Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||
  • ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ୧୨ ବିରୋଧି ଦଳ, ମାଗଣା ଟିକା ସହ ବେରୋଜଗାରୀଙ୍କୁ ଭତ୍ତା ଦେବାକୁ ରଖିଲେ ଦାବି
  • ||
  • ପଶ୍ଚିମ ଓଡିଶାରେ କରୋନା ପରିଚାଳନା ଦାୟିତ୍ୱ ନେବ ଡବ୍ଲ୍ୟୁଓଡିସି, ୧୦ ଜିଲ୍ଲାକୁ ଦେଲା ୨୫ କୋଟି ଟଙ୍କା
  • ||
  • ଅମାନିଆଙ୍କୁ ସାବାଡ୍ କରିବାକୁ ଯାଇଥିଲେ, ତହସିଲଦାରଙ୍କୁ ବାଟୁଳି ମାଡ କଲେ ଲୋକେ
  • ||
  • କବର ଦେବାକୁ ଘରେ ନଥିଲେ କେହି ପୁରୁଷ, ପିପିଇ କିଟ୍ ପିନ୍ଧି ମୁସଲିମ୍ ବୃଦ୍ଧଙ୍କ ଶେଷକୃତ୍ୟ ସମ୍ପନ୍ନ କଲେ ବିଡିଓ
  • ||
  • ପୃଥିବୀରେ ହେବ ଉଲକା ବର୍ଷା, ଏହି ଦିନ ଆକାଶରେ ଦେଖିବାକୁ ମିଳିବ ଦୁର୍ଲଭ ଦୃଶ୍ୟ…
  • ||

ଲାଲୁଙ୍କ ଡାକ୍ତର କ୍ଵାରେଣ୍ଟାଇନରେ, ଚିନ୍ତାରେ ତେଜସ୍ଵୀ

28/04/2020 at 10:30 PM

ପାଟନା ୨୮।୦୪: ରାଷ୍ଟ୍ରୀୟ ଜନତା ଦଳ ନେତା ତେଜସ୍ଵୀ ଯାଦବ ମଙ୍ଗଳବାର ନିଜର ପିତା ପୂର୍ବତନ ମୁଖ୍ୟମନ୍ତ୍ରୀ ତଥା ଆରଜେଡି ପ୍ରମୁଖ ଲାଲୁ ପ୍ରସାଦ ଯାଦବଙ୍କ ସ୍ଵାସ୍ଥ୍ୟବସ୍ଥାକୁ ନେଇ ଚିନ୍ତା ପ୍ରକଟ କରିଛନ୍ତି। ସେ କହିଛନ୍ତି, କୋଭିଡ୍-୧୯ ନେଇ ବହୁତ ସମ୍ବେଦନଶୀଳ ଥିଲେ। ସାବଧାନପୂର୍ବକ ନିଜ ପିତାଙ୍କ ଯତ୍ନ ନେବାକୁ ସେ ଅଧିକାରୀଙ୍କୁ ଅପିଲ୍ କରିଛନ୍ତି। କିନ୍ତୁ ତାଙ୍କ ଅପିଲ୍ ପରେ ଲାଲୁଙ୍କ ଚିକିତ୍ସା କରୁଥିବା ଡାକ୍ତର କୋଭିଡ୍-୧୯ ରୋଗୀଙ୍କ ସଂସ୍ପର୍ଶରେ ଆସିବା ପରେ ନିଜକୁ କ୍ଵାରେଣ୍ଟାଇନ୍ କରି ଦେଇଛନ୍ତି।

ଡ. ରମେଶ ପ୍ରସାଦ, ଯିଏ ରାଞ୍ଚିର ରାଜେନ୍ଦ୍ର ଇନଷ୍ଟିଚ୍ୟୁୟଟ୍ସ ଅଫ ମେଡିକାଲ ସାଇନ୍ସ ଆଡମିନିଷ୍ଟ୍ରେସନରେ ଲାଲୁଙ୍କ ଚିକିତ୍ସା କରୁଥିଲେ। କିନ୍ତୁ ଡାକ୍ତର ଏବେ ନିଜର ୟୁନିଟ୍ ସହିତ ସଙ୍ଗରୋଧରେ ଅଛନ୍ତି। ଅନ୍ୟପଟେ ଲାଲୁ ହସ୍ପିଟାଲର ପେଇଙ୍ଗ ଓ୍ଵାର୍ଡରେ ଭର୍ତ୍ତି ଅଛନ୍ତି।

ଗତ ତିନି ସପ୍ତାହରୁ ଚିକିତ୍ସା ବିଭାଗରେ ଭର୍ତ୍ତି ଜଣେ ରୋଗୀ କୋଭିଡ୍ ୧୯ ଚିହ୍ନଟ ହୋଇଛନ୍ତି। ସେ ଡାକ୍ତର ରମେଶ ପ୍ରସାଦଙ୍କ ଦ୍ଵାରା ଚିକିତ୍ସିତ ହେଉଥିଲେ। ଏହା ପରେ ଡାକ୍ତର ଏବେ ନିଜକୁ କ୍ଵାରେଣ୍ଟାଇନ୍ କରିଛନ୍ତି। ଉଲ୍ଲେଖନୀୟ ଲାଲୁ ପ୍ରସାଦଙ୍କ ଚିକିତ୍ସା ମଧ୍ୟ ଏହି ୟୁନିଟ୍‌ରେ ଜାରି ରହିଛି।

ତେଜସ୍ଵୀ ଯାଦବ କହିଛନ୍ତି ଯେ, ଲାଲୁଙ୍କୁ ୭୨ ବର୍ଷ ହୋଇ ଗଲାଣି ଏବଂ ଅନେକ ରୋଗରେ ମଧ୍ୟ ପୀଡିତ। ମୋ ପିତାଙ୍କ ଚିକିତ୍ସା କରୁଥିବା ଡାକ୍ତର କୋଭିଡ୍-୧୯ ରୋଗୀଙ୍କ ସଂସ୍ପର୍ଶରେ ଆସି ନିଜକୁ କ୍ଵାରେଣ୍ଟାଇନ କରିବା ବିଷୟରେ ଜାଣିବା ବାସ୍ତବରେ ମୋ ପାଇଁ ଚିନ୍ତାଜନକ। ୭୨ ବର୍ଷ ବୟସରେ ପୁଣି ଅନେକ ରୋଗରେ ପୀଡିତ  ଜଣେ ବ୍ୟକ୍ତି କେମିତି କରୋନା ସଂକ୍ରମଣ ସମୟରେ ନିଜକୁ ସୁରକ୍ଷିତ ରଖିବେ। ତେଣୁ ଅତ୍ୟନ୍ତ ସାବଧାନ ସହିତ ଲାଲୁଙ୍କ ଯତ୍ନ ନେବା ଉଚିତ୍।

ଉଲ୍ଲେଖନୀୟ ବିହାରରେ ଗୋ ଖାଦ୍ୟ କେଳେଙ୍କାରୀ ମାମଲାରେ ଦୋଷୀ ସାବ୍ୟସ୍ତ ହେବା ପରେ ଜେଲ୍‌ ସଜା କାଟୁଥିବା ଲାଲୁଙ୍କୁ କିଡନୀ ଜନିତ ରୋଗର ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି।

   Related Posts