଶ୍ନ ଉଠୁଛି ସରକାରୀ ଖତିୟାନ ପ୍ରିଣ୍ଟ ହେବା ପୂର୍ବରୁ ତହସିଲଦାର ସ୍ବାକ୍ଷର କଲେ କିଭଳି । ଘଟଣା ସାମ୍ନାକୁ ଆସିବା ପରେ ନିଜ ଜମି ଫେରି ପାଇବାକୁ ଆବେଦନ କରିଛନ୍ତି ଜମି ହରାଇଥିବା କୃଷ୍ଣଚନ୍ଦ୍ର ପ୍ରଧାନ ।
ଜମି ମାଲିକଙ୍କ ଅଜାଣତରେ ଅନ୍ୟ ନାଁରେ ରାତା ରାତି ରେକର୍ଡ ହୋଇଯାଉଛି । ଶହ ଶହ ଜମି ଜାଲିଆତି ନଜରକୁ ଆସିଛି । ଏଯାଏଁ ବୀରମହାରାଜପୁର ଥାନାରେ ଦୁଇଟି ମାମଲା ରୁଜୁ ହୋଇଛି । ତଦନ୍ତ ପରେ କାର୍ଯ୍ୟାନୁଷ୍ଠାନ ହେବ ବୋଲି ବୀରମହାରାଜପୁର ଏସଡିପିଓ କହିଛନ୍ତି ।
ବୀରମହାରାଜପୁର ତହସିଲରେ ୨୯୦ଟି ଜମିର ମାଲିକ ନିଜ ଜମି ହରେଇଥିବା ଜଣା ପଡିଛି । ହେଲେ ଜମି ଦୁର୍ନୀତିରେ ସଂପୃକ୍ତ ଥିବା ସରକାରୀ କର୍ମଚାରୀଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ହୋଇନାହିଁ । ଖାଲି ରୟତି କିସମ ନୁହେଁ ବୀରମହାରାଜପୁର ତହସିଲ କାର୍ଯ୍ୟାଳୟରେ ମୂଲ୍ୟବାନ ସରକାରୀ ଓ ଜଙ୍ଗଲ ଜମି ବି ଜାଲିଆତି ହେଉଛି ।

   Related Posts