Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

ପଞ୍ଚମୁଖୀ ହନୁମାନଙ୍କ ପୂଜା କଲେ ମିଳିଥାଏ ଅନେକ ଲାଭ: କାହିଁକି ଏହି ରୂପ ଧାରଣ କରିଥିଲେ ହନୁମାନ, ଜାଣନ୍ତୁ ରୋଚକ କଥା

10/11/2020 at 12:43 PM

ଭୁବନେଶ୍ୱର ୧୦/୧୧ : ପ୍ରଭୁ ଶ୍ରୀରାମଙ୍କ ପରମ ଭକ୍ତ ହନୁମାନ ସର୍ବଦା ନିଜ ଭକ୍ତଙ୍କ କଷ୍ଟ ଦୂର କରିଥାନ୍ତି। ସେଥିପାଇଁ ହନୁମାନଙ୍କୁ ସଙ୍କଟମୋଚନ ମଧ୍ୟ କୁହାଯାଏ। ଶ୍ରଦ୍ଧାର ସହ ଆରାଧନା କଲେ ହନୁମାନ ଖୁବ ଶୀଘ୍ର ପ୍ରସନ୍ନ ହୋଇଯାନ୍ତି। ହନୁମାନ ପ୍ରଭୁ ଶ୍ରୀରାମଙ୍କ ପରମ ଭକ୍ତ ହୋଇଥିବାରୁ ତାଙ୍କ ଶରଣାଗତ ହେଲେ ଭକ୍ତଙ୍କ ସବୁ ସଙ୍କଟ ଦୂର ହୋଇଥାଏ। ହନୁମାନ କଳିଯୁଗର ଦେବତା। ହନୁମାନ କାହିଁକି ପଞ୍ଚମୁଖୀ ରୂପ ଧାରଣ କରିଥିଲେ ଏବଂ ତାଙ୍କ ପୂଜା ଦ୍ୱାରା କଣ ଲାଭ ମିଳିଥାଏ ଜାଣନ୍ତୁ :

ହନୁମାନ ପଞ୍ଚମୁଖୀ ରୂପ ଧାରଣ କରିବା ପଛରେ ଏକ ପ୍ରଚଳିତ କାହାଣୀ ରହିଛି। ଏହି କଥା ଅନୁସାରେ ଯେତେବେଳେ ଶ୍ରୀରାମଙ୍କ ସହ ଯୁଦ୍ଧରେ ରାବଣ ନିଜର ପରାଜୟର ଆଭାସ ପାଇଥିଲେ ସେ ନିଜ ଭାଇ ଅହିରାବଣକୁ ସାହାଯ୍ୟ ମାଗିଥିଲେ। ଅହିରାବଣ ମାୟା ଜାଲରେ ଶ୍ରୀରାମଙ୍କ ପୁରା ସେନାକୁ ଶୁଆଇଦେଲେ ଓ ରାମ ଲକ୍ଷ୍ମଣଙ୍କୁ ବନ୍ଧକ କରି ପାତାଳଲୋକକୁ ନେଇ ଚାଲିଗଲେ। ଯେତେବେଳେ ସମସ୍ତଙ୍କୁ ହୋସ ଆସିଲା ବିଭୀଷଣ ପୁରା ଚାଲ ବୁଝି ପାରିଥିଲେ ଓ ହନୁମାନଙ୍କୁ ପାତାଳଲୋକ ଯିବାକୁ କହିଥିଲେ।

ଏହାପରେ ହନୁମାନ ଶ୍ରୀରାମ ଓ ଲକ୍ଷ୍ମଣଙ୍କୁ ଖୋଜିବାକୁ ପାତାଳଲୋକରେ ପହଞ୍ଚିଲେ। ସେଠାରେ ସେ ପ୍ରଥମେ ମକରଧ୍ବଜକୁ ପରାସ୍ତ କରିଥିଲେ ଓ ଅହିରାବଣ ସହ ଯୁଦ୍ଧ କରିବାକୁ ଯାଇ ପହଞ୍ଚିଲେ। କିନ୍ତୁ ଅହିରାବଣ ୫ଟି ଦିଗରେ ଦୀପ ଲଗାଇଥିଲା ଏବଂ ଅହିରାବଣକୁ ବରଦାନ ମିଳିଥିଲା ଯେ ଯିଏ ଏହି ୫ଟି ଦୀପ ଏକାସଙ୍ଗେ ଲିଭେଇଦେବ ସେ ହିଁ ତାର ବଧ କରିପାରିବ। ଏହି ପରିସ୍ଥିତିକୁ ଦେଖି ହନୁମାନ ପଞ୍ଚମୁଖୀ ରୂପ ଧାରଣ କଲେ ଓ ୫ଟି ଦୀପ ଏକାସଙ୍ଗେ ଲିଭାଇ ଅହିରାବଣର ବଧ କରିଥିଲେ। ପଞ୍ଚମୁଖରେ ଉତ୍ତର ଦିଗରେ ବରାହ ମୁଖ, ଦକ୍ଷିଣ ଦିଗରେ ନରସିଂହ ମୁଖ, ପଶ୍ଚିମରେ ଗରୁଡ ମୁଖ, ଆକାଶ ଆଡକୁ ହୟଗ୍ରୀବ ମୁଖ ଓ ପୂର୍ବ ଦିଗରେ ହନୁମାନ ମୁଖ।

ପଞ୍ଚମୁଖୀ ହନୁମାନଙ୍କ ପୂଜା କଲେ ବହୁ ଲାଭ ମିଳିଥାଏ। ଘରେ ପଞ୍ଚମୁଖୀ ହନୁମାନଙ୍କ ପ୍ରତିମା କିମ୍ବା ଫଟୋ ପୂଜା କଲେ ମଙ୍ଗଳ, ଶନି, ପିତୃ ଦୋଷରୁ ମୁକ୍ତି ମିଳିଥାଏ ବୋଲି କୁହାଯାଏ। କିନ୍ତୁ ଏହି ପ୍ରତିମା ଦକ୍ଷିଣ ଦିଗରେ ସ୍ଥାପନା କରି ପୂଜା କରିବା ଉଚିତ। ଏଥିପ୍ରତି ବିଶେଷ ଦୃଷ୍ଟି ଦେବା ଆବଶ୍ୟକ। ପଞ୍ଚମୁଖୀ ହନୁମାନଙ୍କ ପୂଜା କରିବା ଦ୍ୱାରା ଜୀବନରେ ଆସିବାକୁଥିବା ସମସ୍ତ ସଙ୍କଟ ଦୂର ହୋଇଥାଏ।

(ବି: ଦ୍ର: ଦିଆଯାଇଥିବା ସୂଚନା ସାମାନ୍ୟ ତଥ୍ୟ ଉପରେ ଆଧାରିତ, କୌଣସି ପଦକ୍ଷେପ ନେବା ପୂର୍ବରୁ ବିଶେଷଜ୍ଞଙ୍କୁ ପରାମର୍ଶ କରନ୍ତୁ)

   Related Posts