କଟକ ୧୧।୦୬: କରୋନାକାଳରେ ଲୋକେ ନିଜ ଜୀବନ ବଞ୍ଚାଇବାକୁ ଛଟପଟ ହେଉଥିବା ବେଳେ ଏମିତି ସଙ୍କଟଜନକ ସ୍ଥିତିର ଫାଇଦା ଉଠାଇବାକୁ ପଛାଉ ନାହାନ୍ତି ଲୋକେ। ଅତି ଜରୁରୀ ସମୟକୁ ସେମାନେ ସୁଯୋଗ ଭାବେ ବ୍ୟବହାର କରୁଛନ୍ତି। କେଉଁଠି ନକଲି ରେମଡେସିଭିର ବିକ୍ରି ହେଉଛି ତ କେଉଁଠି ନକଲି ଔଷଧ ଜବତ ହେଉଛି। ଏହି କ୍ରମରେ କଟକ ସହରର କନିକା ଛକ ନିକଟରେ ଥିବା ଏକ ହୋଲସେଲର ଗୋଦାମରୁ ଲକ୍ଷ ଲକ୍ଷ ଟଙ୍କାର ନକଲି କରୋନା ଔଷଧ ଜବତ ହୋଇଛି।
{"id":464644,"sizeSlug":"large","linkDestination":"none"}କଟକ କନିକାଛକ ନିକଟରେ ଥିବା ଏକ ମେଡ଼ିସିନ ହୋଲସେଲର ଗୋଦାମ ଉପରେ ଶୁକ୍ରବାର ଜିଲ୍ଲା ଡ୍ରଗ ବିଭାଗ ଚଢାଉ କରିଛି। ଚଢ଼ାଉରେ ୬୯ ଲକ୍ଷ ଟଙ୍କାର ନକଲି କରୋନା ଔଷଧ ଜବତ କରାଯାଇଛି। ଉତ୍ତରପ୍ରଦେଶର ମାକ୍ସ ରିଲିଫ ହେଲଥ କେୟାର ନାମକ କମ୍ପାନୀରୁ ଏହି ଔଷଧ ଆସୁଥିବା ପ୍ରାରମ୍ଭିକ ତଦନ୍ତରୁ ଜଣା ପଡିଛି। ହୋଲସେଲର ବିରୁଦ୍ଧରେରେ ଡ୍ରଗ ଆଣ୍ଡ କସମେଟିକ ଆଇନ ମୁତାବକ କଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡ୍ରଗ ଇନ୍ସପେକ୍ଟର ଜଗନ୍ନାଥ ମଲ୍ଲିକ ସୂଚନା ଦେଇଛନ୍ତି। ଏହି ଚଢାଉରେ ଜୋନ ୨ର ଇନ୍ସପେକ୍ଟର ସୁଶାନ୍ତ କୁମାର ସାହୁ ଓ ଗ୍ରାମାଞ୍ଚଳ ସୁଜାତା ଆଚାର୍ଯ୍ୟ ସାମିଲ ଥିଲେ।