ସମ୍ବଲପୁର ୩/୯ : ଆସନ୍ତା ଭାଦ୍ରବ ଶୁକ୍ଳ ପଞ୍ଚମୀ, ସେପ୍ଟେମ୍ବର ୧୪ ତାରିଖ ଦିନ ପଶ୍ଚିମ ଓଡିଶାର ଗଣପର୍ବ ନୂଆଖାଇ | ସେଥିପାଇଁ ଆଜି ଲଗ୍ନ ନିର୍ଧାରଣ ହୋଇଛି | ସମ୍ବଲପୁରର ବ୍ରହ୍ମପୁରା ଜଗନ୍ନାଥ ମନ୍ଦିର ଠାରେ ବ୍ରହ୍ମ ମଣ୍ଡପ ପଣ୍ଡିତ ମହାସଭା ଏହି ଲଗ୍ନ ନିର୍ଣ୍ଣୟ କରିଛନ୍ତି | ୧୪ ତାରିଖ ଦିନ ସକାଳ ୮.୧୦ ରୁ ୮.୪୦ ମଧ୍ୟରେ ମା ସମଲେଶ୍ୱରୀଙ୍କ ଠାରେ ନବାନ୍ନ ଲାଗି ହେବ | ସେହି ଅନୁସାରେ ଏହି ସମୟରେ ସମସ୍ତେ ନବାନ୍ନ ଖାଇପାରିବେ | ସୂଚନାଯୋଗ୍ୟ ଯେ, ପଶ୍ଚିମ ଓଡିଶାର ୧୦ ଜିଲ୍ଲାର ପ୍ରାୟ ୨ କୋଟି ଲୋକ ଏକ ସମୟରେ ନବାନ୍ନ ଖାଇବେ |