Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ କୋହଲିଙ୍କ ଘୋଷଣା, ଟି-୨୦ ୱାର୍ଲ୍ଡ କପ୍‌ ପରେ ଛାଡ଼ିବେ କ୍ୟାପ୍ଟେନ୍‌ ପଦ
  • ||
  • ସାନଖେମୁଣ୍ଡି : ଭିଜିଲାନ୍ସ ଜାଲରେ ଆସିଷ୍ଟାଣ୍ଟ ଇଂଜିନିୟର, ଠିକାଦାରଙ୍କଠୁ ନେଉଥିଲେ ୫୦ହଜାର ଟଙ୍କା ଲାଞ୍ଚ
  • ||
  • ନୂଆଦିଲ୍ଲୀ : ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ, ୧୯ ଓ ୨୦ରେ ପ୍ରବଳ ବର୍ଷା ସମ୍ଭାବନା : IMD ଡିଜି
  • ||
  • ମାଲକାନଗିରି : ମାଲକାନଗିରିରେ ସୁରକ୍ଷାକର୍ମୀ-ମାଓବାଦୀ ଗୁଳିବିନିମୟ, ଛତ୍ରଭଙ୍ଗ ଦେଲେ ମାଓବାଦୀ : କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ
  • ||
  • ପୁରୀ : ଶୁକ୍ରବାର ବନ୍ଦ ରହିବ ଶ୍ରୀମନ୍ଦିର, ବିଶେଷ ନୀତି ଯୋଗୁଁ ଶ୍ରୀଜିଉଙ୍କୁ ଦର୍ଶନ କରିପାରିବେନି ଶ୍ରଦ୍ଧାଳୁ
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ବଢୁଛି ଜଳସ୍ତର : ଚିନ୍ତାରେ ତଳିଆ ଅଞ୍ଚଳବାସୀ
  • ||
  • ଖଣ୍ଡପଡା : ରଥିଆ ନାଳରେ ଭାସି ବୃଦ୍ଧ ନିଖୋଜ, ମାଛ ଧରିବାକୁ ଯାଇ ନାଳରେ ଭାସିଯାଇଥିବା ସନ୍ଦେହ
  • ||
  • ଜଗତସିଂହପୁର : ମହାନଦୀ ବନ୍ୟାଜଳରେ ବୁଡି ଗାଡି ଚାଳକ ନିଖୋଜ, ଇଟାଭାଟିକୁ ଯାଉଥିବା ବେଳେ ଅଘଟଣ
  • ||
  • ଯାଜପୁର : ପାଣିରେ ଭାସି ଯାଇଥିଲେ ବାପା-ପୁଅ, ଠାବ ହେଲା ମୃତଦେହ
  • ||
  • ଉପରତଳ ହେଉଛି କରୋନା ଗ୍ରାଫ : ୨୪ ଘଣ୍ଟାରେ ବାହାରିଲେ ୫୮୦ କୋଭିଡ୍ ପଜିଟିଭ୍
  • ||

କେନ୍ଦ୍ରାପଡା ବିଧାନସଭା ଆସନରେ ବିଜେଡିରୁ କିଏ ପାଇବ ଟିକେଟ୍ ? ଏବେର ବିଧାୟକ, ପୂର୍ବତନ ବିଧାୟିକା ନା ଏହି ତୃତୀୟ ନେତା

18/02/2019 at 4:21 PM

କେନ୍ଦ୍ରାପଡା ୧୮|୨: ନିର୍ବାଚନକୁ ନଜରରେ ରଖି ଆଶାୟୀ ପ୍ରାର୍ଥୀଙ୍କ ଆକ୍ଟିଭିଟି ତେଜ୍‌ ହେବାରେ ଲାଗିଛି । ଦଳୀୟ ଟିକେଟ୍‌ ପାଇଁ ଯିଏ ଯେଝା ଷ୍ଟାଇଲରେ ମାତିଛନ୍ତି । ଯେହେତୁ ଏବେ ବିଭିନ୍ନ ରାଜନୈତିକ ଦଳ ଯୁବବର୍ଗଙ୍କୁ ଅଧିକ ପ୍ରାଧାନ୍ୟ ଦେଉଛନ୍ତି ତେଣୁ ଟିକେଟ୍‌ ରେସ୍‌ରେ ମଧ୍ୟ ଯୁବ ନେତା ନିଜର ଦାବେଦାରୀ ଦେଖାଇବା ଚେଷ୍ଟାରେ  ଅଛନ୍ତି । ଏମିତିରେ ଆମେ ଯଦି କେନ୍ଦ୍ରାପଡ଼ା ବିଜେଡି କଥା ଦେଖିବା ତାହେଲେ ପୁରୁଣା ନେତାଙ୍କ ଅପେକ୍ଷା ନୂଆ ମୁହଁଙ୍କୁ ସୁଯୋଗ ନେଇ ସକାରାତ୍ମକ ମତ ପୋଷଣ କରୁଛନ୍ତି ଭୋଟର ।

ପୁରୁଣା ନେତା ତାଙ୍କ ପୈନ୍ତରାବାଜି ଜାରି ରଖିଛନ୍ତି । ହେଲେ ନଜର ଟାଣିବା ଚେଷ୍ଟାରେ ଅଛନ୍ତି ନୂଆ ନେତା । ଆଉ କେଇଟା ଦିନ ପରେ ଘୋଷଣା ହେବ ଦଳୀୟ ପ୍ରାର୍ଥୀ ତାଲିକା । ଏଥି ପାଇଁ ଆଶାୟୀଙ୍କ ଭିତରେ ଏବେ ଆରମ୍ଭ ହୋଇଯାଇଛି ଛକାପଞ୍ଝା । ଏମିତିରେ ଆମେ ଯଦି କେନ୍ଦ୍ରାପଡ଼ା ବିଜେଡି କଥା ଦେଖିବା ତାହେଲେ ଏଠି ଏଥର ଦଳୀୟ ଟିକେଟ୍‌ ପାଇଁ ଆଶାୟୀଙ୍କ ରେସ୍‌ରେ ସାମ୍ନାକୁ ଆସିଛନ୍ତି ଅନେକ ନୂଆ ମୁହଁ ।

ଦୌଡ଼ରେ ଆଗରେ ଅଛନ୍ତି ବିଜୁ ଯୁବ ଜନତା ଦଳ ରାଜ୍ୟ ସାଧାରଣ ସମ୍ପାଦକ ରାଜେଶ ଦାସ । ଦୀର୍ଘବର୍ଷ ଧରି ଦଳ ସହିତ ଯୋଡ଼ି ହୋଇ ରହିଥିବାରୁ ଦଳ ମୁଖିଆ ତାଙ୍କୁ ସୁଯୋଗ ଦେବା ନେଇ ସେ ଆଶାବାଦୀ ଅଛନ୍ତି । ସେପଟେ କେନ୍ଦ୍ରାପଡ଼ା ବିଜେଡିର ଜଣେ ଆଗଧାଡ଼ିର ଯୁବକର୍ମୀ ତଥା ସମାଜସେବୀ ଦୁଷ୍ମନ୍ତ ମଲ୍ଲିକ ମଧ୍ୟ  ନିର୍ବାଚନ ମଣ୍ଡଳୀରେ ବୁଲି ଲୋକସମ୍ପର୍କ ବଢ଼ାଇବା ସହ ସମର୍ଥନ ସାଉଣ୍ଟିବାରେ ଲାଗିପଡ଼ିଛନ୍ତି ।

ବର୍ଷ ଆରମ୍ଭରୁ ପୋଷ୍ଟର ବ୍ୟାନର ମାଧ୍ୟମରେ ନିଜର ଦାବେଦାରୀ ଜାହିର କରିବା ଚକ୍କରରେ ଅଛନ୍ତି ଆଉ ଜଣେ ନୂଆମୁହଁ । ୨୦୦୯ରୁ ଜଳ ସମ୍ପଦ ବିଭାଗର ନିର୍ବାହୀ ଯନ୍ତ୍ରୀ ପଦରୁ ଅବ୍ୟାହତି ନେଇ ସମାଜସେବାକୁ ଓହ୍ଲାଇଥିବା ଇଂଜିନିୟର ମୂରଲୀଧର ସେଠୀ ମଧ୍ୟ ବିଜେଡି ଟିକେଟ୍‌ ରେସ୍‌ରେ ନିଜକୁ ସାମିଲ କରିଛନ୍ତି । ସେପଟେ ଭୋଟରଙ୍କ ଭିତରେ ପୁରୁଣା ନେତାଙ୍କ ଅପେକ୍ଷା ନୂଆମୁହଁ ପ୍ରତି ଅଧିକ ଆଗ୍ରହ ଦେଖିବାକୁ ମିଳୁଛି ।

କେନ୍ଦ୍ରାପଡାରେ ବର୍ତ୍ତମାନର ବିଧାୟକ କିଶୋର ଚନ୍ଦ୍ର ତରାଇ ଓ ପୂର୍ବତନ ବିଧାୟିକା ସିପ୍ରା ମଲ୍ଲିକ୍ ଏଥର ମଧ୍ୟ ବିଜେଡି ଟିକେଟ୍ ହାତେଇବା ପାଇଁ ଦଳୀୟ ସ୍ତରରେ ଉଦ୍ୟମ ଚଳାଇଛନ୍ତି । ତେବେ କେନ୍ଦ୍ରାପଡା ବିଧାନସଭା ଆସନରେ ନିୟମିତ ବ୍ୟବଧାନରେ ଚେହେରା ପରିବର୍ତ୍ତନ ହେବାର ନଜିର ରହିଛି । ତେଣୁ ଏଥର କେନ୍ଦ୍ରାପଡ଼ା ବିଧାସଭା ପାଇଁ ଦଳ କାହାକୁ ପ୍ରାର୍ଥୀ କରିବ ଆଉ କାହାର କସମତ୍‌ ଚମକିବ ସେ ସବୁ କିଛି ବିଜେଡି ହାଇକମାଣ୍ଡଙ୍କ ଉପରେ ନିର୍ଭର କରୁଛି ।   

   Related Posts