ପାରାଦୀପ ୧।୧୧: ପାରାଦୀପ ବନ୍ଦର ନିଷିଦ୍ଧାଞ୍ଚଳ ଆଇରନ୍ ପ୍ଲଟରେ ଦୁର୍ଘଟଣା ହୋଇଛି। ଜଣେ ଶ୍ରମିକ ଉପରେ ଚଢିଗଲା ଆଇରନ୍ ବୋଝେଇ ଟ୍ରକ୍ । ଘଟଣାସ୍ଥଳରେ ଶ୍ରମିକଙ୍କର ମୄତ୍ୟୁ ହୋଇଛି । ମୃତ ଶ୍ରମିକ ହେଉଛନ୍ତି ୫୮ବର୍ଷ ବୟସ୍କ ଗନ୍ଧର୍ବ ଗୌଡ । ତାଙ୍କ ଘର ଗଞ୍ଜାମ ଅଞ୍ଚଳର ଚାଟମୁଣ୍ଡୁଳି ବୋଲି ଜଣାପଡିଛି।

{"id":177516}

ଗତକାଲି ବିଳମ୍ବିତ ରାତିରେ ବନ୍ଦର ଭିତରେ ଥିବା ଆଇ.ଥ୍ରୀ ଆଇରନ୍ ପ୍ଲଟରେ ଦୁର୍ଘଟଣା ଘଟିଥିବା ସୂଚନା ମିଳିଛି। ଏନେଇ ପାରାଦୀପ ଆଦର୍ଶ ଥାନାରେ ଏତଲା ଦିଆଯିବା ପରେ ପୋଲିସ ଡ୍ରାଇଭରକୁ ଅଟକ ରଖି ତଦନ୍ତ ଆରମ୍ଭ କରିଛି । ତେବେ ଏହି ଶ୍ରମିକ ଏଫସିଆଇ ୟୁନିଅନର ସଭ୍ୟ ଥିବା ଜଣାପଡିଛି। କ୍ଷତି ପୂରଣ ଦାବିରେ ବନ୍ଦର ଭିତରେ ୟୁନିଅନ ପକ୍ଷରୁ କାର୍ଯ୍ୟ ବନ୍ଦ କରାଯାଇଛି।