Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରୁ ଶିଶୁଙ୍କ ସୁରକ୍ଷା ପାଇଁ କମିଟି ଗଠନ, ସବୁ କୋଭିଡ୍ ହସ୍ପିଟାଲ୍ରେ ହେଲ୍ପ ଡେସ୍କ ବାଧ୍ୟତାମୂଳକ
  • ||
  • ଜଟିଳ ହେବାରେ ଲାଗିଛି ଭୁବନେଶ୍ଵରରେ କରୋନା ସ୍ଥିତି, ଆଜି ୧୩୫୩ ପଜିଟିଭ୍ ଚିହ୍ନଟ
  • ||
  • ଜୁନ ୧୫ ଯାଏଁ ଶ୍ରୀମନ୍ଦିର ବନ୍ଦ, ସଂକ୍ରମଣକୁ ଦୃଷ୍ଟିରେ ରଖି ପ୍ରଶାସନର ବଡ ନିଷ୍ପତ୍ତି
  • ||
  • ଆଜି ସୁସ୍ଥରେ ରେକର୍ଡ, ସୁସ୍ଥ ହୋଇ ଘରକୁ ଫେଲେ ୧୨୦୭୭ ଆକ୍ରାନ୍ତ
  • ||
  • ୧୭ ମେ ସୋମବାର ଖୋଲିବ କେଦାରନାଥ ଧାମ କବାଟ ।। ତୀର୍ଥ ପୁରୋହିତ ସୀମିତ ସଂଖ୍ୟକ ଲୋକଙ୍କ ଉପସ୍ଥିତିରେ ବିଧିବିଧାନ ସହ କବାଟ ଖୋଲିବ ।। ପ୍ରଧାନମନ୍ତ୍ରୀଙ୍କ ପକ୍ଷରୁ ଜନତାଙ୍କ କଲ୍ୟାଣ ନିମନ୍ତେ ହେବ ପ୍ରଥମ ପୂଜା ।।
  • ||
  • ଆଗାମୀ ୩ ଦିନରେ ରାଜ୍ୟକୁ ମିଳିବ ଭ୍ୟାକସିନ୍‌ର ୫୧ ଲକ୍ଷ ଡୋଜ୍‌
  • ||
  • ୨୪ରେ ବଙ୍ଗୋପସାଗରରେ ଲଘୁଚାପ, ନେଇପାରେ ଅବପାତର ରୂପ
  • ||
  • ସଂକ୍ରମଣ ସାମାନ୍ୟ କମିଲା : ଦେଶରେ ୨୪ ଘଣ୍ଟାରେ ୩ ଲକ୍ଷ ୧୧ ହଜାରରୁ ଅଧିକ ପଜିଟିଭ୍, ୪୦୭୭ ମୃତ
  • ||
  • ୧୧ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୧୭୩୨ ପଜିଟିଭ୍
  • ||
  • ରାଜ୍ୟରେ କରୋନା ନେଲା ଆଉ ୧୯ଜଣଙ୍କ ଜୀବନ, ୨୩୧୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ପୋଲିସ ପରିଚୟ ଦେଇ ମହିଳା ଇନ୍ସପେକ୍ଟରଙ୍କ ସ୍ବାମୀ କରୁଥିଲେ ଏଭଳି, ଭାଇରାଲ୍ ହେଲା ଅଡିଓ କ୍ଲିପ୍

23/11/2019 at 10:58 AM

ଭୁବନେଶ୍ବର ୨୩।୧୧: ପୁରୀ ଜିଲ୍ଲାର ଏକ ଥାନାରେ ରହିଥିବା ଜଣେ ମହିଳା ଇନ୍ସପେକ୍ଟରଙ୍କ ସ୍ବାମୀଙ୍କ ଅଡିଓ ଏବେ ସୋସିଆଲ୍‌ ମିଡିଆରେ ଭାଇରାଲ୍‌ ହୋଇଛି । ଏହି ଅଡିଓରୁ ଜଣା ପଡୁଛି ଯେ, ଟଙ୍କା କାରବାର ଉପରେ ମଧ୍ୟସ୍ଥତା କରୁଛନ୍ତି ଇନ୍ସପେକ୍ଟରଙ୍କ ସ୍ବାମୀ । ୨୦ ମିନିଟ୍ ର ରହିଛି ଭିଡିଓ । ନିଜକୁ ଖୋର୍ଦ୍ଧା ଥାନାର ପୋଲିସର ପରିଚୟ ଦେଇ ଇନ୍ସପେକ୍ଟରଙ୍କ ସ୍ବାମୀ ଧମକ ଚମକ ମଧ୍ୟ ଦେଉଛନ୍ତି । ଏହି କଥା ଜଣାପଡିବା ପରେ ପୋଲିସ ଉକ୍ତ ଇନ୍ସପେକ୍ଟରଙ୍କ ସ୍ବାମୀଙ୍କୁ ବାନ୍ଧିବାକୁ ଯୋଜନା କରୁଥିବା ଜଣାପଡିଛି ।


ଅଡିଓରେ ମହିଳା ଇନ୍ସପେକ୍ଟରଙ୍କ ସ୍ବାମୀ କହୁଛନ୍ତି ଯେ, ଦେବାଶିଷ ବାବୁ ମୁଁ ରାଜେଶ ମହାନ୍ତି କହୁଛି ଖୋର୍ଦ୍ଧା ଥାନାରୁ । ଶୁଣ… ମୁଁ ତୁମ ଘର ବିଷୟରେ ସବୁ ଜାଣିଛି । ମୁଁ ତୁମ ଗାଁକୁ ଯାଏ । ତୁମ ଗାଁରେ କାଠ କାମ କରେ ଯେଉଁ ଟୋକା, ତାକୁ ମୋ ନାଁ ପଚାରିବ ସେ କହିବ ମୁଁ କିଏ । ଯେଉଁ ଘଟଣା ବିଷୟରେ ପାପୁ କହିଲା, ମୁଁ ତାକୁ କହିଲି ସେ ପିଲାକୁ ଉଦ୍ଧାର କରି ଆଗ ଘରେ ଛାଡ଼। ତା’ପରେ ପାପୁ ତମ ଘରେ ଛାଡ଼ିଲା। କ’ଣ କେମିତି କରି ପିଲାମାନଙ୍କ ଟଙ୍କା ପଇସା ବିଷୟରେ କଥା ହେବା…। ଯାହାତ ହୋଇଛି ତ ହୋଇଛି । କେମିତି ଆମେ ପିଲାମାନଙ୍କ ଟଙ୍କା କଥା ସେଟେଲ୍‌ ମେଣ୍ଟ କରିବ। ମୁଁ ତୁମ ଶୁଭ ଚିନ୍ତକ ଭାବେ କହୁଛି । ନଟ୍‌ ଏ ପୋଲିସ୍ ଅଫିସ୍‌ର ଭାବେ ତୁମ ମୋବାଇଲ୍‌କୁ ଫୋନ୍‌ କରୁଛି। ସମସ୍ତେ ମୋ ପାଖରେ ବସିଛନ୍ତି କିଛି ବ୍ୟସ୍ତ ହେବାର ନାହିଁ । ତମ ବିଷୟରେ ସବୁ ତଥ୍ୟ ହାସଲ୍‌ କରିଛି । ମୁଁ ଜାଣିଛି ତୁମେ ଆଉଟ୍‌ ଅଫ୍‌ ଷ୍ଟେସନ୍‌ ହେବା ଲୋକ ନୁହଁ । ତମ ବାହାଘର ଭିଡିଓ ବି ପାଖରେ ଅଛି । ତୁମେ ମତେ ସହଯୋଗ କଲେ ମୁଁ ତମକୁ ସହଯୋଗ କରିବି । କ’ଣ କରିବା ମତେ କୁହ । ସେପଟୁ ଦେବାଶିଷ ନାମକ ଜଣେ ବ୍ୟକ୍ତି ରାଜେଶଙ୍କୁ ଖାଲି ଆଜ୍ଞା ସାର୍‌, ହଁ ସାର୍‌ ବୋଲି କହୁଛନ୍ତି ।

ଏହିଭଳି୨୦ ମିନିଟ୍ ଧରି ସେମାନଙ୍କ ମଧ୍ୟରେ ବାର୍ତ୍ତାଳପ ହୋଇଛି । ଏହି ଅଡିଓ ଭାଇରାଲ୍‌ ହେବା ପରେ ଏବେ ଖୋର୍ଦ୍ଧା ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି ।

   Related Posts