Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||
  • ଭୁବନେଶ୍ବର : ସାଲିଆ ସାହିରୁ ୫ଶହ ଲିଟରରୁ ଅଧିକ ଦେଶୀ ମଦ ଜବତ, ୯ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୬ ଛୁଇଁଲା ମୃତକଙ୍କ ସଂଖ୍ୟା
  • ||

ରାତାରାତି ଲକ୍ଷପତି ବନିଗଲେ ଶ୍ରମଜୀବୀ, ଖଣିରୁ ପାଇଲେ ୫୦ ଲକ୍ଷର ହୀରା

21/07/2020 at 4:52 PM

ପନ୍ନା ୨୧।୭: କଥାରେ ଅଛି ଭଗବାନ ଯେତେବେଳେ ଦିଅନ୍ତି ଛପର ଫାଡି ଦିଅନ୍ତି । ଦୀର୍ଘ ୬ ମାସ ଧରି ଖଣିରେ ହୀରା ଖୋଜୁଥିବା ଶ୍ରମିକଙ୍କୁ ଶେଷରେ ସଫଳତା ମିଳିଛି । ଖଣିରୁ ଏକ ବଡ ହୀରାଟିଏ ମିଳିଛି । ଏହାପରେ ଯେମିତି ଶ୍ରମିକଙ୍କ ଭାଗ୍ୟ ବଦଳିଯାଇଛି ।

କରୋନା ଭାଇରସ୍ ସଙ୍କଟ ଯୋଗୁଁ ଚାରିଆଡେ ଆର୍ଥିକ ମାନ୍ଦାବାସ୍ତା ଦେଖାଦେଇଛି । ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଏଭଳି ପରିସ୍ଥିତିରେ ପନ୍ନା ଜିଲ୍ଲାର ଜଣେ ସାଧାରଣ ଶ୍ରମିକଙ୍କୁ ହୀରା ଖଣିରୁ ୧୦.୬୯ କ୍ୟାରେଟ୍ ର ହୀରା ମିଳିଛି । ଯାହାର ଅନୁମାନିକ ମୂଲ୍ୟ ୫୦ ଲକ୍ଷ ଟଙ୍କାରୁ ଅଧିକ ହେବ ବୋଲି କୁହାଯାଉଛି ।

ପନ୍ନା ଜିଲ୍ଲାର ଶ୍ରମିକ ଜଣଙ୍କ ରାଣୀପୁର ସ୍ଥିତ ଖଣିରେ ଗତ ୬ ମାସ ହେବ ହୀରା ଖୋଜୁଥିଲେ । ଶେଷରେ ତାଙ୍କୁ ସଫଳତା ମିଳିଛି । ସେ ଏକ ବଡ ହୀରାଟିଏ ପାଇଛନ୍ତି । ଏହାପରେ ଶ୍ରମିକ ଜଣଙ୍କର ଖୁସି ଦ୍ବିଗୁଣିତ ହୋଇଯାଇଛି । ହୀରାଟିକୁ ପାଇବା ପରେ ଶ୍ରମିକ ଏବଂ ତାଙ୍କ ସାଥୀମାନେ ତାହାକୁ ହୀରା କାର୍ଯ୍ୟାଳୟରେ ଜମା କରିଦେଇଛନ୍ତି । ଏହାପରେ ହୀରା କାର୍ଯ୍ୟାଳୟରେ ଦେଖିବା ପାଇଁ ଭିଡ ଜମିଥିଲା । ଏହା ପୂର୍ବରୁ ମଧ୍ୟ ଏହି ଖଣିରୁ ଶ୍ରମିକଙ୍କୁ ହୀରା ମିଳିଛି ।

ସେପଟେ ହୀରା ଅଧିକାରୀଙ୍କ କହିବା ଅନୁସାରେ ଦୀର୍ଘ ସମୟ ପରେ ଏହି ଖଣିରୁ ଏତେ ବଡ ହୀରା ମିଳିଛି । ଯାହାକୁ ବିଧିବଦ୍ଧ ଭାବେ ହୀରା କାର୍ଯ୍ୟାଳୟରେ ଜମା କରିଦିଆଯାଇଛି । ଏହାକୁ ନିଲାମ କରାଯିବ । ହୀରାର ନିଲାମୀ ପରେ ରୟାଲିଟି ଏବଂ ଟ୍ୟାକ୍ସ କଟାଯାଇ ସମସ୍ତ ଅର୍ଥରାଶି ଶ୍ରମିକଙ୍କୁ ଦିଆଯିବ ।

ସୂଚନାଯୋଗ୍ୟ ଯେ, ମଧ୍ୟପ୍ରଦେଶ ପନ୍ନା ଜିଲ୍ଲା ମୂଲ୍ୟବାନ୍ ହୀରା ପାଇଁ ସାରା ବିଶ୍ବରେ ପ୍ରସିଦ୍ଧି ଲାଭ କରିଛି । କଥାରେ କୁହାଯାଏ ଯେ, ବୁନ୍ଦେଲଖଣ୍ଡରେ ରତ୍ନ ପଥର ପୋତି ହୋଇରହିଛି । ଯାହାର ଭାଗ୍ୟ ସାଥ୍ ଦିଏ ସେ ଭାଗ୍ୟଶାଳୀ ହୋଇଥାଏ ।

   Related Posts