Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

କୋଲକାତାରେ ଏବେ କରୋନା ଲକଡାଉନ ଉଲ୍ଲଂଘନକାରୀଙ୍କୁ ଜଗିବ ଡ୍ରୋନ

12/04/2020 at 4:34 PM

କୋଲକାତା ୧୨।୪:  କରୋନା ମହାମାରୀ ରୋକିବା ଲାଗି ସାରା ଦେଶରେ ୨୧ ଦିନିଆ ଲକଡାଉନ ଜାରି ହୋଇଛି। ତେବେ ସଂକ୍ରମଣ ଶୃଙ୍ଖଳ ରୋକିବା ଲାଗି ପଶ୍ଚିମବଙ୍ଗ ସରକାର ଲକଡାଉନ୍ ଅବଧି ସମ୍ପ୍ରସାରିତ କରିଛନ୍ତି । ଏପ୍ରିଲ ୩୦ ପର୍ଯ୍ୟନ୍ତ ଏହି ସମୟରେ ଲକଡାଉନ୍ ଉଲ୍ଲଂଘନକାରୀଙ୍କୁ ଧରିବା ଲାଗି କୋଲକାତାରେ ପୋଲିସ ଡ୍ରୋନ ମୁତୟନକରିବ ବୋଲି ଜୋଣାପଡିଛି।

ଲାଲବଜାର ପୋଲିସ ଏ ନେଇ ସୂଚନା ଦେଇଥିବା ବେଳେ ଉତ୍ତର କୋଲକାତାର ଶ୍ୟାମ ବାଜାର, ପାଟୁଳି, ପଞ୍ଚସାୟର ଓ ହାତୀ ବାଗାନ ଅଞ୍ଚଳରେ ଡ୍ରୋନ ଜରିଆରେ ଲୋକଙ୍କୁ ଜଗା ଯିବ ବୋଲି କୁହାଯାଇଛି। ରାଜଧାନୀର ସହରାଞ୍ଚଳର ବିଭିନ୍ନ ହାଟ ବଜାରରେ ପ୍ରାୟତଃ ଜନଗହଳି ରହୁଛି। ଏତେ ସଂଖ୍ୟକ ଲୋକଙ୍କୁ ନିୟନ୍ତ୍ରିତ କରିବା ଲାଗି ପୋଲିସର ଲୋକ ବଳ ନଥିବା ବେଳେ ସବୁ ବେଳେ ପାଟ୍ରୋଲିଂ କରିବା ମଧ୍ୟ ସମ୍ଭବ ନୁହେଁ। ଏଣୁଏଭଳି ପରିସ୍ଥିତିରେ ପୋଲିସ ଏବେ ଡ୍ରୋନର ସହାୟତା ନେବ ବୋଲି ଜଣାପଡିଛି।

ତେବେ ଡ୍ରୋନ ଅତ୍ୟନ୍ତ ଉତ୍କଟ ସମୟରେ ବ୍ୟବହାର ହେବ। ଯେଉଁ ସବୁ ସ୍ଥାନରେ ସଟ୍ ଡାଉନ୍ ଜାରି ହେବ କେବଳ ସେହି ସବୁ ସ୍ଥାନରେ ହିଁ ଡ୍ରୋନକୁ ମୁତୟନ କରାଯିବ। ସଟ୍ ଡାଉନ ସମୟରେ ଲୋକଙ୍କୁ ଘରର କବାଟ ପଛରେ ରହିବାକୁ କୁହାଯାଏ। ତେବେ ଲୋକେ ଆଇନ ଅବମାନନା କରି ରାସ୍ତାକୁ ଉଠିଲେ ଡ୍ରୋନ ଫଟୋ ଅନୁସାରେ ପୋଲିସ କାର୍ଯ୍ୟାନୁଷ୍ଠାନ କରିବ।

ଦିନକ ପରେ ପଶ୍ଚିମବଙ୍ଗରେ ପଇଲା ବୈଶାଖ। ଏଣୁ ଲୋକେ ଉତ୍ସବ ପାଳନ ଲାଗି ରାସ୍ତାକୁ ଓହ୍ଲାଇ ଆସିବାର ଆଶଙ୍କା କରାଯାଉଛି। ଏଣୁ ପୋଲିସ ବିଭିନ୍ନ ଧାର୍ମିକ ସ୍ଥଳକୁ ଯାଇ ଲୋକଙ୍କୁ ବୁଝାସୁଝା କରିବା ସହ ସାମାଜିକ ଦୂରତା ପାଳନ ଲାଗି ନିବେଦନ କରୁଛି। ଏହା ସତ୍ତ୍ୱେ ଯେଉଁଠି  ଆଇନର ଖୋଲା ଉଲ୍ଲଂଘନ ହେବ ସେଠାରେ ପୋଲିସ କାର୍ଯ୍ୟାନୁଷ୍ଠାନ ହେବ ବୋଲି କହିଛନ୍ତି ସ୍ପେଶିଆଲ ବ୍ରାଞ୍ଚ ଅଧିକାରୀ ନିଲ ଷଷ୍ଠୀ।

   Related Posts