Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପିପିଲି ଉପନିର୍ବାଚନ : ପ୍ରକାଶ ପାଇଲା ସାନି ବିଜ୍ଞପ୍ତି, ମେ ୧୩ରେ ମତଦାନ
  • ||
  • ମାଲକାନଗିରି : ରକ୍ତ ମୁଖା ଲାଲ୍‌ବାହିନୀ , ପୋଲିସ ଇନଫର୍ମର ସନ୍ଦେହରେ ୨ଛାତ୍ରଙ୍କୁ ଗଳାକାଟି ହତ୍ୟା
  • ||
  • କରୋନା ଭୟରେ କଠୋର ହେଲା ହଂକଂ: ଭାରତକୁ ବିମାନ ଚଳାଚଳ ବନ୍ଦ, ୩ ମେ ଯାଏଁ ଲାଗିଲା କଟକଣା
  • ||
  • କଳାହାଣ୍ଡି : ନଳକୂପ ଅଛି ହେଲେ ପାଣି ବାହାରୁନି, ପାନୀୟ ଜଳ ଯୋଗାଣ ଦାବିରେ ସରପଞ୍ଚ, ପଞ୍ଚାୟତ ଓ ବ୍ଲକ୍ ଯନ୍ତ୍ରୀଙ୍କୁ ଅଟକ ରଖିଲେ ଗ୍ରାମବାସୀ
  • ||
  • କଳାହାଣ୍ଡି : ଲଡୁଗାଁରେ ବଢିଲା ସଟ୍ ଡାଉନ୍ ଅବଧି, ଆଉ ୪ଦିନ ରହିବ ବଳବତ୍ତର
  • ||
  • ରାଜ୍ୟରେ ୪ହଜାର ଟପିଲା କରୋନା ସଂକ୍ରମଣ, ୨୪ ଘଣ୍ଟାରେ ୪୪୪୫ ପଜିଟିଭ୍ ଚିହ୍ନଟ
  • ||
  • କରୋନା ନେଲା ଜୀବନ: ପରଲୋକରେ ଜେଡିୟୁ ବିଧାୟକ ମେଓ୍ୱାଲାଲ ଚୌଧୁରୀ
  • ||
  • ଆଜିଠୁ ଶ୍ରୀମନ୍ଦିରରେ ନୂଆ SOP ଲାଗୁ, ରାଜ୍ୟ ବାହାରର ଦର୍ଶନାର୍ଥୀଙ୍କ ପାଇଁ କୋଭିଡ୍ ନେଗେଟିଭ ରିପୋର୍ଟ ବାଧ୍ୟତାମୂଳକ
  • ||
  • ଚଣ୍ଡିଖୋଲ : ଟ୍ରେନ୍ ଲାଇନ୍‌ରୁ ମିଳିଲା ମୃତଦେହ, ନିକଟରେ ପଡିଛି ଏକ ସାଇକେଲ
  • ||
  • ଭୁବନେଶ୍ୱର : ୫ ସହରରେ ପାରଦ ୪୦ ଡିଗ୍ରୀ ଟପିଲା, ଆଗକୁ ଆହୁରି ବଢିବ ତାତି
  • ||

ଐଶ୍ବର୍ଯ୍ୟାଙ୍କ ସହ ବିବାହ ବିଚ୍ଛେଦ ନେଇ ମୁହଁ ଖୋଲିଲେ ତେଜ ପ୍ରତାପ ଯାଦବ; ଚିନ୍ତାରେ ଖାଇଲେ ନାହିଁ ଲାଲୁ

4/11/2018 at 3:28 PM

ପାଟଣା ୪/୧୧ : ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ବଡ ପୁଅ ତେଜ ପ୍ରତାପ ଯାଦବଙ୍କ ବାହାଘର ବର୍ଷେ ନପୂରୁଣୁ ତାଙ୍କ ପତ୍ନୀ ଐଶ୍ଵର୍ଯ୍ୟାଠୁ ବିବାହ ବିଚ୍ଛେଦ  ପାଇଁ ଅଦାଲତର ଦ୍ୱାରସ୍ଥ ହୋଇଛନ୍ତି | ଏହି ମାମଲାରେ ତେଜ ପ୍ରତାପ ଏବେ ମୁହଁ ଖୋଲିଛନ୍ତି |  ଗଣମାଧ୍ୟମକୁ ସେ କହିଛନ୍ତି ଯେ, ଐଶ୍ଵର୍ଯ୍ୟଙ୍କ ସହ ତାଙ୍କ ବାହାଘର ରାଜନୈତିକ ଫାଇଦା ପାଇଁ ହୋଇଥିଲା | ଏ ବିବାହରେ ସେ ଜମା ବି ଖୁସି ନଥିଲେ | ବିବାହ ପରଠୁ ସ୍ତ୍ରୀର ବ୍ୟବହାର ତାଙ୍କ ପ୍ରତି ଭଲ ନୁହଁ ବୋଲି ମଧ୍ୟ ସେ କହିଛନ୍ତି | ସ୍ତ୍ରୀ ସାଉଥପୋଲ ବା ଦକ୍ଷିଣ ଗୋଲାର୍ଦ୍ଧ ହେଲେ ସେ ନର୍ଥ ପୋଲ ବା ଉତ୍ତର ଗୋଲାର୍ଦ୍ଧ | ଉଭୟଙ୍କ ମଧ୍ୟରେ ସବୁବେଳେ ଝଗଡା ହୁଏ | ଏପରିକି ଘରଲୋକଙ୍କ ସାମ୍ନାରେ ମଧ୍ୟ କେତେଥର ଝଗଡା ହୋଇଥିବା ସେ କହିଛନ୍ତି | କିନ୍ତୁ ଘରଲୋକ କେହି ବି କିଛି କୁହାନ୍ତିନାହିଁ | ସେଥିପାଇଁ ଛାଡପତ୍ର ଦେବା ନିଷ୍ପତ୍ତିରୁ ସେ ଓହରିବାର ପ୍ରଶ୍ନ ଉଠୁନାହିଁ ବୋଲି କହିଛନ୍ତି|

ସୂଚନାଯୋଗ୍ୟ ଯେ, ଗତକାଲି ରାଞ୍ଚି ଜେଲର ପେଇଙ୍ଗ ୱାର୍ଡରେ ଅପରାହ୍ନ ୨.୫୦ରେ ତେଜ ପ୍ରତାପ ବାପା ଲାଲୁ ପ୍ରସାଦ ଯାଦବଙ୍କୁ ଦେଖା କରିଥିଲେ | ବନ୍ଦ କୋଠରୀ ଭିତରେ ବାପା ପୁଅ ଦୀର୍ଘ ୨ଘଣ୍ଟା ୪୫ ମିନିଟ କଥାବାର୍ତ୍ତା ହୋଇଥିଲେ | ତଥାପି କୌଣସି ସୁଫଳ ମିଳିନଥିଲା | ସନ୍ଧ୍ୟା ୫ଟା ୩୫ ମିନିଟରେ ତେଜ ପ୍ରତାପ ଲାଲୁଙ୍କ ସଂଗେ କଥାବାର୍ତ୍ତା କରି ବାହାରକୁ ଆସିଥିଲେ | ବାହାରକୁ ଆସି ଗଣମାଧ୍ୟମ ପ୍ରତିନିଧିଙ୍କୁ କହିଥିଲେ ଯେ, ସେ ନେଇଥିବା ନିର୍ଣ୍ଣୟ ବଦଳାଇବେ ନାହିଁ | ଏହି ମାମଲାରେ ଲାଲୁ ଘରକୁ ଯାଇ ପରିବାର ସଦସ୍ୟଙ୍କ କଥାବାର୍ତ୍ତା କରି ଯାହା ନିର୍ଣ୍ଣୟ ନେବେ ବୋଲି କହିଥିବା ପୁଅ ତେଜ ପ୍ରତାପ ଗଣମାଧ୍ୟମ ପ୍ରତିନିଧିଙ୍କୁ ସୂଚନା ଦେଇଛନ୍ତି |

ଗଣମାଧ୍ୟମ ପ୍ରତିନିଧି ତେଜ ପ୍ରତାପଙ୍କୁ ପଚାରିଥିଲେ ଯେ ତାଙ୍କର ବୈବାହିକ ଜୀବନରେ ଅଶାନ୍ତିର କାରଣ କଣ | ଏହାର ଜବାବରେ ସେ କହିଥିଲେ ଯେ, ଏବେ ଏସବୁ କହିବା ଦରକାର ବୋଲି ସେ ଭାବୁନାହାନ୍ତି | ନଭେମ୍ବର ୨୯ ତାରିଖ ଦିନ କୋର୍ଟ ଆଗରେ ସେ ସମସ୍ତ କଥା କହିବେ |

ପୁଅଠାରୁ ସମସ୍ତ ଘଟଣା ଶୁଣିବାପରେ  ଲାଲୁ ପ୍ରସାଦଙ୍କ ଚିନ୍ତା ଆହୁରି ବଢିଯାଇଛି | ସେ ସକାଳୁ ପୁଅ ଆସିବାକୁ ନେଇ ଅପେକ୍ଷା କରିବସିଥିଲେ | ସେ ସକାଳୁ ୪ଟି ଅଣ୍ଡା ଓ ଦୁଇଟି ଆପଲ ଖାଇଥିଲେ | ଖାଇବା ପରେ ପୁଅର ଆସିବା ବାଟକୁ ଲାଲୁ ଚାହିଁ ବସିଥିଲେ | କିନ୍ତୁ ତେଜ ପ୍ରତାପ ଆସିବାରେ ବିଳମ୍ବ କରିଥିଲେ | ପୁଅକୁ ଜଗି ଜଗି ଲାଲୁ ଦ୍ବିପ୍ରହର ଭୋଜନ କରିପାରିନଥିଲେ | ତେବେ ପୁଅ ଯାଉ ଯାଉ ସନ୍ଧ୍ୟା ହୋଇଯାଇଥିଲା | ସେଥିପାଇଁ ସେ ଆଉ ଖାଇପାରିଲେନାହିଁ | ତାଙ୍କ ସ୍ୱାସ୍ଥ୍ୟବସ୍ଥା ଏବେ ଟିକେ ଭଲ ଅଛି | କିଛି ଦିନ ପୂର୍ବରୁ ସେ ହସ୍ପିଟାଲରୁ ଡିସଚାର୍ଜ ହୋଇ ଜେଲକୁ ଆସିଥିଲେ | ଜେଲରେ ତାଙ୍କୁ ପ୍ରତିଦିନ ଇନସୁଲିନ ଦିଆଯାଏ | ତେବେ ଭୋକରେ ଥିବା ଯୋଗୁଁ ଗତକାଲି ସେ ଇନସୁଲିନ ନେଇନଥିଲେ |

   Related Posts