ମୁଜାଫରପୁର ୧୧/୨- ବିହାର ମୁଜାଫରପୁରରେ ପୁଣି ଏକ ବାଳିକା ଗୃହ ନିର୍ଯ୍ୟାତନା ଘଟଣା । ଉଭୟ ମାଲିକ ଓ ମାଲିକାଣୀ ଏହି ନିର୍ଯ୍ୟାତନାରେ ସାମିଲ ।
ଏହିଭଳି ନିନ୍ଦନୀୟ ଘଟଣା ଘଟିଛି ମୁଜାଫରପୁର କୁନ୍ଦନ କୁଟୀର ବାଳିକା ଗୃହରେ । ବାଳିକାମାନଙ୍କୁ ଖାଇବା-ପିଇବାରେ ଅସୁବିଧା କରିବା ସହ ଯୌନ ନିର୍ଯ୍ୟାତନା ଦେବା ଘଟଣାର ଫର୍ଦ୍ଦାଫାଶ କରିଛି ପୋଲିସ । ଏହି ଘଟଣାର ମୁଖ୍ୟ ଅଭିଯୁକ୍ତ ଓମପ୍ରକାଶ ଓ ତାଙ୍କ ସ୍ତ୍ରୀକୁ ପୋଲିସ ଗିରଫ କରିଛି ।
ବାଳିକା ଗୃହରେ ବାଳିକାମାନଙ୍କୁ ବିଭିନ୍ନ ସମୟରେ ମାଲିକାଣୀ ମଦ ପିଇ ପିଟୁଥିବା କଥା ମଧ୍ୟ ପଦାକୁ ଆସିଛି । ମାଲିକାଣୀ ଅନେକ ସମୟରେ ଅନ୍ତେବାସୀମାନଙ୍କୁ ମାରପିଟ କରିବା ସହ ନିର୍ଯ୍ୟାତନା ଦେଉଥିବା କଥା ପୋଲିସ ଆଗରେ ପ୍ରକାଶ କରିଛନ୍ତି । କେବଳ ସେତିକି ନୁହେଁ ମାଲିକ ଓମପ୍ରକାଶ ମଧ୍ୟ ଅନ୍ତେବାସୀ ବାଳିକାମାନଙ୍କୁ ଶାରୀରିକ ,ମାନସିକ ତଥା ଯୌନ ନିର୍ଯ୍ୟାତନା ଦେଉଥିବା କଥା ଜଣାଯାଇଛି ।
ଏହି ଘଟଣାରେ ପରେ ଜିଲ୍ଲା ମାଜିଷ୍ଟ୍ରେଟଙ୍କ ତତ୍ତ୍ଵାବଧାନରେ ସେମାନଙ୍କ ବୟାନ ରେକଡ଼ିଂ କରାଯାଇଥିଲା । ଏହି ସମୟରେ ବାଳିକାମାନେ ମାଲିକ ଶାରୀରିକ ସଂପର୍କ ରଖିବାକୁ ବାଧ୍ୟ କରୁଥିଲେ ବୋଲି ଅଭିଯୋଗ ଆଣିଛନ୍ତି । ଏପରିକି ଜଣେ ବାଳିକା ଗର୍ଭବତୀ ହେବା କଥା ଜଣାପଡ଼ିଥିଲା ।
ଏହି ଘଟଣାରେ ଉଭୟ ମାଲିକ ଓ ମାଲିକାଣୀଙ୍କୁ ପୋଲିସ ଗିରଫ କରିବା ସହ ବାଳିକା ଗୃହକୁ ସିଜ୍ କରିଛି ।