Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • JEE ମେନ୍ ରେଜଲ୍ଟ ପ୍ରକାଶିତ
  • ||
  • ଦେଶର ୪ଟି ସ୍ଥାନରେ ପ୍ରତିଷ୍ଠା ହେବ ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ, ଭୁବନେଶ୍ଵରରେ ପ୍ରତିଷ୍ଠା କରିବାକୁ ସ୍ଵାସ୍ଥ୍ୟ ମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର
  • ||
  • ବଦଳିଲେ ପୋଲିସ କମିଶନର, ସୁଧାଂଶୁଙ୍କ ଜାଗା ନେଲେ ସୌମେନ୍ଦ୍ର ପ୍ରିୟଦର୍ଶୀ
  • ||
  • ବ୍ରହ୍ମପୁର : ଜମିଜମା ବିବାଦରୁ ବିଧବା ମହିଳାଙ୍କୁ ବୀଭତ୍ସ ହତ୍ୟା
  • ||
  • କଟକ : SCBରେ ମହିଳା ରୋଗୀଙ୍କ ଉପରେ ଖସିପଡିଲା ଫ୍ୟାନ୍, ଆଇସିୟୁରେ ଭର୍ତ୍ତି
  • ||
  • ଭୁବନେଶ୍ବର : ଆନ୍ତର୍ଜାତୀୟ ମହିଳା ଦିବସରେ ବିଜେଡିର ମହିଳା ସମାବେଶ, ମୁଖ୍ୟମନ୍ତ୍ରୀ କହିଲେ ମା’ମାନେ ଆଜନ୍ମ ନେତ୍ରୀ
  • ||
  • ଭୁବନେଶ୍ବର : ଗଠନ ହେଲା ୯ଜଣିଆ ଟାସ୍କ ଫୋର୍ସ, ଆୟତ୍ତ କରିବେ ନିଆଁ
  • ||
  • ବଲାଙ୍ଗିର : ରକ୍ତ ପାଇଁ ଗଲା ଜୀବନ ! ରୋଗୀ ମୃତ୍ୟୁକୁ ନେଇ ମେଡିକାଲରେ ଉତ୍ତେଜନା
  • ||
  • ସମ୍ବଲପୁର : ଜଙ୍ଗଲକୁ ଗଲେ ଠିକଣା ରଖିବ ବନ ବିଭାଗ, ନିଆଁ ଲଗାଇଥିବା ବ୍ୟକ୍ତିଙ୍କ ସମ୍ପର୍କରେ ସୂଚନା ଦେଲେ ମିଳିବ ୫ହଜାର
  • ||
  • ସୁନ୍ଦରଗଡ : ବାଲି ଗଦାରୁ ମହିଳାଙ୍କ ମୃତଦେହ ଉଦ୍ଧାର, ହତ୍ୟା କରି ଫିଙ୍ଗି ଦେଇଥିବା ସନ୍ଦେହ
  • ||

ଉନ୍ନାଓ ଦୁଷ୍କର୍ମ ମାମଲା: କୁଲଦୀପକୁ ୧୦ ବର୍ଷ ଜେଲ୍‌ଦଣ୍ଡ

13/03/2020 at 1:12 PM

ଲକ୍ଷ୍ନୌ୧୩।୩: ଉନ୍ନାଓ ଦୁଷ୍କର୍ମ ପୀଡିତାଙ୍କ ବାପାଙ୍କ ହତ୍ୟା ମାମଲାରେ ବିଜେପିର ପୂର୍ବତନ ବିଧାୟକ କୁଲଦୀପ ସେନଗରଙ୍କ ସହିତ ୭ ଜଣ ଦୋଷୀଙ୍କୁ ୧୦ ବର୍ଷର ଜେଲଦଣ୍ଡ ମିଳିଲା। ଦିଲ୍ଲୀର ତିସହଜାରୀ କୋର୍ଟ ଏହି ମାମଲାର ଶୁଣାଣି କରିଥିବା ବେଳେ ଦୋଷୀଙ୍କ ଉପରେ ୧୦ ଲକ୍ଷ ଟଙ୍କା ଲେଖାଏଁ ଜରିମାନା ଲଗାଇଛନ୍ତି। କୋର୍ଟ ଜରିମନା ଅର୍ଥକୁ ପୀଡିତାଙ୍କୁ ଦେବାକୁ ନିର୍ଦେଶ ଦେଇଛନ୍ତି।  ଦଣ୍ଡ ପାଇଥିବା ଦୋଷୀଙ୍କ ଭିତରେ ଉତ୍ତର ପ୍ରଦେଶ ପୋଲିସର ଦୁଇ ଅଧିକାରୀ ମଧ୍ୟ ସାମିଲ ଅଛନ୍ତି। ଗତକାଲି କୁଲଦୀପ କହିଥିଲା ଯେ, ହତ୍ୟାରେ ତାର କିଛି ସଂପୃକ୍ତି ନାହିଁ। ଯଦି ସେ ଦୋଷୀ ତାର ଆଖିରେ ଏସିଡ୍ ଢ଼ାଳି ମାରି ଦିଅ। ତାଙ୍କୁ ୧୦ ବର୍ଷା ଜେଲ୍‌ଦଣ୍ଡ ଦିଅ ନାହିଁ ବୋଲି କୁଲଦୀପ କହିଥିଲା।

ସିବିଆଇ ଏହି ମାମଲାରେ ଦୋଷୀଙ୍କୁ ଅଧିକ ଦିନର ସଜା ଦେବାର ଦାବି କରିଥିଲେ। ଏହାଦ୍ବାରା ପ୍ରଥମେ ଉନ୍ନାଓ ଦୁଷ୍କର୍ମ ମାମଲାରେ ସ୍ବତନ୍ତ୍ର କୋର୍ଟ ବିଜେପିରୁ ନିଷ୍କାଷିତ ପୂର୍ବତନ ବିଧାକୟ କୁଲଦୀପ ସିଂ ସେନଗରଙ୍କୁ ଆଜିବନ ଦଣ୍ଡାଦେଶ ଶୁଣାଇଛନ୍ତି। ଏହା ଦ୍ବିତୀୟ ଏଫଆଇଆର ଥିଲା, ଯେଉଁଥିରେ କୋର୍ଟ ଆଜି  ସଜା ଶୁଣାଇଛନ୍ତି।ଉଲ୍ଲେଖନୀୟ ଯେ, ପୀଡିତାଙ୍କ ବାପା ନିଜର ଜଣେ ସାଙ୍ଗ ସହିତ ଗାଁକୁ ଫେରୁଥିଲେ। ଏହି ସମୟରେ ଶଶି ପ୍ରତାପ ସିଂ ନାମକ ଜଣେ ବ୍ୟକ୍ତି ତାଙ୍କୁ ଲିଫ୍ଟ ମାଗିଥିଲେ, କିନ୍ତୁ ସେ ମନା କରିଦେଇଥିଲେ। ଏହାକୁ ନେଇ ଦୁଇ ପକ୍ଷ ମଧ୍ୟରେ ବିବାଦ ଆରମ୍ଭ ହୋଇଥିଲା। ଏହାପରେ ସିଂ ନିଜର ସାଥୀଙ୍କୁ ଡାକାଇଥିଲେ, ଯେଉଁଥିରେ ସେନଗରଙ୍କ ଭାଇ ଅତୁଲ ମଧ୍ୟ ଥିଲେ।

ଏହି ଲୋକମାନେ ପୀଡିତାଙ୍କ ବାପାଙ୍କୁ ଖୁବ୍ ମାଡ ମାରିଥିଲେ। ଏହାପରେ ଗୁରୁବାର ଆହତ ହେବାପରେ ତାଙ୍କୁ ହସ୍ପିଟାଲ ନେବା ବଦଳରେ ପୋଲିସ ଷ୍ଟେସନ୍ ନେଇି ଯାଇଥିଲେ ଓ ୨ ଦିନ ପରେ ପୋଲିସ କଷ୍ଟଡିରେ ତାଙ୍କର ମୃତ୍ୟୁ ହୋଇଥିଲା। ପୀଡିତାଙ୍କ ବାପାଙ୍କର ମୃତ୍ୟୁ ୯ ଅପ୍ରେଲ ୨୦୧୮ରେ ପୋଲିସ କଷ୍ଟଡିରେ ହୋଇଥିଲା।

ଏବେ କାର ଆକ୍ସିଡେଣ୍ଟରେ ପୀଡିତାଙ୍କ ପରିବାର ଲୋକଙ୍କର ମୃତ୍ୟୁ ସମ୍ପର୍କିତ ଦୁଇଟି ଏଫଆଇଆର ଉପରେ କୋର୍ଟଙ୍କ ରାୟ ଆସିବା ବାକି ରହିଛି। ଏହା ପୂର୍ବରୁ ଦୁଷ୍କର୍ମ ଅଭିଯୋଗରେ ତିସ ହଜାରୀ କୋର୍ଟ କୁଲଦୀପ ସେନଗରଙ୍କୁ ଦୋଷୀ ମାନିଥିଲା ଓ ୨୦ ଡିସେମ୍ବର ୨୦୧୯ରେ ଦଣ୍ଡାଦେଶ ଘୋଷଣା କରି ସେନଗରଙ୍କୁ ଆଜୀବନ ଦଣ୍ଡାଦେଶ ଶୁଣାଇଥିଲେ। ଏହା ସହିତ ସେନଗରଙ୍କ ଉପରେ ୨୫ ଲକ୍ଷ ଟଙ୍କା ଜରିମନା ଲଗାଇଥିଲେ। ବିନା ଦୋଷରେ ଗିରଫ କରାଯାଇ ଜେଲରେ ରଖି ତାଙ୍କୁ ହତ୍ୟା କରାଯାଇଥିଲା।

ଏହି ମାମଲାରେ କୁଲଦୀପ ସେନଗର, ତତ୍କାଳୀନ ମାଖି ଥାନର ସବ ଇନ୍ସପେକ୍ଟର କାମତା ପ୍ରସାଦ, ତତ୍କାଳୀନ ମାଖି ଥାନାର SHO ଅଶୋକ ପ୍ରସାଦ ସିଂ ଭଦୋରିୟା, ଭିନିତ ମିଶ୍ର ଓରଫ୍ ବିନୟ ମିଶ୍ର, ବିରେନ୍ଦ୍ର ସିଂ ଓରଫ୍ ବଉଭା ସିଂ, ଶଶି ପ୍ରତାପ ସିଂ ଓରଫ ସୁମନ ସିଂ ଓ ଜୟଦ୍ବୀପ ସିଂ ଓରଫ୍ ଅତୁଲ ସିଂ। ଏହି ସମସ୍ତଙ୍କୁ ୧୦ ବର୍ଷର ଜେଲଦଣ୍ଡ ଓ ୧୦ ଲକ୍ଷ ଟଙ୍କା ଲେଖାଏଁର ଜରିମାନା ଲଗାଯାଇଛି।

   Related Posts