ଯାଜପୁର ୨୮।୧୦: ଯାଜପୁର ଜିଲ୍ଲା କାଳିଆ ପାଣି ସ୍ଥିତ ବାଲେଶ୍ବର ଆଲଏଜ୍ ଖଣିରେ ଦେଖାଦେଇଛି ଶ୍ରମିକ ଅଶାନ୍ତି । ବକେୟା ଦରମା, ଇପିଏଫ୍ ଓ ବୋନସ୍ ଦାବିରେ ଆନ୍ଦୋଳନକୁ ଓହ୍ଲାଇଛନ୍ତି ଶତାଧିକ ଶ୍ରମିକ । ସୁକିନ୍ଦା ରିଜିଅନ୍ କ୍ରୋମାଇଟ୍ ଖାଦାନ ମଜଦୁର ସଂଘ ନେତୃତ୍ବରେ ଶ୍ରମିକମାନେ ଖଣି କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଛନ୍ତି ।
{"id":352291,"sizeSlug":"large"}ମହାମାରୀ କରୋନା କାଳରେ ଶ୍ରମିକଙ୍କୁ ୬ ମାସ ହେବ ଦରମା ପ୍ରଦାନ କରିନାହାଁନ୍ତି ଖଣି କର୍ତ୍ତୃପକ୍ଷ । ଫଳରେ ଏଭଳି ଜଟିଳ ପରିସ୍ଥିତି ଦେଇ ଶ୍ରମିକଙ୍କ ପରିବାର ପାଇଁ ନାନା ସମସ୍ୟା ଉପୁଜିଛି । ଏଥିସହିତ ଇପିଏଫ୍ ଓ ବୋନସ୍ ପ୍ରଦାନରେ ମଧ୍ୟ ଖଣି କର୍ତ୍ତୃପକ୍ଷ ଅବହେଳା କରିଛନ୍ତି । ଏହାର ସମାଧାନ ପାଇଁ ଶ୍ରମିକମାନେ ବାରମ୍ବାର ଦାବି କରିଥିଲେ ମଧ୍ୟ କୌଣସି ସୁଫଳ ନମିଳିବାରୁ ବାଧ୍ୟ ହୋଇ ଆଜି ଶ୍ରମିକମାନେ ଆନ୍ଦୋଳନକୁ ଓହ୍ଲାଇଛନ୍ତି।