ମୁମ୍ବାଇ ୨୪/୦୪: ସମଗ୍ର ଦେଶରେ କରୋନାରେ ହାହାକାର ଶୁଭୁଛି । ଏଥି ମଧ୍ୟରେ ଦିଗଜ ଅଭିନେତା ତଥା ଫିଲ୍ମ ନିର୍ମାତା ଲଲିତ ବେହଲଙ୍କ କରୋନାରେ ଦେହାନ୍ତ ହୋଇଛି । ଗତ ସପ୍ତାହରେ ୭୧ ବର୍ଷିୟ ଲଲିତ କୋଭିଡ ୧୯ ରେ ସଂକ୍ରମିତ ହୋଇଥିଲେ ଏବଂ ତାଙ୍କୁ ଆପୋଲୋ ହସ୍ପିଟାଲରେ ଭର୍ତ୍ତି କରାଯାଇଥିଲା ଯେଉଁଠାରେ ସେ ଚିକିତ୍ସିତ ହେଉଥିଲେ । ଗତକାଲି ଶୁକ୍ରବାର ଦିନ ଶେଷ ନିଶ୍ୱାସ ତ୍ୟାଗ କରିଛନ୍ତି । ଲଲିତ ବେହଲଙ୍କ ପୁଅ କାନୁ ବେହଲ ଏହି ସୂଚନା ଦେଇଛନ୍ତି ।

{"width":617,"height":463}

କାନୁ କହିଛନ୍ତି, ‘ଗତକାଲି ଅପରାହ୍ନରେ ତାଙ୍କର ମୃତ୍ୟୁ ଘଟିଛି । ତାଙ୍କର ହୃଦଘାତ ହୋଇଥିଲା ଏବଂ ପରେ କୋଭିଡ ତାଙ୍କ ସମସ୍ୟାକୁ ଆହୁରି ବଢାଇ ଦେଇଥିଲା । ତାଙ୍କ ଫୁସଫୁସରେ ସଂକ୍ରମଣ ହୋଇଥିଲା ଯାହା ଗୁରୁତର ଥିଲା । ତାଙ୍କ ସ୍ୱାସ୍ଥ୍ୟଗତ ଜଟିଳତା ଏହାକୁ ଅଧିକ କଷ୍ଟସାଧ୍ୟ କରିଥିଲା । '

ଲଲିତ ବେହଲ ଥିଏଟରର ଜଣାଶୁଣା ନାମ ଥିଲେ । ସେ ଦୁରଦର୍ଶନରେ ଟେଲିଫିଲ୍ମସ୍ ସିରିଏଲ 'ତାପିଶ', 'ଆତିଶ' ଏବଂ 'ସୁନହେରୀ ଜିଲ୍ଦ'ର ନିର୍ଦ୍ଦେଶନା ଦେଇଥିଲେ । ଏହା ବ୍ୟତୀତ ସେ ସିରିଏଲ 'ଅଫସାନେ'ରେ ଅଭିନୟ କରିଥିଲେ । ନିକଟରେ ଲଲିତ ଫିଲ୍ମ ‘ତିତଲୀ’ ଏବଂ ‘ମୁକ୍ତି ଭବନ’ରେ ନଜର ଆସିଥିଲେ ।  ଲଲିତ ଆମାଜନ ପ୍ରାଇମ ଭିଡିଓରେ ୱେବ୍ ସିରିଜ୍ 'ମେଡ୍ ଇନ୍ ହେଭେନ୍'ରେ ମଧ୍ୟ କାମ କରିଥିଲେ । ତାଙ୍କର ଫିଲ୍ମ 'ଜଜମେଣ୍ଟାଲ୍ ହୈ କ୍ୟା' ୨୦୧୯ ରେ ରିଲିଜ୍ ହୋଇଥିଲା ।

wp:html

Extremely saddened by the demise of one of my dearest and most respected Co-actors, Lalit Behl jee. Who, so brilliantly played the father in @MuktiBhawan! I feel the loss of my father again! Dear Kanu I am so very sorry for your loss! pic.twitter.com/wfbj22yQgd

— Adil hussain (@_AdilHussain) April 23, 2021

/wp:html

ଫିଲ୍ମ ‘ମୁକ୍ତି ଭବନ’ରେ ତାଙ୍କ ସହ କାମ କରିଥିବା ଅଭିନେତା ଆଦିଲ ହୁସେନ୍ ଟ୍ୱିଟରରେ ଶୋକ ବ୍ୟକ୍ତ କରିଛନ୍ତି । ଆଦିଲ ଲେଖିଛନ୍ତି, ‘ମୋର ପ୍ରିୟ ତଥା ସମ୍ମାନିତ ସହ-ଅଭିନେତା ଲଲିତ ବେହଲଙ୍କର ଦେହାନ୍ତ ହୋଇଛି, ଯାହା ଅତ୍ୟନ୍ତ  ଦୁଃଖ ଦାୟକ । ‘ମୁକ୍ତି ଭବନ’ରେ ସେ ଜଣେ ବାପାଙ୍କ ସର୍ବୋତ୍ତମ ଚରିତ୍ରରେ ଅଭିନୟ କରିଥିଲେ । ପୁଣି ଥରେ ଲାଗିଲା ଯେପରି ମୁଁ ମୋ ବାପାଙ୍କୁ ହରାଇଛି ।‘