Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ଫିଙ୍ଗର ପ୍ରିଣ୍ଟରୁ ଜାଣି ହେଉଛି ଲୋକଙ୍କ ଦାନ୍ତର ସ୍ବାସ୍ଥ୍ୟ, ଜାଣନ୍ତୁ କିପରି

20/05/2019 at 5:00 PM

ଲୋକଙ୍କଠାରେ  ଦେଖା ଦେଉଥିବା ଦାନ୍ତ ସମ୍ବଦ୍ଧିତ ସମସ୍ୟା ଏବେ ଶୈଶବାବସ୍ଥାରୁ ହିଁ ଜାଣିହେବ। ଶିଶୁଙ୍କ ଫିଙ୍ଗରପ୍ରିଣ୍ଟ ଏହା ଜଣାଇ ଦେଉଛି। ଲକ୍ଷ୍ନୌସ୍ଥିତ କିଙ୍ଗ ଜର୍ଜ ୟୁନିଭର୍ସିଟି ଏହି ସୂଚନା ଦେଇଛନ୍ତି । ବିଶ୍ବବିଦ୍ୟାଳୟର ଗବେଷଣାରୁ ଫିଙ୍ଗରପ୍ରିଣ୍ଟ ଦ୍ବାରା ଶିଶୁଙ୍କ ଦାନ୍ତ ସମ୍ବଦ୍ଧିତ ସମସ୍ୟା ପିଲା ଦିନରୁହିଁ ଜାଣି ହେଉଥିବା ଜଣାପଡିଛି। ଏଣୁ ବାଲ୍ୟକାଳରୁ ଏହାର ସଠିକ ନିଦାନ କରାଯାଇ ପାରିଲେ ବଡ ଦିନରେ ସେ ସବୁ ସମସ୍ୟା ରହିବ ନାହିଁ ବୋଲି ବିଶ୍ବବିଦ୍ୟାଳୟ ପକ୍ଷରୁ ଆଶାବ୍ୟକ୍ତ କରାଯାଇଛି।

ଏହି ଗବେଷଣାରୁ ଆଉ ଗୋଟିଏ କଥା ମଧ୍ୟ ସାମ୍ନାକୁ ଆସିଛି। ଦାନ୍ତ ସମ୍ପର୍କିତ ସମସ୍ତ ରୋଗ ଆନୁବଂଶିକ ବା ଜେନେଟିକ୍। ଏଣୁ ଦାନ୍ତର ସମସ୍ୟା ଜାଣିବା ପାଇଁ ନିଆଯାଉଥିବା ଫିଙ୍ଗରପ୍ରିଣ୍ଟର ସିଧା ସମ୍ପର୍କ ଶିଶୁର ଜିନ ସହ ରହିଥାଏ। ଏଣୁ ଦନ୍ତ ରୋଗର ଏବେ ସମ୍ପୂର୍ଣ୍ଣ ନିଦାନ ସମ୍ଭବ ହୋଇ ପାରିବ। ଏଥିରେ ଶିଶୁଙ୍କ ଫିଙ୍ଗରପ୍ରିଣ୍ଟକୁ ୩ ଭାଗରେ ବିଭକ୍ତ କରାଯାଇଛି । ଟ୍ରୁବର୍ଲ, ଲୁପସ୍ ଓ ପ୍ଲେନ ଆର୍ଚ୍ଚରେ ବିଭକ୍ତ ଫିଙ୍ଗରପ୍ରିଣ୍ଟରୁ ଶିଶୁଙ୍କ ଦାନ୍ତାର ସଂରଚନା ମଧ୍ୟ ଡାକ୍ତର ବେଶ ସହଜରେ ଜାଣି ପାରୁଛନ୍ତି।

ଟ୍ରୁବର୍ଲ ଫିଙ୍ଗର ପ୍ରିଣ୍ଟ ଶିଶୁଙ୍କ ଦାନ୍ତର ସଂରଚନା ସାଧାରଣ। ତେବେ ଲୁପସ ଫିଙ୍ଗରପ୍ରିଣ୍ଟ ଶିଶୁଙ୍କ ଉପରମାଢି ସାମାନ୍ୟ ଆଗକୁ ରହୁଥିବା ବେଳେ ପ୍ଲେନ ଆର୍ଚ୍ଚ ଶିଶୁଙ୍କ ତଳ ମାଢି ଆଗକୁ ରହିଥାଏ। ଶିଶୁଙ୍କ ଦାନ୍ତ ଓ ମାଢିର ପରିବର୍ତ୍ତନ ସେମାନଙ୍କ ଜନ୍ମରୁ ଆରମ୍ଭ କରି ବୃଦ୍ଧ ହେବା ପର୍ଯ୍ୟନ୍ତ ଜାରି ରହିଥାଏ। ଏଣୁ ଶିଶୁ ୩ରୁ ୪ ବର୍ଷର ହୋଇଥିବା ବେଳେ ତାର ଦାନ୍ତ ସମସ୍ୟାର ସମାଧାନ ପାଇଁ ଫିଙ୍ଗରପ୍ରିଣ୍ଟ ନିଆଗଲେ ବୟସ୍କ ହେବା ପରେ ବି ହେବାକୁ ଥିବା ଦାନ୍ତର ସମସ୍ୟା ସମାଧାନ କରିହେବ। ଏହି ଗବେଷଣାରେ ବିଶ୍ବବିଦ୍ୟାଳୟ ପକ୍ଷରୁ ୧୨ରୁ ୧୬ ବର୍ଷର ଆୟୁ ବର୍ଗର ୨୩୭ ଜଣ ପିଲାଙ୍କୁ ସାମିଲ କରାଯାଇଥିଲା।   

   Related Posts