Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ଚର୍ଚ୍ଚା: ବିଧାୟକ ପଦରୁ ଇସ୍ତଫାପରେ କଂଗ୍ରେସ ଛାଡି ବିଜେପିରେ ଯୋଗ ଦେବେକି କୃଷ୍ଣଚନ୍ଦ୍ର ସଗରିଆ !

30/10/2018 at 6:54 PM

ଭୁବନେଶ୍ବର ୩୦|୧୦: ବିଧାୟକ ପଦରୁ କୃଷ୍ଣଚନ୍ଦ୍ର ସଗରିଆଙ୍କ ଇସ୍ତଫା । କହୁଛନ୍ତି, କୁନ୍ଦୁଲି ପୀଡ଼ିତାଙ୍କୁ ନ୍ୟାୟ ନମିଳିବାରୁ କାଳେ ସେ ଇସ୍ତଫା ଦେଲେ । କୁନ୍ଦୁଲି କଥା କହି ସଗରିଆ, ବିଜେଡି ଓ କଂଗ୍ରେସକୁ ବ୍ୟାକଫୁଟକୁ ଠେଲି ଦେଇଛନ୍ତି, ଚର୍ଚ୍ଚା କିନ୍ତୁ ଅଲଗା । ସଗରିଆ ବିଜେପିରେ ମିଶିବାକୁ ଯାଉଥିବା ଆଲୋଚନା ହେଉଛି । ସେପଟେ ସଗରିଆଙ୍କ ଇସ୍ତଫା ପରେ କଂଗ୍ରେସର ବିଧାୟକ ସଂଖ୍ୟା ୧୪ରେ ପହଞ୍ଚିଛି । ଏଭଳି ସ୍ଥିତିରେ ବିରୋଧୀ ଦଳ ନେତା ପଦ ଆଉ କଂଗ୍ରେସ ପାଖରେ ରହି ନପାରେ ବୋଲି ମଧ୍ୟ ଆଶଙ୍କା ପ୍ରକାଶ ପାଇଛି ।

ନିଜ ନିର୍ବାଚନ ମଣ୍ଡଳୀର ଜଣେ ଦଳିତ ଝିଅଙ୍କୁ ନ୍ୟାୟ ଦେଇ ନପାରିଥିବାରୁ ବିଧାୟକ ପଦରେ ରହିବାର ତାଙ୍କର ନୈତିକ ଅଧିକାର ନଥିବା ଗଣମାଧ୍ୟମକୁ କହିଛନ୍ତି କୃଷ୍ଣ ସଗରିଆ । ଏବେ ସେ ଗାଁ ଗାଁ ବୁଲି ଦଳିତ ଆଦିବାସୀଙ୍କ ସାମ୍ବିଧାନିକ ଅଧିକାର ପାଇଁ ଲଢେଇ କରିବେ ବୋଲି କହୁଛନ୍ତି । ଡିସେମ୍ବର ରେ ଭୁବନେଶ୍ବରରେ ବିଶାଳ ଦଳିତ ସମାବେଶ କରିବାକୁ ମଧ୍ୟ ଘୋଷଣା କରିଛନ୍ତି । ସେପଟେ ପ୍ରସଙ୍ଗ ଉପରେ ତେଢେଇ କି ଉତ୍ତର ଦେଇଛନ୍ତି ତାରା ବାହିନୀପତି ।

ବିଧାୟକ ପଦରୁ ଇସ୍ତଫା ଦେଇଥିଲେ ବି କଂଗ୍ରେସରୁ ଇସ୍ତଫା ଦେଇନାହାଁନ୍ତି ସଗରିଆ । ପୁଣି ଇସ୍ତଫା ବାବଦରେ ନା ପିସିସି ସଭାପତିଙ୍କୁ ଜଣାଇଛନ୍ତି ନା ବିରୋଧୀ ଦଳ ନେତାଙ୍କୁ । ସେମାନଙ୍କୁ ଏବାବଦରେ ଜଣାଇବା ଆବଶ୍ୟକ ନଥିବା କହି ଦଳରେ ଏକ ରକମ କମ୍ପନ ସୃଷ୍ଟି କରିଛନ୍ତି । ସେପଟେ ସଗରିଆ କଂଗ୍ରେସରେ ରହିବେ କି ନାହିଁ ତାକୁ ନେଇ ଦ୍ବନ୍ଦ୍ବ ସୃଷ୍ଟି ହୋଇଛି । କୁନ୍ଦୁଲି ଗଣ ଦୁଷ୍କର୍ମ ପାଇଁ ରାଜ୍ୟ ସରକାରଙ୍କୁ ଦାୟୀ କରି ବିଜେଡି କୋର୍ଟକୁ ବଲ୍ ଫିଙ୍ଗିଛନ୍ତି ବିଜେଡିରେ ମିଶୁ ନାହାନ୍ତି ବୋଲି ସଫା ସଙ୍କେତ ଛାଡ଼ିଛନ୍ତି । ତେବେ ସଗରିଆ, ବିଜେପିରେ ମିଶିବା ନେଇ ଚର୍ଚ୍ଚା ହେଉଛି । ସେପଟେ ପିସିସି ସଭାପତିଙ୍କ କହିବା କଥା, ବିଧାୟକ ପଦରୁ ଇସ୍ତଫା ନଦେଇ ବି ସଗରିଆ, କୁନ୍ଦୁଲି ପୀଡ଼ିତାଙ୍କ ପାଇଁ ଲଢେଇ କରିପାରିଥାନ୍ତେ । ତଥାପି ସଗରିଆଙ୍କୁ ଡାକି ଆଲୋଚନା କରିବାକୁ କହିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ ।

ବାଚସ୍ପତି ଏବେ ଭୁବନେଶ୍ବରରେ ନଥିବାରୁ ସଗରିଆ, ତାଙ୍କ ଇସ୍ତଫା ପତ୍ର ଦେଇପାରି ନାହାନ୍ତି । ବାଚସ୍ପତି ତାଙ୍କୁ ତାରିଖ ସମୟ ଦେଇଥିବାରୁ, ସେହିଦିନ ସେ ହାତେହାତେ ଇସ୍ତଫା ପତ୍ର ଦେବେ ବୋଲି କହିଛନ୍ତି ସଗରିଆ କିଛିଦିନ ତଳେ କଂଗ୍ରେସର ଅନୁସୂଚିତ ଜନଜାତି ସେଲରୁ ସଗରିଆଙ୍କୁ ହଟାଇ ଦେବା ପରେ ସେ ଦଳର ସମ୍ପାଦକ ପଦରୁ ଇସ୍ତଫା ଦେଇଥିଲେ । ସେପଟେ ବିଧାୟକ ପଦରୁ ସଗରିଆଙ୍କ ଇସ୍ତଫା ପରେ ବିଧାନସଭାରେ କଂଗ୍ରେସର ସିଟ୍ ସଂଖ୍ୟା ୧୪କୁ ଖସି ଆସିଛି । ଫଳରେ କଂଗ୍ରେସ ବିରୋଧୀ ଦଳର ମାନ୍ୟତା ପାଇବା ନେଇ ଆଶଙ୍କା ସୃଷ୍ଟି ହୋଇଛି ।

   Related Posts