ଭୁବନେଶ୍ବର ୨୪।୮: ଖାକି ବିରୋଧରେ ଖାକିର ସଙ୍ଗୀନ ଅଭିଯୋଗ । ବିବାହ କରିବାକୁ ପ୍ରତିଶ୍ରୁତି ଦେଇ ଧୋକା ଦେଲେ ସବ୍ ଇନ୍ସପେକ୍ଟର । ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ସବ୍-ଇନ୍ସପେକ୍ଟର ସିଲୁ ଧଳଙ୍କ ବିରୋଧରେ ଏଭଳି ଅଭିଯୋଗ ଆଣିଛନ୍ତି ଜଣେ ମହିଳା ସବ୍-ଇନ୍ସପେକ୍ଟର ।
ମହିଳା ସବ୍-ଇନ୍ସପେକ୍ଟର ଜଣଙ୍କ ଏ ଘଟଣା ନେଇ ଦାରିଙ୍ଗବାଡି ଥାନାରେ ଏତଲା ଦେଇଛନ୍ତି । ଏତଲା ଦେବା ପରେ ଅଭିଯୁକ୍ତ ଖଲ୍ଲିକୋଟ ଥାନା ସବ୍-ଇନ୍ସପେକ୍ଟର ସିଲୁ ଧଳ କେଉଁଆଡେ ଫେରାର ହୋଇ ଯାଇଛନ୍ତି ।
ତେବେ ଫେରାର ଥିବା ଅଭିଯୁକ୍ତ ସିଲୁ ଧଳଙ୍କୁ ଗିରଫ କରିବାକୁ ଦାବି କରିଛନ୍ତି ମହିଳା ସବ୍-ଇନ୍ସପେକ୍ଟର । ସେ ଭୁବନେଶ୍ବର ସ୍ଥିତ DG କ୍ୟାମ୍ପ୍ ଅଫିସକୁ ଆସି ଅଭିଯୋଗ ସିଲୁଙ୍କ ନାଁରେ ସଙ୍ଗୀନ ଅଭିଯୋଗ ଆଣିବା ସହ ଗିରଫ ଦାବି ମଧ୍ୟ କରିଛନ୍ତି ।