Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

କ’ଣ ପାଇଁ ବିଶ୍ୱରେ ଏତେ ଦୁର୍ଲଭ ‘ମୋନାଲିସା’ ପେଣ୍ଟିଂ, ଜାଣନ୍ତୁ କାରଣ

22/09/2019 at 5:41 PM

ବିଶ୍ୱରେ ଯେତେ କଳାକୃତି ଅଛି ଏଥିରେ ଏକ ପେଣ୍ଟିଂ ‘ମୋନାଲିସା’କୁ  ଖୁବ୍ ଦୁର୍ଲଭ କୁହାଯାଏ । ପ୍ୟାରିସ୍ ର ଲୌଭରେ ସଂଗ୍ରହାଳୟର ପ୍ରଦର୍ଶନୀରେ ଲଗାଯାଇଥିବା ଏହି ପେଣ୍ଟିଂ କୁ ଦେଖିବାକୁ ପ୍ରତ୍ୟହ ଦେଶବିଦେଶରୁ ଛୁଟି ଆସୁଛନ୍ତି ଲୋକେ। ବର୍ଷବର୍ଷରୁ ଲୋକଙ୍କ ଆକର୍ଷଣର କେନ୍ଦ୍ର ପାଲଟିଛି ଏହି ପେଣ୍ଟିଂ। ତେବେ କ’ଣ ପାଇଁ ଏହି ପେଣ୍ଟିଂ ଏତେ ଦୁର୍ଲଭ ଓ ବର୍ଷ ବର୍ଷରୁ ଲୋକଙ୍କ ମନରେ ଏତେ ଆକର୍ଷଣ ଆସନ୍ତୁ ଜାଣିବା।

୩୦ ଇଞ୍ଚରେ ୨୧ ଇଞ୍ଚର ଏହି ପେଣ୍ଟିଂଟି ପ୍ରଖ୍ୟାତ ଚିତ୍ରକର ଲିଓନାର୍ଡ ଦା ଭିନ୍ସିଙ୍କ କୃତି। ଦା ଭିନ୍ସି କେବଳ ଜଣେ ଚିତ୍ରକର ନଥିଲେ, ସମସାମୟିକ ବୈଜ୍ଞାକନିକ ଭାବେ ମଧ୍ୟ ବେଶ ପରିଚିତ ଥିଲେ। ସମ୍ଭବତ ସେ ଏହି ପେଣ୍ଟିଂଟିକୁ ୧୫୦୩-୧୫୦୬ ମଧ୍ୟରେ ଅଙ୍କନ କରିଥିଲେ। ତେବେ ପେଣ୍ଟିଂଟି ୧୫୧୭ ମସିହା ବେଳକୁ ସମ୍ପୂର୍ଣ୍ଣ ହୋଇଥିବାର ଆକଳନ କରାଯାଏ।  ତେବେ ୬ଶହ ବର୍ଷ ପରେ ବି ପେଣ୍ଟିଂରେ ମଳିନତା ବି ପଡିନି। ଏଥିରୁ ପେଣ୍ଟିଂ କେଉଁଥି ଲାଗି ଏତେ ଦୁର୍ଲଭ ତାହା ସହଜରେ ଅନୁମାନ କରାଯାଇପାରେ।

କୁହାଯାଏ ବିଶ୍ୱର କଳାଜଗତକୁ ଦାଭିନ୍ସିଙ୍କର ଏହା ସର୍ବୋତ୍କୃଷ୍ଟ ଉପହାର। ଯେଉଁଥିରେ ସେ କଳା ସାଙ୍ଗକୁ ବିଜ୍ଞାନର ବି ଉପଯୋଗ କରିବାକୁ ଭୁଲି ନଥିଲେ। ପେଣ୍ଟିଂରେ ସେ ଆପଣେଇଥିବା ଗୋଲ୍ଡେନ ରେସିଓ ବା ଦିବ୍ୟ ଅନୁପାତର ରହସ୍ୟ ଆଜିବି  କଳାକାର ଓ ବୈଜ୍ଞାନିକ ଭେଦ କରିପାରିନାହାନ୍ତି। ଏହି ଅନୁପାତ ହିଁ ପେଣ୍ଟିଂକୁ ଦେଖୁଥିବା ଲୋକକୁ ଅଭିଭୂତ କରିଥାଏ। ଏଣୁ ସଂଗ୍ରହାଳୟରେ ମୋନାଲିସା ଠାରୁ ବି ସୁନ୍ଦରସୁନ୍ଦର ପେଣ୍ଟିଂ ଥିଲେ ବି ଲୋକେ ମୋନାଲିସା ଆଗରେ ଘଣ୍ଟାଘଣ୍ଟା ଛିଡା ହୋଇ ଏହାକୁ ନିରିକ୍ଷଣ କରୁଥିବା ଦେଖାଯାଆନ୍ତି।

ସେହିପରି ପେଣ୍ଟିଂରେ ମୋନାଲିସାର ହସ ମଧ୍ୟ ବର୍ଷବର୍ଷରୁ ରହସ୍ୟ ହୋଇ ଆସିଛି। ପେଣ୍ଟିଂର ସ୍ମିତ ହାସ୍ୟ ବା ଇଂରାଜୀରେ ସ୍ମିର୍କର ଏପର୍ଯ୍ୟନ୍ତ ବର୍ଗିକରଣ ହୋଇପାରିନଥିବା ବେଳେ ନାରୀ ହସର ଅନେକ ରହସ୍ୟକୁ ଏହା ବଖାଣି ଆସୁଛି। ପେଣ୍ଟିଂର ଏହି ହସ ହିଁ ସାଧାରଣ ଦର୍ଶକକୁ ଜଣେ ତଟସ୍ଥ ଦର୍ଶକରୁ ସକ୍ରିୟ ଲିପ୍ତ ପାତ୍ରରେ ପରିବର୍ତ୍ତିତ କରୁଛି। ତେବେ ମୋନାଲିସାର ଆହୁରି ଏକ ସିଦ୍ଧାନ୍ତ ହେଉଛି ଏହା କୌଣସି ସୁନ୍ଦରୀ ମହିଳାଙ୍କ ପେଣ୍ଟିଂ ନୁହେଁ ନିଜେ ଦାଭିନ୍ସିଙ୍କ ପେଣ୍ଟିଂ ବୋଲି ବି ଏବେ କୁହାଗଲାଣି। ତେବେ କେବଳ ଏତିକି ନୁହେଁ ମୋନାଲିସା ଦୁର୍ଲଭ ହେବାର ଆହୁରି ବି ଅନେକ କାରଣ ରହିଛି। ଯଦି କେବେ ସୁଯୋଗ ମିଳେ ପ୍ୟାରିସ୍ ଯାଉଥିଲେ ଥରେ ନିଶ୍ଚିତ ଲୌଭରେ ଯାଇ ପେଣ୍ଟିଂକୁ ନିଜେ ଅୁଭବ କରନ୍ତୁ ଆଉ ଜାଣନ୍ତୁ କାହିଁକି ଦୁର୍ଲଭ।

   Related Posts