ନୂଆଦିଲ୍ଲୀ, ୧୯|୧୦: ପ୍ରସିଦ୍ଧ ହିନ୍ଦୀ ଲେଖକ ତଥା କବି କୁମାର ବିଶ୍ୱାସଙ୍କ ପାଇଁ ଏକ ଖୁସି ଖବର । ଗାଜିଆବାଦ ପୋଲିସ କୁମାରଙ୍କର ଚୋରି ହୋଇଥିବା କାରକୁ ଠାବ କରିବାରେ ସଫଳ ହୋଇଛି । ଏହି କାରଟି କୁମାରଙ୍କ ଗାଜିଆବାଦସ୍ଥିତ ବାସଭବନରୁ ଫେବ୍ରୁଆରୀ ୧୫, ୨୦୧୯ରେ ଚୋରି ହୋଇଯାଇଥିଲା ।
ପୋଲିସ ୪ଜଣଙ୍କୁ ଗିରଫ କରିବା ପରେ କାରକୁ ଠାବ କରିବାରେ ସଫଳ ହୋଇଥିଲା । ଏହି କାର୍ ଚୋରମାନେ କୁମାରଙ୍କ ବିଳାସପୂର୍ଣ୍ଣ ଫର୍ଚ୍ୟୁନର କାରକୁ ଚୋରି କରିନେଇଥିଲେ ।
wp:html/wp:html“चौर्यकला विशारद” श्रीमान कामिल उर्फ आमिर,मो०कल्लू उर्फ मोमीन,काला उर्फ आरिफ व नसीबो उर्फ नसीबुद्दीन द्वारा आठ माह पहले मेरे द्वार पर प्रदर्शित चौर्यकौशल पर @Uppolice के खोजी-प्रयास भारी पड़े?! अनेक वाहनों के साथ-साथ यह रथ भी बरामद करने के लिए @ipsnaithani व उनकी टीम का आभार??? https://t.co/HSceEJhI0u
— Dr Kumar Vishvas (@DrKumarVishwas) October 19, 2020
ଗାଜିଆବାଦ ପୋଲିସର କହିବାନୁସାରେ, ଗିରଫ ଅଭିଯୁକ୍ତମାନେ ହେଲେ ମହମ୍ମଦ କାଲୁ, କାଲା, କାମିଲ ଓ ନସିବୁଦ୍ଦୀନ । ସେମାନେ କାରର ଚେସିସ୍ ନମ୍ବରକୁ ମଧ୍ୟ ବଦଳାଇ ଦେଇଥିଲେ । ଏହାସହ ଚୋରି କାରକୁ ବିକ୍ରି କରିବାକୁ ମଧ୍ୟ ବସିଥିଲେ ।
କୁମାର ବିଶ୍ୱାସଙ୍କ କାର ସହ ପୋଲିସ ଆଉ ଏକ ଫର୍ଚ୍ୟୁନର ଓ ଏକ ମାରୁତି ସୁଜୁକି ଡିଜାୟାର ମଧ୍ୟ ଜବତ କରିଛି । ଏହାସହ ଏକ ଦେଶୀ ବନ୍ଧୁକ ମଧ୍ୟ ଜବତ ହୋଇଛି । ଗଣମାଧ୍ୟମକୁ ସୂଚନା ଦେଇ ଗାଜିଆବାଦ ଏସପି କଳାନିଧି ନଇତାନୀ କହିଛନ୍ତି ଯେ, ଗିରଫ ଅଭିଯୁକ୍ତମାନେ ଗାଡିର ଚେସିସ୍, ରେଜିଷ୍ଟ୍ରେସନ ଓ ଇଞ୍ଜିନ ନମ୍ବର ବଦଳାଇ ଦେଇଥିଲେ । ସେମାନେ ଅତି ଚତୁରତାର ସହ ମାତ୍ର ୫ରୁ ୭ ମିନିଟରେ କାର୍ ଚୋରି କରି ନେଉଥିଲେ ବୋଲି ଏସପି ସୂଚନା ଦେଇଛନ୍ତି ।