Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଉତ୍ତରପ୍ରଦେଶ ‘ସପା’କୁ ଛାଡି କଂଗ୍ରେସରେ ଯୋଗଦେଇଥିବା ପଙ୍ଖୁଡୀ ପାଠକ ଲଭ ମ୍ୟାରେଜ ଲାଗି ଏବେ ଚର୍ଚ୍ଚାରେ

29/11/2019 at 5:26 PM

ନୂଆଦିଲ୍ଲୀ : ସମାଜବାଦୀ ପାର୍ଟିର ପୂର୍ବତନ ଫାୟାରବ୍ରାଣ୍ଡ ନେତ୍ରୀ ପଙ୍ଖୁଡୀ ପାଠକ ଡିସେମ୍ବର ୧ ତାରିଖ ଦିନ ସପାର ପୂର୍ବତନ ଜାତୀୟ ମୁଖପାତ୍ର ଅନୀଲ ଯାଦବଙ୍କୁ ବିବାହ କରିବେ। ଦିଲ୍ଲୀ କେଣ୍ଟସ୍ଥିତ ବସୁନ୍ଧରା ବାଟିକାରେ ସେମାନଙ୍କର ବିବାହ ଅନୁଷ୍ଠିତ ହେବ। ଉଭୟ ପ୍ରେମ ବିବାହ କରୁଛନ୍ତି। ତେବେ ଏଥିଲାଗି ସେମାନଙ୍କ ପରିବାରର ସମ୍ମତି ମଧ୍ୟ ରହିଛି। ସୂଚନା ଯୋଗ୍ୟଯେ ପଙ୍ଖୁଡୀ ସପା ଛାଡିଦେଇଥିବା ବେଳେ ଏବେ କଂଗ୍ରେସରେ ମିଡିଆ ପେନାଲିଷ୍ଟ ଅଛନ୍ତି।

ଏହା ପୂର୍ବରୁ ପଙ୍ଖୁଡୀ ତାଙ୍କର ବୟାନକୁ ନେଇ ପ୍ରାୟତଃ ଗଣମାଧ୍ୟମରେ ଚର୍ଚ୍ଚାରେ ରହିଆସିଛନ୍ତି। ହେଲେ ପ୍ରଥମ ଥର ତାଙ୍କ ବିବାହକୁ ନେଇ ଏବେ ପୁଣି ଥରେ ଶିରୋନାମା ପାଲଟିଛନ୍ତି। ପ୍ରାୟ ସମସ୍ତେ ଜାଣନ୍ତି ପଙ୍ଖୁଡୀ ଅଣରାଜନୈତିକ ପରିବାରରୁ ଆସିଛନ୍ତି। ତେବେ ଆସନ୍ତୁ ଜାଣିବା ପଙ୍ଖୁଡୀ ପାଠକ କିଏ ?

ସପା ମୁଖପାତ୍ର ଥିବା ବେଳେ ଖୁବ୍ କମ ଦିନରେ ରାଜନୀତିରେ ନିଜର ପରିଚୟ ସୃଷ୍ଟି କରିପାରିଥିଲେ ପଙ୍ଖୁଡୀ । ତାଙ୍କ ପିତା ଜେ.ସି.ପାଠକ ଓ ମା ଆରତୀ ପାଠକ ଉଭୟ ପେଷାରେ ଡାକ୍ତର। ସେମାନେ ଦିଲ୍ଲୀରେ ଘରୋଇ ପ୍ରାକ୍ଟିସ କରୁଥିବା ବେଳେ ପଙ୍ଖୁଡୀଙ୍କର ସାନ ଭାଇ ଚିରାଗ ପାଠକ ଏବେ ଗ୍ରାଜୁଏସନ କରୁଛନ୍ତି। ଆଇନ ଛାତ୍ରୀ ପଙ୍ଖୁଡୀ ୨୦୧୦ ମସିହାରେ ଦିଲ୍ଲୀ ବିଶ୍ୱବିଦ୍ୟାଳୟ ନିର୍ବାଚନରେ ହଂସରାଜ କଲେଜରୁ ଯୁଗ୍ମ ସମ୍ପାଦକ ନିର୍ବାଚିତ ହୋଇଥିଲେ। ସେତେବେଳେ ତାଙ୍କର ବୟସ ଥିଲା ମାତ୍ର ୧୮।

ସପା ଛାତ୍ରନେତ୍ରୀ ଭାବେ ପରବର୍ତ୍ତି ବର୍ଷମାନଙ୍କରେ ପାର୍ଟିପକ୍ଷରୁ ଛାତ୍ର ସଂଘ ନିର୍ବାଚନ ପରିଚାଳନା କରୁଥିଲେ। ପଙ୍ଖୁଡୀ ରାଜନୀତିରେ ବେଶ୍ ସକ୍ରିୟଥିଲେ। ସେ ଅଖିଳେଶ ଯାଦବଙ୍କ କ୍ରାନ୍ତି ରଥଯାତ୍ରାରେ ବି ଅଂଶଗ୍ରହଣ କରିଥିଲେ। ରାଜନୀତି ଲାଗି ପଙ୍ଖୁଡୀଙ୍କ ଝୁଙ୍କ ଅଖିଳେଶ ଓ ତାଙ୍କ ପତ୍ନୀ ଡିମ୍ପଲଙ୍କୁ ବେଶ ପ୍ରଭାବିତ କରିଥିଲା। ଏଣୁ ପଙ୍ଖୁଡୀ ଯେତେବେଳେ ଦଳ ଛାଡିଲେ ସେତେବେଳେ ସପାରେ ଅନ୍ତରୀଣ ଦ୍ୱନ୍ଦ୍ୱ ଉପୁଜିଥିଲା। ରାଜନୈତିକ ଜୀବନ ବ୍ୟତୀତ ପଙ୍ଖୁଡୀ ସୋସାଲ ମିଡିଆରେ ବି ଖୁବ୍ ଆକ୍ଟିଭ। ଫେସବୁକ୍ ରେ ତାଙ୍କର ହଜାର ହଜାର ଫଲୋଅର ଥିବା ବେଳେ ଗତ ଲୋକସଭା ନିର୍ବାଚନ ବେଳେ ତାଙ୍କର ଏକ ଟ୍ୱିଟ୍ ବେଶ ଚର୍ଚ୍ଚା ସୃଷ୍ଟି କରିଥିଲା।

   Related Posts