Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଫାଟିଲା ପଲେଟ୍ ପ୍ଲାଣ୍ଟର ଅଏଲ୍ ଟ୍ୟାଙ୍କ୍, ୩୦ ଫୁଟ ଉପରୁ ଖସି ଶ୍ରମିକ ଗୁରୁତର

1/09/2020 at 3:42 PM

ବଡବିଲ ୧।୯: ବଡବିଲ ଉଲିବୁରୁଠାରେ ଥିବା ଶ୍ରୀ ଜଗନ୍ନାଥ ଷ୍ଟିଲ ଆଣ୍ଡ୍ ପାଓ୍ବାର ଲିଃର ପଲେଟ୍ ପ୍ଲାଣ୍ଟରେ ଦୁର୍ଘଟଣା । ଅଏଲ୍ ଟ୍ୟାଙ୍କ୍ ଫାଟିବାରୁ ୩୦ ଫୁଟ ତଳକୁ ଖସିପଡି ଶ୍ରମିକ ଗୁରୁତର ହୋଇଛନ୍ତି । ଗୁରୁତର ଶ୍ରମିକ ହେଉଛନ୍ତି ମାଟକାମବେଡା ଅଞ୍ଚଳର ଜଗଦୀଶ ରାଉତ । ଜଗଦୀଶଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ପ୍ରଥମେ ବଡବିଲ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନିଆଯାଇଥିଲା । ତେବେ ଅବସ୍ଥା ଭଲ ନଥିବାରୁ ପ୍ରାଥମିକ ଚିକିତ୍ସା ପରେ ତାଙ୍କୁ କେନ୍ଦୁଝରକୁ ସ୍ଥାନାନ୍ତର କରାଯାଇଛି ।

ଖବର ଅନୁଯାୟୀ, ଶ୍ରମିକ ଜଗଦୀଶ ରାଉତ ପଲେଟ୍ ପ୍ଲାଣ୍ଟରେ ୩୦ ଫୁଟ ଉଚ୍ଚତାରେ ଥିବା ଏକ ଅଏଲ୍ ଟ୍ୟାଙ୍କ ପାଖରେ ମେଣ୍ଟେନାନ୍ସ କାମ କରୁଥଲେ । ତେବେ ପାଖାପାଖି ୧୨ଟା ସମୟରେ ହଠାତ୍ ଅଏଲ ଟ୍ୟାଙ୍କ୍ ଫାଟିଥିଲା । ଫଳରେ ସେ ୩୦ ଫୁଟ ତଳକୁ ଖସିପଡିଥିଲେ । ଦୁର୍ଘଟଣା ପରେ ଶ୍ରମିକଙ୍କ ମଧ୍ୟରେ ଚାପା ଉତ୍ତେଜନା ପ୍ରକାଶ ପାଇଥିଲା । ସୁରକ୍ଷା ନିୟମ ପ୍ରତି ଦୃଷ୍ଟି ଦିଆଯାଉ ନଥିବା କାରଣରୁ ଏହି ଦୁର୍ଘଟଣା ଘଟିଥିବା କୁହାଯାଉଛି ।

   Related Posts