Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଫ୍ରିଜ୍ ହେଲା ରାଜ କୁନ୍ଦ୍ରାଙ୍କ ବ୍ୟାଙ୍କ ଆକାଉଣ୍ଟ, ସାଥୀଙ୍କ ସମେତ ତାଙ୍କ ଆକାଉଣ୍ଟରୁ ମିଳିଲା ୭.୩୧ କୋଟି ଟଙ୍କା

21/07/2021 at 7:40 PM

ମୁମ୍ବାଇ ୨୧।୭: ପର୍ଣ୍ଣ ଫିଲ୍ମ ମାମଲାର ସଦ୍ୟ ଘଟଣାକ୍ରମରେ ପୋଲିସ ରାଜ କୁନ୍ଦ୍ରା ସମେତ ତାଙ୍କ ସାଥୀଙ୍କ ବ୍ୟାଙ୍କ ଆକାଉଣ୍ଟ ଫ୍ରିଜ୍‌ କରିଛି। ଏହିସବୁ ଆକାଉଣ୍ଟରେ ୭.୩୧ କୋଟି ଟଙ୍କା ଥିବା ଜଣାପଡିଛି। ଯାଞ୍ଚରେ କୁନ୍ଦ୍ରା ଭାରତୀୟ ପର୍ଣ୍ଣ ଫିଲ୍ମ ଇଣ୍ଡଷ୍ଟ୍ରିକୁ ବଲିଉଡ ଭଳି ବିଶାଳ ଆକାର ଦେବା ଯୋଜନାରେ ଥିଲେ ବୋଲି ଜଣାପଡିଛି। ତେବେ କୁନ୍ଦ୍ରାଙ୍କ କାରବାରରେ ତାଙ୍କ ପତ୍ନୀ ତଥା ବଲିଉଡ ସେଲିବ୍ରିଟି ଶିଳ୍ପା ସେଟ୍ଟୀଙ୍କ ସେଭଳି ସକ୍ରିୟ ଭୂମିକା ଥିବାର କୌଣସି ସ୍ପଷ୍ଟ ତଥ୍ୟ ଏପର୍ଯ୍ୟନ୍ତ ସାମ୍ନାକୁ ଆସି ନାହିଁ।  ଏହି ମାମଲାର ଯାଞ୍ଚ ଏବେବି ଜାରି ରହିଛି।

ଏପିରି ବି ଖବର ଆସୁଛି ମୁମ୍ବାଇ କ୍ରାଇମବ୍ରାଞ୍ଚ ପୋଲିସକୁ ହଟ୍‌ସଟ୍‌ ମୋବାଇଲ ଆପ୍‌ରେ ଥିବା କୁନ୍ଦ୍ରାଙ୍କ ଆକାଉଣ୍ଟରୁ ବ୍ୟାଙ୍କ ଟ୍ରାନ୍ସଫରର ସନ୍ଧାନ ମିଳିଛି। ଜାନୁୟାରୀ ୨୦୨୧ରେ ଏହି ଆକାଉଣ୍ଟକୁ ଶେଷ ନେଣଦେଣ ହୋଇଥିଲା। ଏବେ ମୋବାଇଲ ଆପ୍‌ ଖାତା ଚଳାଉଥିବା ଅଭିନେତ୍ରୀ ମଧ୍ୟ ପୋଲିସ ହାଜତରେ ଅଛନ୍ତି। ଆପ୍‌ ଏବେ ମୋବାଇଲ ପ୍ଲାଟଫର୍ମରୁ ହଟି ସାରିଛି। ତେବେ କୁନ୍ଦ୍ରା ୨୦୧୯ରେ ହଟସଟ୍‌ କୁ ୨୫ ହଜାର ଡଲାରରେ ବିକି ଦେଇଥିବାର କହୁଛନ୍ତି।

ତେବେ ପୋଲିସ ଯେଉଁ ସବୁ ଆକାଉଣ୍ଟ ଫ୍ରିଜ କରିଛି ଏଥିରେ ୟାସ୍ମିନ ଓରଫ ରୋବା ଖାନଙ୍କ  ‘ହଟ୍ ହିଟ୍’ ଆପ୍‌ ଆକାଉଣ୍ଟରେ ୩୪.୯୦ଲକ୍ଷ ଟଙ୍କା, ଦୀପାଙ୍କର ପି.ଖସନଭିସ୍‌ଙ୍କ ୨ଟି ଆକାଉଣ୍ଟରେ ୩୭ ଲକ୍ଷ ଟଙ୍କା, ଉମେସ କାମତର ୨ଟି ବ୍ୟାଙ୍କ ଆକାଉଣ୍ଟରୁ ୬ ହଜାର ଟଙ୍କା, ତନବୀର ହାସ୍ମୀଙ୍କ ୨ଟି ବ୍ୟାଙ୍କ ଆକାଉଣ୍ଟରେ ପାଖାପାଖି ୬ଲକ୍ଷ ଟଙ୍କା, ଅରବିନ୍ଦ କୁମାର ଶ୍ରୀବାସ୍ତବଙ୍କ ଖାତାରେ ୧.୮୧କୋଟି ଟଙ୍କା, କାନପୁରରେ ହର୍ଷିତା ଶ୍ରୀବାସ୍ତବଙ୍କ ବ୍ୟାଙ୍କ ଖାତାରେ ୨.୩୨ କୋଟି ଟଙ୍କା,ନର୍ମଦା ଶ୍ରୀବାସ୍ତବଙ୍କ ବ୍ୟାଙ୍କ ଖାତାରେ ୫.୫୯ ଲକ୍ଷ ଟଙ୍କା ଫ୍ରିଜ କରିଦିଆଯାଇଛି। ସେହିପରି ଫ୍ଲିଜ୍‌ ମୁଭିଜ ଓପିସି ପ୍ରାଇଭେଟ ଲିମିଟେଡ ଭୋପାଲଙ୍କ ବ୍ୟାଙ୍କ ଖାତାରେ ୩୦.୮୭ ଲକ୍ଷ ଟଙ୍କା, ସେହିପରି ଏହି ବ୍ୟାଙ୍କରେ କମ୍ପାନୀର ୧.୨୮ କୋଟି ଟଙ୍କାର ଫିକ୍ସ ଡିପୋଜିଟ ଓ କମ୍ପାନୀର ମିରଟରେ ଥିବା ବ୍ୟାଙ୍କ ଆକାଉଣ୍ଟରେ ୭୩.୮୭ଲକ୍ଷ ଟଙ୍କା ଫ୍ରିଜ କରାଯାଇଛି।

   Related Posts