Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଚୀନ ସହ ଉତ୍ତେଜନା ମଧ୍ୟରେ ସୀମାରେ ସଡକ ନିର୍ମାଣ ଜୋରଦାର କରିବ ଭାରତ, ଲଦାଖକୁ ପଠାଇଲା ୧୫୦୦ ଶ୍ରମିକ

17/06/2020 at 9:52 PM

ନୂଆଦିଲ୍ଲୀ ୧୭।୦୬:  ପୂର୍ବ ଲଦାଖ ସଂଲଗ୍ନ ବାସ୍ତବ ନିୟନ୍ତ୍ରଣ ରେଖା(LAC)ରେ ତୀବ୍ର ଉତ୍ତେଜନା ମଧ୍ୟରେ ଭାରତ ସୀମାରେ ସଡକ ନିର୍ମାଣକୁ ଆହୁରି ଗତିଶୀଳ ଏବଂ ତ୍ଵରାନ୍ଵିତ କରିବାକୁ ନିର୍ଣ୍ଣୟ ନେଇଛି। ସୂତ୍ର ମୁତାବକ ଗୃହ ମନ୍ତ୍ରଣାଳୟରେ ବୁଧବାର ବଡ ବୈଠକ ଅନୁଷ୍ଠିତ ହୋଇଛି। ବୈଠକରେ ବର୍ଡର ରୋଡ୍‌ ଅର୍ଗାନାଇଜେସନ(BRO), ITBP, ଆର୍ମି, CPWD ଓ ଗୃହ ମନ୍ତ୍ରଣାଳୟର ଅଧିକାରୀ ଉପସ୍ଥିତ ଥିଲେ।

ଇଣ୍ଡୋ-ଚାଇନା ବର୍ଡର ରୋଡ୍‌(ICBR)ର ଦ୍ଵିତୀୟ ୨ ଆଧାରରେ ଭାରତ-ଚୀନ ସୀମାରେ ୩୨ଟି ସଡକ ନିର୍ମାଣ ହେବାର ଅଛି। ଗୃହ ମନ୍ତ୍ରଣାଳୟର ସୂତ୍ର ଅନୁଯାୟୀ ଏହି ସଡକ ନିର୍ମାଣକୁ ଆହୁରି ଗତି ଦିଆଯିବ। ଏଥିପାଇଁ ୧୫୦୦ ଶ୍ରମିକଙ୍କୁ ଲେହ-ଲଦାଖ ପଠାଯାଉଛି। କାଲି ମଧ୍ୟ ଗୃହ ମନ୍ତ୍ରଣାଳୟରେ ଭାରତ-ଚୀନ ସୀମା ସୁରକ୍ଷା ପ୍ରସଙ୍ଗରେ ଗୁରୁତ୍ଵପୂର୍ଣ୍ଣ  ବୈଠକ ହେବ।

ଉଲ୍ଲେଖଯୋଗ୍ୟ, ଭାରତ ଓ ଚୀନ ମଧ୍ୟରେ ଉତ୍ତେଜନା ସଂପ୍ରତି ଚରମରେ ରହିଛି। ଦୁଇ ଦେଶର ସୈନିକଙ୍କ ମଧ୍ୟରେ ଗଲଓ୍ଵାନ ଉପତ୍ୟକାରେ ରକ୍ତାକ୍ତ ସଂଘର୍ଷ ଘଟିଛି। ଏଥିରେ ଭାରତର ୨୦ ଜଣ ସୈନିକ ସହିଦ୍‌ ହୋଇଥିବା ବେଳେ ଚୀନର ୪୩ ସୈନିକ ମୃତାହତ ହୋଇଛନ୍ତି।

ଚୀନ ଭାରତ ଉପରେ ଫେଁ ଫେଁ ହେବାର କାରଣ ଭାରତ ଏଲଏସିରେ ଭିତ୍ତିଭୂମି ସୁଦୃଢ କରିବାରେ ଲାଗିଛି। ସୀମାରେ ନିର୍ମାଣ ହେଉଥିବା ସଡକକୁ ନେଇ ଚୀନ ଆପତ୍ତି ପ୍ରକାଶ କରିଛି। ବହୁବାର ଚୀନ ସୈନିକ ନିର୍ମାଣ କାର୍ଯ୍ୟ ରୋକିବାକୁ ଉଦ୍ୟମ କରିଛି। ମାତ୍ର ଚୀନର ବିରୋଧକୁ ଅଣଦେଖା କରି ଭାରତ ସଡକ ନିର୍ମାଣକୁ ଆହୁରି ଗତିଶୀଳ କରିବାକୁ ନିଷ୍ପତ୍ତି ନେଇଛି।

   Related Posts