Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||
  • ଜି.ଉଦୟଗିରି : ଭାରସାମ୍ୟ ହରାଇ ବାଇକ୍ ଦୁର୍ଘଟଣା : ଜଣେ ମୃତ, ୨ ଗୁରୁତର
  • ||
  • କଣ୍ଟାବାଞ୍ଝି : ରେଳ ଷ୍ଟେସନରୁ ୭୪ ଜଣ ଦାଦନ ଶ୍ରମିକ ଉଦ୍ଧାର, ସର୍ଦାର ଫେରାର
  • ||

କୁଲଭୁଷଣ ଯାଦବ ମାମଲାରେ ଓଲଟିଲା ଖେଳ, ବେକ ଫୁଟରେ ପାକିସ୍ତାନ, ଭାରତର ପଲ୍ଲା ହେଲା ଭାରି

31/12/2018 at 1:18 PM

ଦିଲ୍ଲୀ ୩୧/୧୨ : କୁଲଭୁଷଣ ଯାଦବ ମାମଲାରେ ପାକିସ୍ତାନ ଭାରତର ଦାବି ସପକ୍ଷରେ ଯିବକି ? ନିକଟରେ ଆନ୍ତର୍ଜାତିକ ସ୍ତରରେ ଘଟିଥିବା କିଛି ଘଟଣାରୁ ଏଭଳି ହୃଦବୋଧ ହେଉଛି । କୁଳଭୁଷଣ ମାମଲାରେ ଇଣ୍ଟରନ୍ୟାସନାଲ କୋର୍ଟ ଅଫ ଜଷ୍ଟିସରେ ଭାରତ ଯେଉଁ ମାମଲାର ରାୟକୁ ଉଦାହରଣ ଆକାରରେ ଉପସ୍ଥାପନ କରିଥିଲା , ସେହି ମାମଲାକୁ ଜାତିସଂଘରେ ପାକିସ୍ତାନ ସମର୍ଥନ କରିଥିବାରୁ ଏଭଳି ଧାରଣା ସୃଷ୍ଟି ହୋଇଛି ।

ଭାରତୀୟ ନାଗରିକ କୁଲଭୁଷଣ ଯାଦବଙ୍କୁ ଗୁଇନ୍ଦାଗିରି ଅଭିଯୋଗରେ ପାକିସ୍ତାନ ମୃତ୍ୟୁ ଦଣ୍ଡର ଆଦେଶ ଦେଇଛି | ଏହା ବିରୋଧରେ ଭାରତ ଇଣ୍ଟରନ୍ୟାସନାଲ କୋର୍ଟ ଅଫ ଜଷ୍ଟିସରେ ଆବେଦନ କରିଛି । କୁଳଭୁଷଣଙ୍କୁ ରାଜନୈତିକ ସହଯୋଗ ପାଇଁ ବାରଣ କରାଯାଇଛି ବୋଲି ଇଣ୍ଟରନ୍ୟାସନାଲ କୋର୍ଟ ଅଫ ଜଷ୍ଟିସରେ ଭାରତ ଅଭିଯୋଗ କରିଛି । ଏହି ଆବେଦନରେ ୨୦୦୪ ମସିହାରେ  ଅବୀନା ଏବଂ ଆଉ କେତେକ ମେକ୍ସିକନ ନାଗରିକଙ୍କୁ ରାଜନୈତିକ ସହଯୋଗ ଦିଆନଯିବା ନେଇ ଆମେରିକା ବିରୋଧରେ ଇଣ୍ଟରନ୍ୟାସନାଲ କୋର୍ଟ ଅଫ ଜଷ୍ଟିସ ଦେଇଥିବା ରାୟକୁ ଉଦାହରଣ ଆକାରରେ ଉପସ୍ଥାପନ କରାଯାଇଛି । ଏହି ମାମଲାରେ ଆମେରିକା ଭିଆନା ଚୁକ୍ତି ଉଲ୍ଲଂଘନ କରିଥିବା ପ୍ରମାଣିତ ହୋଇଥିଲା | ମାମଲାରେ ମୃତ୍ୟୁଦଣ୍ଡ ପାଇଥିବା ମେକ୍ସିକୋ ନାଗରିକଙ୍କୁ ମେକ୍ସିକୋର ରାଜନୈତିକ ସହଯୋଗ ଉପଲବ୍ଧ କରାଯାଇନାହିଁ | ତେଣୁ ଜାତିସଂଘରେ ଗତ ସପ୍ତାହରେ ଇଣ୍ଟରନ୍ୟାସନାଲ କୋର୍ଟ ଅଫ ଜଷ୍ଟିସର ଅବୀନା ଜଜମେଣ୍ଟକୁ ସମ୍ପୂର୍ଣ ଭାବେ ତଥା ତତ୍କାଳ ଲାଗୁକରିବା ପାଇଁ ଭାରତ ସମେତ ୬୮ ଦେଶ ଭୋଟ ଦେଇଥିଲେ । ଏଥିରେ ପାକିସ୍ତାନ ମଧ୍ୟ ସାମଲ ଅଛି । ଇଣ୍ଟରନ୍ୟାସନାଲ କୋର୍ଟ ଅଫ ଜଷ୍ଟିସଙ୍କ ଏହି ରାୟକୁ ପାକିସ୍ତାନ ସମର୍ଥନ କରୁଥିବାରୁ ଇଣ୍ଟରନ୍ୟାସନାଲ କୋର୍ଟ ଅଫ ଜଷ୍ଟିସରେ ଭାରତର ସମାନ ମାମଲା ରହିଥିବାରୁ ପାକିସ୍ତାନ ଏବେ ବେକ୍‌ ଫୁଟରେ ବୋଲି ବିଚାର କରାଯାଉଛି ।

ସୂଚନାଯୋଗ୍ୟ ଯେ, ଆଇସିଜେ ଜାତିସଂଘର ମୁଖ୍ୟ ନ୍ୟାୟିକ ଶାଖା | ୨୦୧୯ ଫେବୃଆରୀ ମାସରେ ଆଇସିଜିରେ କୁଲଭୁଷଣ ଯାଦବ ମାମଲାର ଶୁଣାଣି ଅଛି | ପାକିସ୍ତାନ କୁଲଭୁଷଣଙ୍କୁ ମୃତ୍ୟୁ ଦଣ୍ଡାଦେଶ ଜାରି କରିଛି | ତେବେ ଆଇସିଜେ କୁଲଭୁଷଣଙ୍କ ସମ୍ପର୍କରେ ଚୂଡାନ୍ତ ରାୟ ଦେବା ପୂର୍ବରୁ ପାକିସ୍ତାନ ତାଙ୍କର ମୃତ୍ୟୁ ଦଣ୍ଡାଦେଶ ଉପରେ ସ୍ଥଗିତାଦେଶ ଜାରି କରିଛି | ସୂଚନା ଅନୁସାରେ ଭାରତ ଆଇସିଜେଙ୍କ ଅବୀନା ଜଜମେଣ୍ଟ ସପକ୍ଷରେ ପାକିସ୍ତାନର ଭୋଟ ପ୍ରସଂଗ ଅଦାଲତରେ ଉଠାଇବ |

   Related Posts