Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ଲୋକସଭାରେ ପ୍ରଥମ ଭାଷଣରୁ ସେଲିବ୍ରିଟି ପାଲଟିଥିବା ସାଂସଦ ମହୁଆ ମୋଇତ୍ର କିଏ ଜାଣନ୍ତୁ

28/06/2019 at 4:43 PM

ନୂଆଦିଲ୍ଲୀ:  ଲୋକସଭାରେ ତାଙ୍କର ପ୍ରଥମ ଭାଷଣର ଭିଡିଓ ଏବେ ଲକ୍ଷଲକ୍ଷ ଲୋକଙ୍କ ମଧ୍ୟରେ ପ୍ରସାରିତ ହେଉଛି। ଯାହା  ତାଙ୍କୁ କେବଳ ଜାତୀୟ ନୁହେଁ ଏବେ ଅନ୍ତର୍ଜାତୀୟ ସେଲିବ୍ରିଟିର ଦର୍ଜା ଦେଉଛି। ସେ ଆଉ କେହି ନୁହନ୍ତି ପଶ୍ଚିମ ବଙ୍ଗ ତୃଣମୂଳ ସାଂସଦ ମହୁଆ ମୋଇତ୍ର। ଲୋକସଭାରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଚର୍ଚ୍ଚାରେ ମହୁଆ  ମଥପାର୍ଥକ୍ୟକୁ ଏ ଦେଶର ‘ଜାତୀୟ ଚରିତ୍ର ’ ବୋଲି ଆକ୍ଷା ଦେଇଛନ୍ତି। ପ୍ରଧାନମନ୍ତ୍ରୀ ଓ ବିଜେପିକୁ ସଂସଦରେ ବିଭିନ୍ନ ପ୍ରସଙ୍ଗରେ ଘେରିଥିବା ବେଳେ ପାର୍ଲାମେଣ୍ଟ ବାହାରେ ବି ସରକାରଙ୍କ ବିରୋଧରେ ଲହର ସୃଷ୍ଟି କରିପାରିଥିବା ଏହି ନୂଆ ସାଂସଦଙ୍କ ସମ୍ପର୍କରେ ଆସନ୍ତୁ ଜାଣିବା।

ମହୁଆ ଜଣେ କର୍ପୋରେଟ୍ ମହିଳା। ରାଜନୀତିରେ ଯୋଗ ଦେବା ପାଇଁ ୨୦୦୮ ମସିହାରେ ସେ ଭାରତ ପ୍ରତ୍ୟାବର୍ତ୍ତନ କରିବା ପୂର୍ବରୁ ଜେ.ପି.ମୋର୍ଗାନର ଉପାଧ୍ୟକ୍ଷା ଥିଲେ। ଭାରତ ଫେରିବା ପରେ ସେ କଂଗ୍ରେସରେ ଯୋଗଦେଇ ରାହୁଲଙ୍କ ସହ କିଛି କାଳ କାମ କରିଥିଲେ। ରାହୁଲଙ୍କ ସହ ବେଶ ତାଳମେଳ ବିଥିଲା ତାଙ୍କର। ଏଣୁ ତାଙ୍କୁ ପଶ୍ଚିମବଙ୍ଗ ଯୁବ କଂଗ୍ରେସ ଦାୟିତ୍ୱ ନ୍ୟସ୍ତ କରାଯାଇଥିଲା। ତେବେ କଂଗ୍ରେସର ପରିସ୍ଥିତିକୁ ଦେଖି ୨୦୧୦ ମସିହାରେ ସେ ତୃଣମୂଳ କଂଗ୍ରେସରେ ଯୋଗଦେଥିଲେ। ୨୦୧୬ ବିଧାନସଭା ନିର୍ବାଚନରେ ଦଳୀୟ ଟିକେଟରେ ବିଧାୟକ ନିର୍ବାଚିତ ହୋଇଥିବା ବେଳେ ତାଙ୍କୁ ଦଳର ସାଧାରଣ ସମ୍ପାଦକ ସମେତ ମୁଖପାତ୍ର ନିଯୁକ୍ତ କରିଥିଲେ ମୁଖ୍ୟମନ୍ତ୍ରୀ ମମତା ବାନାର୍ଜୀ।

ଗତ ସାଧାରଣ ନିର୍ବାଚନରେ ମହୁଆ କୃଷ୍ଣନଗର ଲୋକସଭା ଆସନରୁ ଟିଏମସି ସାଂସଦ ନିର୍ବାଚିତ ହୋଇଛନ୍ତି। ପ୍ରଥମ ଥର ସଂସଦକୁ ନିର୍ବାଚିତ ହୋଇଥିବା ୪୩ ବର୍ଷ ବୟସ୍କା ଯୁବ ସାଂସଦ ତାଙ୍କ ଦଳର ନୀତି ଓ ଆଭିମୁଖ୍ୟ ବାବଦେ ସମ୍ପୂର୍ଣ୍ଣ ସ୍ପଷ୍ଟ। ଏଣୁ ସଂସଦରେ ରାଷ୍ଟ୍ର୍ପପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଚର୍ଚ୍ଚାରେ ତାଙ୍କୁ ମିଳିଥିବା ସୁଯୋଗର ହାତ ଛଡା କରିନଥିଲେ। ସରକାରଙ୍କୁ ତାଙ୍କର କଟାକ୍ଷ ଶାଣିତ ଥିଲା। ଏଥିପାଇଁ ଶାଶକ ଦଳ ସାଂସଦ ଗୃହରେ ହଟ୍ଟଗୋଳ ବି କରିଥିଲେ। ହେଲେ ମହୁଆଙ୍କ ସାମାନ୍ୟ ଇସାରା ସେମାନଙ୍କୁ ନିଜନିଜ ଆସନରେ ଚୁପ୍ ବସିବାକୁ ବାଧ୍ୟ କରିଥିଲା। ସଂସଦ ବାହାରେ ମହୁଆଙ୍କୁ ଘେରିଥିଲେ ଗଣମାଧ୍ୟମ ପ୍ରତିନିଧି । ସେଠାରେ ବି ସେ ଗଣମାଧ୍ୟମର ଭରପୁର ସୁଯୋଗ ଉଠାଇଛନ୍ତି। ଯାହା ତାଙ୍କୁ ଏବେ ଦେଶର ଜଣେ ଜଣେ ନାଗରିକ ସହ ପରିଚିତ କରାଇଥିବା ବେଳେ ସରକାରଙ୍କ ବିରୋଧରେ ତାଙ୍କର ଆଭିମୁଖ୍ୟକୁ ସ୍ପଷ୍ଟ କରିଛନ୍ତି। 

   Related Posts