Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ଓଡିଶାରେ ପୁଞ୍ଜି ବିନିଯୋଗ କରିବ କୋରିଆ : ମୁଖ୍ୟମନ୍ତ୍ରୀଙ୍କୁ ଭେଟିଲେ କୋରିଆ ଶିଳ୍ପ ପ୍ରତିନିଧି ଦଳ

23/09/2019 at 2:47 PM

ଭୁବନେଶ୍ବର ୨୩।୯: ଓଡିଶାରେ ପୁଞ୍ଜିନିବେଶ କରିବା ଲାଗି ଦକ୍ଷିଣ କୋରିଆ ଆଗ୍ରହ ପ୍ରକାଶ କରିଛି ।  କୋରିଆର ରାଷ୍ଟ୍ରଦୂତ ସିନ୍ ବଙ୍ଗକିଲ୍ ଙ୍କ ନେତୃତ୍ବରେ ୪୬ଜଣିଆ କୋରିଆ ଶିଳ୍ପ ପ୍ରତିନିଧି ଦଳ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟି ଆଲୋଚନା କରିଛିନ୍ତି ।

ଶିଳ୍ପ ମନ୍ତ୍ରୀ ବିଦ୍ୟଶଙ୍କର ମିଶ୍ର କହିଛନ୍ତି ଓଡିଶାରେ ୬ଟି କ୍ଷେତ୍ରରେ ପୁଞ୍ଜିନିବେଶ ନେଇ ଆଲୋଚନା ହୋଇଛି । ଏଥିପାଇଁ ପୁଞ୍ଜି ଖଟାଇବେ ସାମସଙ୍ଗ୍, ହୁଣ୍ଡାଇ, କିଆ ମୋଟର୍ସ ଏବଂ ଏଲଜି । ବିଶେଷକରି ଆଲୁମିନିୟମ, ଇଲେକ୍ଟ୍ରୋନିକ୍, କୃଷି, ମତ୍ସ୍ୟ ଏବଂ ବୟନ ଶିଳ୍ପ କ୍ଷେତ୍ରରେ ପୁଞ୍ଜି ନିବେଶ ହେବ ବୋଲି ଶିଳ୍ପ ମନ୍ତ୍ରୀ କହିଛନ୍ତି ।

ମୁଖ୍ୟମନ୍ତ୍ରୀଙ୍କୁ ସାକ୍ଷାତ ପରେ କୋରିଆ ରାଷ୍ଟ୍ରଦୂତ କହିଛନ୍ତି ଯେ, ପୁଞ୍ଜି ନିବେଶ ପାଇଁ କୋରିଆ ପ୍ରସ୍ତୁତ ରହିଛି । ଏପରିକି ଇସ୍ପାତ ଶିଳ୍ପରେ ମଧ୍ୟ ପୁଞ୍ଜି ନିବେଶ କରିବା ପାଇଁ କୋରିଆ ପ୍ରସ୍ତୁତ । ବିଗତ ଦିନର ଅଭିଜ୍ଞତା ନେଇ ଆଗକୁ ସବୁ କାମ କରାଯିବ ।

ବିଭିନ୍ନ ପ୍ରତିବନ୍ଧକ ଯୋଗୁଁ ଓଡ଼ିଶାରେ ୫୨ ହଜାର କୋଟି ଟଙ୍କାର ପସ୍କୋ ପ୍ରକଳ୍ପ ହୋଇପାରିଲାନାହିଁ । ନଚେତ୍ ରାଜ୍ୟରେ ସର୍ବ ବୃହତ ଏକକ ବୈଦେଶିକ ପୁଞ୍ଜି ବିନିଯୋଗ ହୋଇଥାନ୍ତା । ତେବେ ବିଭିନ୍ନ କ୍ଷେତ୍ରରେ ସଂପର୍କ ବୃଦ୍ଧି ପାଇଁ ଓଡିଶାରେ ପର୍ଯ୍ୟାପ୍ତ ସୁଯୋଗ ରହିଛି । କୋରିଆ ପ୍ରତିନିଧି ଦଳ ଓଡିଶାରେ ବ୍ୟବସାୟିକ ପରିବେଶର ପ୍ରତ୍ୟେକ୍ଷ ଅନୁଧ୍ୟାନ କରିବେ ବୋଲି କୋରିଆ ରାଷ୍ଟ୍ରଦୂତ କହିଛନ୍ତି ।  

   Related Posts