ସମ୍ବଲପୁର ୩୦/୯: ଅକ୍ଟୋବର ୨ ଗାନ୍ଧି ଜୟନ୍ତୀରୁ ସାରା ରାଜ୍ୟରେ ଆରମ୍ଭ ହେବାକୁ ଯାଉଛି ମୋ ସରକାର ଯୋଜନା । ବୁର୍ଲା ମେଡିକାଲ୍ ସମେତ ସମ୍ବଲପୁର ଜିଲ୍ଲାମୁଖ୍ୟ ଚିକିତ୍ସାଳୟ ମଧ୍ୟ ଏହି ଯୋଜନାରେ ସାଧାରଣ ରୋଗୀଙ୍କୁ ସୁବିଧା ଯୋଗାଇ ଦିଆଯିବ । ତେବେ ଯୋଜନା ଲାଗୁ ପୂର୍ବରୁ ଏସବୁ ହସ୍ପିଟାଲ ଗୁଡିକର ବାସ୍ତବ ସ୍ଥିତି କିଭଳି ରହିଛି ? କେମିତି ଚାଲିଛି ରୋଗୀ ସେବା , କେତେ ଡାକ୍ତର ଅଛନ୍ତି ଆଉ ଆନୁସଙ୍ଗୀକ ସୁବିଧା ସୁଯୋଗ କଣ ରହିଛି ଏସବୁକୁ ନେଇ ଉଠିଛି ପ୍ରଶ୍ନବାଚୀ।
{"id":164560}
ଲୋକଙ୍କୁ ଉତ୍ତମ ସ୍ବାସ୍ଥ୍ୟ ସେବା ଯୋଗାଇ ଦେବାକୁ ଅନେକ ଯୋଜନା କରୁଛନ୍ତି ସରକାର । କିନ୍ତୁ ମେଡିକାଲ ଗୁଡିକର ବାସ୍ତବ ସ୍ଥିତି ଦେଖିଲେ ସେସବୁ କେବଳ ଘୋଷଣାରେ ହିଁ ରହିଯାଉଛି । ଡାକ୍ତର ଖାନା ପାଇଁ ବଡବଡ କୋଠା ତିଆରି ହେଇଛି କିନ୍ତୁ ଡାକ୍ତରୀ ପଦବୀ ପୂରଣ ହେଉନି ।
{"id":164561}
ରାଜ୍ୟର ଏକ ପ୍ରମୂଖ ମେଡିକାଲ ବୁର୍ଲା ମେଡିକାଲ୍ରେ ୫୭ପ୍ରତିଶତ ବିଶେଷଜ୍ଞ ଡାକ୍ତରୀ ପଦବୀ ଖାଲି ସହ ଜିଲ୍ଲାମୁଖ୍ୟ ଚିକିତ୍ସାଳୟରେ ୭୦ପ୍ରତିଶତ ଡାକ୍ତର ଓ କର୍ମଚାରୀ ପଦବୀ ଖାଲି ପଡିଛି। ସବୁଠୁ ବଡ କଥା ହେଲା ଜିଲ୍ଲା ମୁଖ୍ୟ ଚିକିତ୍ସାଳୟରେ ଗତ ବର୍ଷେ ହେଲା ନିଶ୍ଟେତକ ଡାକ୍ତର ନାହାନ୍ତି । ଫଳରେ ଅସ୍ତ୍ରୋପଚାର ସଂପୂର୍ଣ୍ଣ ଠପ ହୋଇଯାଇଛି । ବାଧ୍ୟ ହୋଇ ରୋଗୀ ମାନେ ଘରୋଇ ନର୍ସିଂହୋମ୍, ପାଥୋ ଲାବ୍ ଉପରେ ନିର୍ଭର କରିବା ସହ ଶୋଷଣର ଶିକାର ହେଉଛନ୍ତି ।
{"id":164562}
ସେପଟେ ସମ୍ବଲପୁର ଜିଲ୍ଲା ମୁଖ୍ୟ ହସ୍ପିଟାଲରେ ମୋଟ ୫୨ଟି ଡାକ୍ତର ପଦବୀ ମଧ୍ୟରୁ ୨୩ଟି ଖାଲି ପଡିଛି। ୬ଜଣ ଡାକ୍ତରଙ୍କୁ ଏଠାରୁ ବଲାଙ୍ଗିର,ବୁର୍ଲା, କୁଚିଣ୍ଡାକୁ ଡେପୁଟେସନ୍ରେ ପଠାଯାଇଛି। ସେହିପରି ୫୬ପ୍ରତିଶତ ଷ୍ଟାଫ୍ ନର୍ସ ପଦବୀ ,୮୦ପ୍ରତିଶତ ପାଥୋଲାବ୍ ଟେକ୍ନିସିଆନ୍ ଓ ଅନ୍ୟାନ ପଦବୀ ଖାଲି ପଡିଛି।
{"id":164563}
ଟେକ୍ନିସିଆନ୍ ଅଭାବରୁ, ଡାକ୍ତରଖାନାରେ ଅଲ୍ଟ୍ରାସାଉଣ୍ଡ,ସ୍କାନିଂ, ରକ୍ତ ପରୀକ୍ଷା ହୋଇପାରୁନି । ଆଉ ଡାକ୍ତର ମାନେ ମେଡିକାଲକୁ ଠିକ୍ ସମୟ୍ରେ ନଆସିବା ରୁ ଦୁରଦୁରାନ୍ତରୁ ଆସୁଥିବା ରୋଗୀ ମାନେ ଡାକ୍ତରଙ୍କୁ ଦିର୍ଘ ସମୟ ଅପେକ୍ଷା କରି ଶେଷରେ ନିରାଶ ହୋଇ ଘରକୁ ଫେରୁଛନ୍ତି । ଏକଥା ନିଜେ ସମ୍ବଲପୁର ସିଡିଏମ୍ଓ ସ୍ବିକାର କରିଛନ୍ତି ।
{"id":164564}
