Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||
  • ମାଲକାନଗିରି : କମ୍ବିଂ ଅପରେସନ ସାରି ଫେରୁଥିବା ବେଳେ ଲ୍ୟାଣ୍ଡମାଇନ ବିସ୍ଫୋରଣ : ଆସିଷ୍ଟାଣ୍ଡ କମାଣ୍ଡାଣ୍ଟ୍ ସହିଦ, ୯ଯବାନ ଆହତ
  • ||

ସୁନା ଦରରେ ୧୬୨ ଓ ରୂପା କେଜି ପିଛା ଦରରେ ସିଧା ୬୫୭ ଟଙ୍କା ହ୍ରାସ

28/01/2020 at 6:32 PM

ନୂଆଦିଲ୍ଲୀ୨୮।୧: ପୁଣି କମିଲା ସୁନା ଓ ରୂପା ଦର। ଦିଲ୍ଲୀ ସର୍ରଫା ବଜାରରେ ସୋମବାର ପ୍ରତି ୧୦ ଗ୍ରାମ ସ୍ୱର୍ଣ୍ଣଳଙ୍କାର ୪୧ ହଜାର ୪୫୬ ଟଙ୍କା ଦରରେ ବିକ୍ରି ହେଉଥିବା ବେଳେ ମଙ୍ଗଳବାର ଏଥିରେ ସିଧା ୧୬୨ ଟଙ୍କା  ହ୍ରାସ ହୋଇଛି। ଫଳରେ ଏବେ ପ୍ରତି ୧୦ ଗ୍ରାମ ସୁନାଦର ୪୧ହଜାର ୨୪୯ ଟଙ୍କାରେ ବିକ୍ରି ହେଉଛି।

ସେହିପରି ରୂପାର ଚମକ୍ ମଧ୍ୟ ହଜିଛି। ପ୍ରତି କେଜି ରୂପା ଦରରେ ୬୫୭ ଟଙ୍କା ହ୍ରାସ ହୋଇଛି। ଫଳରେ କେଜି ପିଛା ୪୮ ହଜାର ୧୮୪ ଟଙ୍କା ଦରରେ ବିକ୍ରି ହେଉଥିବା ରୂପାଦର ମଙ୍ଗଳବାର ୪୭ ହଜାର ୫୨୭ଟଙ୍କାକୁ ଖସିଛି। ଏଚଡିଏଫସି ସିକ୍ୟୁରିଟିଜର  ବରିଷ୍ଠ ସମୀକ୍ଷକ (କମୋଡିଟି) ତପନ ପଟେଲଙ୍କ କହିବା ଅନୁସାରେ ଦିଲ୍ଲୀରେ ୨୪ କ୍ୟାରେଟ୍‌ ସୁନାର ମୂଲ୍ୟ ୧୬୨ ଟଙ୍କା ପର୍ଯ୍ୟନ୍ତ ହ୍ରାସ ପାଇଛି। ଡଲାର ତୁଳନାରେ ଟଙ୍କା ଆହୁରି ୧୧ ପଇସା ମଜଭୁତ ହେବା ସ୍ୱର୍ଣ୍ଣଳଙ୍କାର ବଜାରରେ ହ୍ରାସ ଦେଖାଦେଇଛି।

ମଙ୍ଗଳବାର ଫୋରେକ୍ସ ଟ୍ରେଡିଂ ଆରମ୍ଭରେ ଟଙ୍କା ଡଲାର ତୁଳନାରେ ୬ ପଇସା ବଢି ୭୧.୩୭ ପଇସାରେ କାରବାର ହୋଇଥିଲା। ହେଲେ ଏଥିରେ ପୁଣି ହ୍ରାସ ଟଙ୍କାକୁ ସୁହାଇଛି। ଚୀନ ଏବେ କରୋନା ଭାଇରସ ଯୋଗୁ ଅଧା ବନ୍ଦ ଅବସ୍ଥାକୁ ଚାଲିଆସିଛି। ଭୂତାଣୁ ସଂକ୍ରମଣ ରୋକିବା ଲାଗି ସରକାର ଛୁଟି ସମ୍ପ୍ରସାରିତ କରିଥିବା ବେଳେ ବେପାର ବଣିଜରେ ବି ହ୍ରାସ ଦେଖାଦେଇଛି। ଏଣୁ ନିବେଶକ ଏବେ ଭୂତାଣୁ ସଂକ୍ରମଣର ଗୁରୁତ୍ୱକୁ ବଜାରରେ ତଉଲୁଥିବା କହିଛନ୍ତି ପଟେଲ। ସେପଟେ ଅନ୍ତର୍ଜାତୀୟ ବଜାରରେ ସୁନା ଓ ରୂପା ଦରରେ ହ୍ରାସ ଦେଖାଦେଇଛି। ଏବେ ସୁନା ପ୍ରତି  ଆଉନ୍ସ ହଜାର ୫୭୯ ଡଲାରରେ ବିକ୍ରି ହେଉଛି। ସେହିପରି ରୂପା ଆଉନ୍ସ ପିଛା ମୂଲ୍ୟ ୧୮ ଡଲାର ଥିବା ଦେଖାଯାଇଛି।  

   Related Posts