Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇଣ୍ଡିଆନ ପ୍ରିମିୟର ଲିଗ୍ (IPL)ରେ ସାମିଲ ହେଲେ ଆଉ ୨ଟି ନୂଆ ଟିମ । ୨ ଟିମ ଅହମ୍ମଦାବାଦ ଏବଂ ଲକ୍ଷ୍ନୌ ଆସନ୍ତାବର୍ଷ ହେବାକୁ ଥିବା ଆଇପିଏଲରେ ଅଂଶଗ୍ରହଣ କରିବେ ।
  • ||
  • ରାଜ୍ୟରେ ସୁସ୍ଥ ହେଲେ ଆଉ ୩୬୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୮୦ ଡିସଚାର୍ଜ
  • ||
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

କଟକ-ବାରବାଟୀ ଆସନରେ ତୁଙ୍ଗ ନେତା ଦେବାଶୀଷ ସାମନ୍ତରାୟ କାହିଁକି ହାରିଲେ ? ଜାଣନ୍ତୁ କାରଣ

25/05/2019 at 6:05 PM

କଟକ ୨୫/୫ : ଦେଶରେ ମୋଦି ଲହର କାମ କରିଥିବା ବେଳେ ଓଡିଶାରେ ନବୀନ ମ୍ୟାଜିକ କରିଶ୍ମା ଦେଖାଇଛି । ଏହାସତ୍ତ୍ବେ କଟକ-ବାରବାଟୀ ଆସନରେ ବିଜେଡିକୁ ସଫଳତା ମିଳିପାରି ନାହିଁ । ହାରକୁ ନେଇ ଏବେ ସମୀକ୍ଷା କରୁଛି ଦଳ । ତେବେ ଏହି ଆସନରେ  ବ୍ୟକ୍ତିଗତ କାରଣକୁ ନେଇ ବିଜେଡି ହାରିଥିବା ବେଳେ ଆଉ କିଛି ଭୋଟ୍ ବିଜେପି ଖାତାକୁ ଚାଲିଯିବା ଯୋଗୁଁ ଦେବାଶୀଷ  ପଛେଇଗଲେ ବୋଲି ରାଜନୀତି ପଣ୍ଡିତ ମତ ଦେଇଛନ୍ତି ।

କଟକ-ବାରବାଟୀ ଆସନରେ ବିଜେଡିକୁ ବିଫଳତାର ସ୍ବାଦ ଚାଖିବାକୁ ପଡିଛି । କଂଗ୍ରେସ ପ୍ରାର୍ଥୀ ମହମ୍ମଦ ମୋକିମ ଏଠାରୁ ବିଜୟୀ ହୋଇଛନ୍ତି । ସେ ଏଥର ସମୁଦାୟ ୫୦ହଜାର ୨୪୪ ଖଣ୍ଡ ଭୋଟ୍ ପାଇଥିବା ବେଳେ ବିଜେଡି ପ୍ରାର୍ଥୀ ଦେବାଶୀଷ ସାମନ୍ତରାୟଙ୍କୁ ୪୬ ହଜାର ୪୧୭ ଖଣ୍ଡ ଭୋଟ୍ ମିଳିଛି । ବିଜେଡିର ପରାଜୟ ପରେ ଦଳୀୟ ଫୋରମରେ ଏହାର ସମୀକ୍ଷା କରାଯାଉଛି । କଣ ପାଇଁ ଏଠାରୁ ବିଜେଡି ହାରିଲା ତାର ହିସାବ ନିକାସ କରାଯିବ ବୋଲି ବିଜେଡି ଜିଲ୍ଲା କାର୍ଯ୍ୟକାରୀ ସଭାପତି କହିଛନ୍ତି । ତେବେ କଟକ-ବାରବାଟୀ ଆସନରେ ଦଳ ହାରିଥିଲେ ସୁଦ୍ଧା ସାମଗ୍ରୀକ ଭାବରେ କଟକ ଜିଲ୍ଲାରେ ବିଜେଡି ଭଲ ପ୍ରଦର୍ଶନ କରିଛି ବୋଲି ସେ କହିଛନ୍ତି ।

ଦେବାଶୀଷ ସାମନ୍ତରାୟ ବ୍ୟକ୍ତିଗତ କାରଣରୁ ନିର୍ବାଚନ ହାରିଥିବା ରାଜନୀତି ସମୀକ୍ଷକ ମତ ଦେଇଛନ୍ତି । ଅନ୍ୟ ପ୍ରାର୍ଥୀଙ୍କ ଭଳି ସେ ଲୋକସମ୍ପର୍କ ରଖିନଥିବା ମଧ୍ୟ ଏମାନେ କହିଛନ୍ତି । ଏହା ବାଦ ଏଥର କଟକ-ବାରବାଟୀ ଆସନରେ ବିଜେପି ୩୩ ହଜାର ୬୨୫ ଖଣ୍ଡ ଭୋଟ୍ ପାଇଥିବା ବେଳେ ଏଥିରୁ ପାଖାପାଖୀ ୫ ହଜାର ଭୋଟ୍ ବିଜେଡିର ବୋଲି ମଧ୍ୟ କୁହାଯାଇଛି ।

କଟକର ୩ ଆସନ ମଧ୍ୟରୁ ବାରବାଟୀ କଟକରେ ନୋଟାରେ ସର୍ବାଧୀକ ଭୋଟ୍ ପଡିଛି । ୧୨୯୮ଟି ଭୋଟ୍ ଲୋକେ ନୋଟାକୁ ଦେଇଛନ୍ତି । ଏହା ସହ ଏହି ଆସନର ଇତିହାକୁ ମଧ୍ୟ ଦେଖିଲେ ଜଣାପଡେ ଯେ ଥରେ ଏଠାରୁ ବିଧାୟକ ରହି ହାରିଯିବା ପରେ ଏଠାରୁ ଆଉ କେହି ପୁଣିଥରେ ଜିତିପାରି ନାହାନ୍ତି ।

   Related Posts