Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଣ୍ଡଳିରୁ ଭାସି ଯାଇଛି ହାତୀ, ଠାବ ହୋଇପାରିନି ଅବସ୍ଥିତି
  • ||
  • ଅରିନ୍ଦମ ଦାସଙ୍କୁ ଶ୍ରଦ୍ଧାଞ୍ଜଳି, ଗୁରୁତରଙ୍କ ଆସୁ ଆରୋଗ୍ୟ କାମନା କରି ଭଦ୍ରକ ଜିଲ୍ଲା ସାମ୍ବାଦିକଙ୍କ କ୍ୟାଣ୍ଡେଲ ଶୋଭାଯାତ୍ରା
  • ||
  • ଉଦଳା : ନିଜେ ବିଷ ପିଇ ଦୁଇ ଶିଶୁ କନ୍ୟାଙ୍କୁ ପିଆଇଦେଲା, ଚିକିତ୍ସାଧିନ ଅବସ୍ଥାରେ ଚାଲିଗଲା ମା’ର ଜୀବନ
  • ||
  • କଟକ : ମୁଣ୍ଡଳୀରେ ବୋଟ୍ ଦୁର୍ଘଟଣାରେ ସମ୍ବାଦଦାତା ଅରିନ୍ଦମ୍ ଦାସଙ୍କ ଅକାଳ ବିୟୋଗ, ଗଜ ଉଦ୍ଧାର ଖବର ଆଣିବାକୁ ଓଡ୍ରାଫ୍ ଟିମ୍ ସହ ଯାଇଥିଲେ
  • ||
  • କଟକ : ମୁଣ୍ଡଳୀ ବ୍ୟାରେଜରେ ଫସିଥିବା ହାତୀକୁ ଉଦ୍ଧାର ବେଳେ ଓଲଟିଲା ଓଡ୍ରାଫ୍ ବୋଟ୍
  • ||
  • ଭୁବନେଶ୍ବର କୋର୍ଟ ପରିସର ୩ଦିନ ସିଲ୍, ଜୁଡିସିଆଲ୍ କର୍ମଚାରୀ ଓ ଆଇନଜୀବୀ କରୋନା ପଜିଟିଭ୍ ପରେ ପଦକ୍ଷେପ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||

ମୌଲାନା ମାସୁଦ ଅଜହରକୁ ଆନ୍ତର୍ଜାତିକ ଆତଙ୍କବାଦୀ ଘୋଷିତ କରିବା ବିପକ୍ଷରେ କାହିଁକି ଚୀନ ରହିଛି ଜାଣନ୍ତୁ

16/02/2019 at 4:10 PM

ନୂଆଦିଲ୍ଲୀ୧୫|୨: ଜମ୍ମୁ କଶ୍ମୀରର ପୁଲୱାମାରେ ବଡ ଧରଣର ଆତଙ୍କି ହମଲା ପରେ ଏବେ ସମସ୍ତଙ୍କ ନଜର ଚୀନ ଉପରେ ରହିଛି । କାରଣ ଚୀନ ଏକମାତ୍ର ଦେସ ଯେ, କି ମାସୁଦ ଅଜହରକୁ ଆତଙ୍କବାଦୀ ଆଖ୍ୟା ଦେବା ସପକ୍ଷରେ ନାହିଁ । ସୁଚନାଯୋଗ୍ୟ ଯେ, ୪୨ଜଣ ଜବାନ ସହିଦ ହେବା ପାଇଁ ମସୁଦ ଅଜହରର ଜୈଶ ଏ ମହମ୍ମଦ ଆତଙ୍କି ସଂଗଠନ ଦାୟୀ । ଏହି ସଂଗଠନର ମୁଖ୍ୟ ଆଡ୍ଡା ପାକିସ୍ତାନର ରାଓଲପିଣ୍ଡିରେ ରହିଛି ।

୨୦୦୦ମସିହାରେ ମୌଲାନା ମାସୁଦ ଅଜହର ପାକିସ୍ତାନରେ ପରଭେଜ ମୁସ୍ରଫଙ୍କ ଶାସନକାଳରେ ଜୈଶ୍‌ ର ସ୍ଥାପନା କରିଥିଲା । ସେବେଠାରୁ ଭାରତ ବିରୋଧରେ ପାକିସ୍ତାନ ରାଷ୍ଟ୍ରଶକ୍ତିକୁ ଭାରତ ବିରୋଧରେ ବ୍ୟବହାର କରିବାରେ ଲାଗିଛି । ଏହି ସଂଗଠନର ପ୍ରାଧନ୍ୟ ସମ୍ପର୍କରେ ଗୋଟିଏ ତଥ୍ୟରୁ ବେଶ ବୁଝାପଡେ । ଜୈଶ-ଏ-ମହମ୍ମଦ ଏବଂ ଅଜହରକୁ ଆନ୍ତର୍ଜାତିକ ଆତଙ୍କବାଦୀ ଘୋଷଣା କରିବା ପାଇଁ ଜାତିସଂଘରେ ଭାରତ, ଆମେରିକା ଏବଂ ବ୍ରିଟେନର ଚାପ ସତ୍ତ୍ବେ ଚୀନ ତାକୁ ସୁରକ୍ଷା ଦେଇ ଆସୁଛି । ସୂଚନାଯୋଗ୍ୟ ଯେ, ଅଲ-ରହମତ ଟ୍ରଷ୍ଟ ନାମକ ଏକ ସ୍ବେଚ୍ଛାସେବୀ ସଂଗଠନ ଆଳରେ ଅଜହର ଆତଙ୍କି ସଂଘଠନ ଚଳାଇଆସୁଛି । ଏହି ସ୍ବେଚ୍ଛାସେବୀ ସଂଗଠନ ଆଧାରରେ ଅଜହରକୁ ପାକିସ୍ତାନ ସମାଜସେବୀର ଆଖ୍ୟା ଦେଇଆସୁଛି । ନିଜ ସ୍ବାର୍ଥ ପାଇଁ ଏଭଳି ଭୟଙ୍କର ଆତଙ୍କବାଦୀ ଓ ସଂଗଠନ ଉପରେ ଆନ୍ତର୍ଜାତିକ ସ୍ତରରେ କଟକଣା ଜାରି କରିବା ପାିଁ ସମସ୍ତ ଉଦ୍ୟମକୁ ଚୀନ ପାଣି ଫଟାି ଆସୁଛି । ପୁଲୱାମା ଘଟଣା ପରେ ଆଶା କରାଯାଉଥିୁଲା ଯେ, ହୁଏତ ଅଜହର ସମ୍ପର୍କରେ ଚୀନ ତାର ଆଭିମୁଖ୍ୟରେ ପରିବର୍ତ୍ତନ ଆଣିବ । କିନ୍ତୁ ସେଭଳି କିଛି ପରିବର୍ତ୍ତନର ସୂଚନା ମିଳୁନାହିଁ ।

କହିବାକୁ ଗଲେ ଦକ୍ଷିଣ ଏସିଆର ଦୁଇ ପ୍ରମୁଖ ଦେଶ ଭାରତ ପାକିସ୍ତାନ ମଧ୍ୟରେ ଅଶାନ୍ତି ଲାଗି ରହିଲେ ହିଁ ଚୀନ ସୁରକ୍ଷିତ ଏବଂ ଲାଭବାନ ହେବ ବୋଲି ଧରିନେଇଛି । ୧୯୬୧ ମସିହା ଯୁଦ୍ଧର ପ୍ରତିଶୋଧ କେତେବେଳେ ବି ଭାରତ ନେଇପାରେ ବୋଲି ମଧ୍ୟ ଚୀନ ଆଶଂକା କରୁଛି । ଅର୍ଥନୈତିକ ଦୃଷ୍ଟିରୁ ସଂଘର୍ଷ କରୁଥିବା ପାକିସ୍ତାନକୁ ସହାୟତା ପ୍ରଦାନ କରି ଚୀନ ଭାରତ ବିପକ୍ଷରେ ଅସ୍ତ୍ର କରିଛି । ଅପରପକ୍ଷରେ ଆତଙ୍କୁ କାର୍ଯ୍ୟକଳାପ ପାଇଁ ଅଜହର ବେଶ ପ୍ରସିଦ୍ଧି ଲାଭ କରିଥିବାରୁ ଅଜହରକୁ ମଧ୍ୟ ଚୀନ ବ୍ରହ୍ମସ୍ତ୍ର ବୋଲି ବିଚାର କରୁଛି ।

ପୁଲୱାମା ଘଟଣାପରେ ଚୀନ ବୈଦେଶିକମନ୍ତ୍ରୀ  ଜେଙ୍ଗ୍‌ ଶୁଆଙ୍ଗ୍‌ ଏ ପ୍ରସଂଗରେ ଚୀନ ସରକାରଙ୍କ ଆଭିମୁଖ୍ୟ ସ୍ପଷ୍ଟ କରିଛନ୍ତି । ସେ କହିଛନ୍ତି ଯେ, ଏଭଳି ଯେ କୌଣସି ଆକ୍ରମଣକୁ ଚୀନ ନିନ୍ଦା କରିବା ସହ ସହିଦ ଯବାନଙ୍କ ପରିବାର ପ୍ରତି ସମବେଦନା ଜ୍ଞାପନ କରୁଛି । ଅପରପକ୍ଷରେ ଅଜହରକୁ ଆନ୍ତର୍ଜାତିକ ଆତଙ୍କବାଦୀ ଘୋଷଣା ସମ୍ପର୍କରେ ଏକ ପ୍ରଶ୍ନକୁ ଏଡାଇଯିବା ଢଂଗରେ କହିଥିଲେ ଯେ, ଜାତିସଂଘର ଆତଙ୍କବାଦୀ ତାଲିକାରେ ଅଜହର ରହିଛି । ଦୁଇ ଦେଶ ଭାରତ ଓ ପାକିସ୍ତାନ ଆପୋସ ଆଲୋଚନା ମଧ୍ୟରେ ସମସ୍ୟାର ସମାଧାନ ପାଇଁ ମଧ୍ୟ ଚୀନ ବୈଦେଶିକ ମନ୍ତ୍ରୀ ପରାମର୍ଶ ଦେଇଥିଲେ । ସୂଚନା ଯୋଗ୍ୟ ଯେତେ ଥର ଅଜହର ପ୍ରସଂଗ ଜାତିସଂଘରେ ଉଠିଛି ପ୍ରତିଥର ଚୀନ ଅଜହର ସପକ୍ଷରେ ଠିଆ ହୋଇଛି । ତେବେ ଆମେରିକା, ଫ୍ରାନ୍ସ ଏବଂ ବ୍ରିଟେନ ଏ ପ୍ରସଂଗରେ ଭାରତ ସପକ୍ଷରେ ରହିଛନ୍ତି ।

   Related Posts