Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ କୋହଲିଙ୍କ ଘୋଷଣା, ଟି-୨୦ ୱାର୍ଲ୍ଡ କପ୍‌ ପରେ ଛାଡ଼ିବେ କ୍ୟାପ୍ଟେନ୍‌ ପଦ
  • ||
  • ସାନଖେମୁଣ୍ଡି : ଭିଜିଲାନ୍ସ ଜାଲରେ ଆସିଷ୍ଟାଣ୍ଟ ଇଂଜିନିୟର, ଠିକାଦାରଙ୍କଠୁ ନେଉଥିଲେ ୫୦ହଜାର ଟଙ୍କା ଲାଞ୍ଚ
  • ||
  • ନୂଆଦିଲ୍ଲୀ : ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ, ୧୯ ଓ ୨୦ରେ ପ୍ରବଳ ବର୍ଷା ସମ୍ଭାବନା : IMD ଡିଜି
  • ||
  • ମାଲକାନଗିରି : ମାଲକାନଗିରିରେ ସୁରକ୍ଷାକର୍ମୀ-ମାଓବାଦୀ ଗୁଳିବିନିମୟ, ଛତ୍ରଭଙ୍ଗ ଦେଲେ ମାଓବାଦୀ : କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ
  • ||
  • ପୁରୀ : ଶୁକ୍ରବାର ବନ୍ଦ ରହିବ ଶ୍ରୀମନ୍ଦିର, ବିଶେଷ ନୀତି ଯୋଗୁଁ ଶ୍ରୀଜିଉଙ୍କୁ ଦର୍ଶନ କରିପାରିବେନି ଶ୍ରଦ୍ଧାଳୁ
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ବଢୁଛି ଜଳସ୍ତର : ଚିନ୍ତାରେ ତଳିଆ ଅଞ୍ଚଳବାସୀ
  • ||
  • ଖଣ୍ଡପଡା : ରଥିଆ ନାଳରେ ଭାସି ବୃଦ୍ଧ ନିଖୋଜ, ମାଛ ଧରିବାକୁ ଯାଇ ନାଳରେ ଭାସିଯାଇଥିବା ସନ୍ଦେହ
  • ||
  • ଜଗତସିଂହପୁର : ମହାନଦୀ ବନ୍ୟାଜଳରେ ବୁଡି ଗାଡି ଚାଳକ ନିଖୋଜ, ଇଟାଭାଟିକୁ ଯାଉଥିବା ବେଳେ ଅଘଟଣ
  • ||
  • ଯାଜପୁର : ପାଣିରେ ଭାସି ଯାଇଥିଲେ ବାପା-ପୁଅ, ଠାବ ହେଲା ମୃତଦେହ
  • ||
  • ଉପରତଳ ହେଉଛି କରୋନା ଗ୍ରାଫ : ୨୪ ଘଣ୍ଟାରେ ବାହାରିଲେ ୫୮୦ କୋଭିଡ୍ ପଜିଟିଭ୍
  • ||

କମଳନାଥ ଯାହାକୁ ପୋଲିସ ମହାନିର୍ଦ୍ଦେଶକ ପଦରୁ ହଟାଇଲେ ତାଙ୍କୁ ମୋଦି ସିବିଆଇ ନିର୍ଦ୍ଦେଶକ ଦାୟିତ୍ବ ଦେଲେ, ଜାଣନ୍ତୁ କାରଣ କ’ଣ

3/02/2019 at 12:36 PM

ଭୋପାଲ ୩|୨: ଫେବୃଆରୀ ୨ ତାରିଖରେ ସିବିଆଇ ନିର୍ଦ୍ଦେଶକ ଭାବେ ଅବସ୍ଥାପିତ ଋଷି ଶୁକ୍ଳଙ୍କୁ ୪ ଦିନ ତଳେ ମଧ୍ୟ ପ୍ରଦେଶ ପୋଲିସ ମହାନିର୍ଦ୍ଦେଶକ ପଦରୁ ମୁଖ୍ୟମନ୍ତ୍ରୀ କମଳନାଥ ବାହାର କରି ମଧ୍ୟପ୍ରଦେଶ ହାଉସିଂ କର୍ପୋରେସନର ଅଧ୍ୟକ୍ଷ ପଦରେ ଅବସ୍ଥାପିତ କରିଥିଲେ । ସୂଚନାଯୋଗ୍ୟ ଯେ, ପୋଲିସ ମହାନିର୍ଦ୍ଦେକ ପଦବୀ ଠାରୁ ହାଉସିଂ କର୍ପୋରେସନ ଅଧ୍ୟକ୍ଷ ପଦବୀ ନ୍ୟୁନ ବୋଲି ବିଚାର କରାଯାଏ । ତେବେ ବଦଳିର ୪ ଦିନ ପରେ ଶୁକ୍ଳାଙ୍କୁ ମୋଦି ସରକାର ବଡ ଉପହାର ପ୍ରଦାନ କରି ଦେଶର ସର୍ବୋଚ୍ଚ ତଦନ୍ତକାରୀ ସଂସ୍ଥାର ନିର୍ଦ୍ଦେଶକ ପଦରେ ଅବସ୍ଥାପିତ କରିଛନ୍ତି ।


ମଧ୍ୟ ପ୍ରଦେଶରେ ବିଜେପି ସରକାର ଥିବା ସମୟରେ ମୁଖ୍ୟମନ୍ତ୍ରୀ ଶିବରାଜ ଚୌହାଣ ୨୦୧୬ ମସିହା ଜୁଲାଇ ମାସରେ ଶୁକ୍ଳାଙ୍କୁ ପୋଲିସ ମହା ନିର୍ଦ୍ଦେଶକ ପଦରେ ଅବସ୍ଥାପିତ କରିଥିଲେ । ଶୁକ୍ଳା ଶିବରାଜ ଚୌହାଣଙ୍କ କୋଟରୀରେ ଥିବା ଅଧିକାରୀଙ୍କ ମଧ୍ୟରେ ରହିଥିଲେ । ଶୁକ୍ଳାଙ୍କୁ ସିବିଆଇ ମହାନିର୍ଦ୍ଦେଶକ ପଦବୀରେ ଅବସ୍ଥାପିତ କରାଯିବା ପରେ ଶୁକ୍ଳାଙ୍କୁ ଅଭିନନ୍ଦନ ଜଣାଇବା ସହ ସେ ଜଣେ ନିଷ୍ଠାବାନ ପୋଲିସ ଅଧିକାରୀ ବୋଲି ଶିବରାଜ ଟୁଇଟରେ ଲେଖିଛନ୍ତି । ସୂଚନାଯୋଗ୍ୟ ଯେ, ଠିକ ମଧ୍ୟପ୍ରଦେଶ ନିର୍ବାଚନ ସମୟରେ ଶାରୀରିକ ଅସୁସ୍ଥତା ଦର୍ଶାଇ ଶୁକ୍ଳା ପ୍ରାୟ ଦେଢ ମାସ ଧରି ଛୁଟିରେ ରହିଥିଲେ ।


କମଳନାଥ ମୁଖ୍ୟମନ୍ତ୍ରୀ ହେବା ପରେ ତାଙ୍କୁ ହୁଏତ ଛୁଟିରେ ଯିବା ପାଇଁ ବାଧ୍ୟ କରାଯିବ ବୋଲି ଆଲୋଚନା ହେଉଥିଲା । ତେବେ କମଳନାଥ ତୁରନ୍ତ ସେଭଳି କୌଣସି ପଦକ୍ଷେପ ନେଇନଥିଲେ । ନିକଟରେ ମଧ୍ୟ ପ୍ରଦେଶରେ ଲଗାତର ୩ ଜଣ ବିଜେପି ନେତାଙ୍କ ହତ୍ୟା ହେବାପରେ ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ବଜାୟ ରଖିବା କ୍ଷେତ୍ରରେ ଶୁକ୍ଳା ବିଫଳ ହୋଇଥିବା ଆଧାରରେ ତାଙ୍କୁ ପୋଲିସ ହାଉସିଂ ବୋର୍ଡକୁ ବଦଳି କରାଯାଇଥିଲା ।


ଋଷି ଶୁକ୍ଳା ମୂଳତଃ ମଧ୍ୟ ପ୍ରଦେଶର ଗୁଆଲିଅର ବାସିନ୍ଦା । ଆଇପିଏସରେ ଭର୍ତ୍ତି ହେବା ପରେ ତାଙ୍କର ପ୍ରଥମ ପୋଷ୍ଟିଂ ରାୟପୁରରେ ହୋଇଥିଲା । ଏହାପରେ ସେ ଦମୋହ, ମନ୍ଦସୋର ଏବଂ ଶିବପୁରରେ ଏସପି ଭାବେ କାମ କରିଥିଲେ । ୨୦୦୯ରୁ ୨୦୧୨ ପର୍ଯ୍ୟନ୍ତ ସେ ରାଜ୍ୟ ଗୁଇନ୍ଦା ବିଭାଗର ଏଡିଜି ଭାବେ କାମ କରିଥିଲେ । ୨୦୧୬ ମସିହା ଜୁଲାଇ ମାସରେ ସେ ପୋଲିସ ମହାନିର୍ଦ୍ଦେଶକ ହୋଇଥିଲେ ।

   Related Posts