Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫେବୃଆରୀ ୨ରେ ପ୍ରକାଶ ପାଇବ ସିବିଏସଇ ଦଶମ ଓ ଦ୍ବାଦଶ ପରୀକ୍ଷା ସୂଚୀ
  • ||
  • ରାସ୍ତା କାର୍ଯ୍ୟର ତଦାରଖ କଲେ ସାଂସଦ ମଞ୍ଜୁଲତା ମଣ୍ଡଳ, ପିଚୁ ଉଠିଯାଉଥିବା ନେଇ ହୋଇଥିଲା ଅଭିଯୋଗ
  • ||
  • ମୁନିଗୁଡା : ମାଲବାହୀ ଟ୍ରେନ୍‌ର ୪ଟି ବଗି ଲାଇନଚ୍ୟୁତ, ରାୟଗଡା-ଟିଟିଲାଗଡ ମଧ୍ୟରେ ରେଳ ଚଳାଚଳ ବାଧାପ୍ରାପ୍ତ
  • ||
  • ଭୁବନେଶ୍ବର : ପିପିଲି ଉପନିର୍ବାଚନ ପାଇଁ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ବ ଦେଲା ବିଜେଡି
  • ||
  • କୋରାପୁଟ : ଘାଟିରେ ସିରିଜ୍ ଦୁର୍ଘଟଣା, ତେଲ ଟ୍ୟାଙ୍କରକୁ ପିଟିଲା ଟ୍ରକ୍, ବ୍ରେକ୍ ଫେଲ୍ ହେବାରୁ ଟ୍ରକ୍କୁ ଧକ୍କାଦେଲା ପିକଅପ୍ ଭ୍ୟାନ୍
  • ||
  • ରାଉରକେଲା : ଯୁବକଙ୍କ ଗଳିତ ମୃତଦେହ ଉଦ୍ଧାର, ଶନିବାର ରାତିରୁ ଥିଲେ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୧୩ କୋଭିଡ୍ ପଜିଟିଭ୍‌, ୩୩୪୭୮୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜଗତସିଂହପୁର : ବ୍ୟାଙ୍କ୍ ଲୁଟ୍ ଉଦ୍ୟମ ପଣ୍ଡ, ଆଲମିରାରେ ନିଆଁ ଲାଗି ପୋଡିଗଲା ବହୁ ଗୁରୁତ୍ବପୂର୍ଣ୍ଣ କାଗଜପତ୍ର
  • ||
  • ଯାଜପୁର : ରାସ୍ତାକଡରୁ ରମାଦେବୀ ଛାତ୍ରୀଙ୍କ ମୃତଦେହ ମିଳିବା ଘଟଣାରେ ୨ ଅଭିଯୁକ୍ତକୁ ଚିହ୍ନଟ କଲା ପୋଲିସ
  • ||
  • ଆଠମଲ୍ଲିକ : ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ଚାଲିଗଲା ନିଜ ଜୀବନ
  • ||

ବିସିଜି ଟୀକା କରୋନା ମୁକାବିଲାରେ ସହାୟକ ହେବ କି ? ଜାଣନ୍ତୁ କ’ଣ କହୁଛନ୍ତି ବିଶେଷଜ୍ଞ

15/04/2020 at 8:57 AM

ନୂଆଦିଲ୍ଲୀ ୧୫।୪: କରୋନା ଭାଇରସ୍ ସାରା ବିଶ୍ବରେ ତାର କାୟା ବିସ୍ତାର କରିଚାଲିଛି । ଭାରତରେ ମଧ୍ୟ କରୋନା ରୋଗୀଙ୍କ ସଂଖ୍ୟା ୧୦,୦୦୦ ଅତିକ୍ରମ କରିସାରିଲାଣି । ତେବେ କରୋନା ସଙ୍କଟ ସମୟରେ ଲୋକଙ୍କ ମନରେ ଅନେକ ପ୍ରକାରର ପ୍ରଶ୍ନ ଉଠିଛି । କରୋନାରୁ ମୁକ୍ତି ପାଇବା ପାଇଁ ସାରା ବିଶ୍ବରେ ଅନୁସନ୍ଧାନ କରାଯାଉଛି । ଏହି ସମୟରେ ବିଭିନ୍ନ ପ୍ରକାରର ଟୀକାର ଭାଇରସ୍ ଉପରେ ପ୍ରଭାବ ବିଷୟରେ ଦାବି କରାଯାଇଛି ।

ତେବେ ଏଠାରେ ଏଭଳି ଏକ ପ୍ରଶ୍ନ ଉଠୁଛି ଯେ କ’ଣ ବିସିଜି ଟୀକା ଦ୍ବାରା କରୋନା ଭାଇରସ୍ ଉପରେ ବ୍ରେକ୍ ଲଗାଯାଇପାରିବ । ସଂକ୍ରମଣକୁ ରୋକିବା ପାଇଁ ବିସିଜି ଟୀକା କେତେ ପ୍ରଭାବଶାଳୀ ଏକ ଗଣମାଧ୍ୟମକୁ କହିଛନ୍ତି ଦିଲ୍ଲୀ ସ୍ଥିତ AIIMSର ନିର୍ଦ୍ଦେଶକ ଡକ୍ଟର ରଣଦୀପ ଗୁଲେରିଆ ।

ସେ କହିଛନ୍ତି ଯେ, ବିସିଜି ଉପରେ ଜନ୍ ହପକିନ୍ସ ବିଶ୍ବବିଦ୍ୟାଳୟର ଅନୁସନ୍ଧାନରୁ ଜଣାପଡିଛି ଯେ ଯେଉଁଠାରେ ବିସିଜି ଟୀକା ଦିଆଯାଇଛି ସେଠାରେ କୋଭିଡ-୧୯ ସଂକ୍ରମଣ କମ୍ ଅଛି । ଯଦିଓ ସଂକ୍ରମଣ ହ୍ରାସର କାରଣ ହେଉଛି ବିସିଜି ଟୀକା, ତଥାପି ଏହା ସମ୍ପୂର୍ଣ୍ଣ ସ୍ପଷ୍ଟ ହୋଇନାହିଁ । ବୈଜ୍ଞାନିକ ତଥ୍ୟରୁ ଜଣାପଡିଛି ଯେ କୌଣସି ରୋଗରେ ଏହି ଟୀକା ଦ୍ବାରା ରୋଗ ପ୍ରତିରୋଧକ ଶକ୍ତି ବଢିଯାଇଥାଏ । କିନ୍ତୁ କୋଭିଡ-୧୯ ମାମଲାରେ ଏହା କାମ କରିବ କି ନାହିଁ ଏହା କହିବା କଷ୍ଟକର ।

ସେ ଆହୁରି କହିଛନ୍ତି ଯେ, ଜନ୍ମ ସମୟରେ ପିଲାମାନଙ୍କୁ ବିସିଜି ଟୀକା ଦିଆଯାଇଥାଏ । ଦେଶର ପ୍ରାୟ ସମସ୍ତ ଲୋକଙ୍କୁ ପୂର୍ବରୁ ବିସିଜି ଟୀକା ଦିଆସରିଛି । ଏଭଳି ପରିସ୍ଥିତିରେ ପ୍ରଶ୍ନ ଉଠୁଛି ଯେ ଯେଉଁମାନେ ଭାଇରସରେ ଆକ୍ରାନ୍ତ ହେଉଛନ୍ତି ସେମାନଙ୍କୁ ଆଉ ଥରେ ଏହି ଟୀକା ଦେବା ଆବଶ୍ୟକ କି । ଦ୍ବିତୀୟ ଇଞ୍ଜେକ୍ସନ୍ ରୋଗ ପ୍ରତିରୋଧକ ଶକ୍ତି ବଢାଇବାରେ କାମ କରେ କି ? ମୁଁ ଭାବୁଛି ଏହା ଉପରେ ଏବେ ଅଧିକ ଗବେଷଣାର ଆବଶ୍ୟକତା ରହିଛି ।

   Related Posts