ଭୁବନେଶ୍ବର ୨୩।୧୨: ପାଣି ପାଇପ୍ କାମ ବେଳେ ମାଟି ତଳେ ପୋତି ହୋଇଗଲେ ଶ୍ରମିକ । ଘଟଣା ଘଟିଛି ରାଜଧାନୀ ଉପକଣ୍ଠ ଲିଙ୍ଗିପୁର ଜେମାଦେଇପୁରରେ । ଜଣେ ଶ୍ରମିକଙ୍କ ମୃତ୍ୟୁ ହୋଇଛି ।

ସୂଚନାଯୋଗ୍ୟ ଯେ, ପିଏଚଡି ପକ୍ଷରୁ ପାଇପ୍ ଲାଇନ୍ କାମ ଚାଲିଥିବା ବେଳେ ମାଟି ଧସିଯାଇଥିଲା । ଫଳରେ ଜଣେ ଶ୍ରମିକ ମାଟି ତଳେ ପୋତିହୋଇଯାଇଥିଲେ । ତେବେ ଘଟଣାସ୍ଥଳରେ ମୃତ୍ୟୁ ହୋଇଛି । ମୃତ ଶ୍ରମିକଙ୍କୁ ଉଦ୍ଧାର ପାଇଁ ତୁରନ୍ତ ସ୍ଥାନୀୟ ଲୋକେ ଲାଗିପଡିଥିଲେ । ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚିଥିଲା । ଅଗ୍ନିଶମ କର୍ମଚାରୀ ମାଟି ଖୋଳି ଶ୍ରମିକଙ୍କ ମୃତଦେହ ଉଦ୍ଧାର କରିଥିଲେ । ଘଟଣାସ୍ଥଳରେ ଚାପା ଉତ୍ତେଜନା ଦେଖାଦେଇଛି ।